Luku 11:13 - Panake Pi La: Ula: Buka pita: Kine Pieke Buka

¹³ Ikita꞉ hoke haliweki halemepate kone ika꞉ weki wandiki pa꞉ta꞉ta꞉ epeke epeke alemanu halo halememe. Koto hau ota꞉ lombei peaaso hata꞉ta꞉ oli ya nane hala꞉ Apa꞉ma꞉ta꞉ mo Holi Sipitidi honke aleme wanda꞉hali pa꞉ta꞉ta꞉ ota꞉ halieke laa leekeme.

Luku 11:13 Referans Kwoze

Ma꞉tiu 7:11

Ikana꞉ma꞉ hoke wanda꞉hali hata꞉ kone ika꞉ wekiwandiki pa꞉ta꞉ epeke epeke alemanu hala꞉pekeeki hone wimika꞉na꞉ta꞉ kota꞉ mo ika꞉ hepeni hala꞉ Apa꞉ma꞉ta꞉ ikana꞉ma꞉ piteme hau ota꞉ lombei peao koto honke lo haleme wanda꞉hali pa꞉ta꞉ ota꞉ epeke epeke alemanu halieke.

Dioni 4:10

Yesuma꞉ ipika꞉ pi hombo peaaso alota꞉ Nakana꞉ma꞉ta꞉ Koda꞉ma꞉ kita꞉la꞉ ale make neke pa꞉ta꞉ Ikali ma꞉nda꞉ nono kie laa honke ala꞉ halina꞉ biki make hone wika꞉na꞉ yoluta꞉ kota꞉ naka꞉ honke aleeki ipikana꞉ma꞉ opua da꞉ta꞉la꞉ ikali kulu pia꞉me leekeme.

Loma꞉ 8:32

Koda꞉ma꞉ ota꞉ ipika꞉ Eiyeke sa꞉sa꞉ na piki kone niki paeyaona꞉eki peaaso homena꞉ kiekeme. Ipika꞉ Eiyeke niki ka꞉la꞉ ekina꞉ koto tupa꞉ ala꞉ta꞉ ala꞉ta꞉ paeyao make ipikana꞉ma꞉ kiki tindipao na kiliepe. Dia꞉me. Ota꞉ kilieke.

Aposolo 2:38

Koto lemeke handaa Pidama꞉ iki pa꞉ta꞉ alota꞉ Koda꞉ma꞉ ika꞉ hoke hau peleme ekimanu pa paeyaena꞉yeke hone ma꞉nda꞉ la꞉ka꞉la꞉ mina wiaata꞉ Yesu Ketisona꞉ bikina꞉ bapitaisi hau pea꞉pa꞉peke. Kutu pimika꞉na꞉ta꞉ Koda꞉ma꞉ kilie aleta꞉ mo Holi Sipitidi kilieke.

Ma꞉tiu 6:14

Kutupa ikana꞉ma꞉ mo iki pa꞉ta꞉ hoke hau pimiki wanda꞉hali ika꞉ hoke haumanu pa paeyaemeka꞉na꞉ta꞉ kota꞉ ika꞉ hepeni hala꞉ Apa꞉ma꞉ ika꞉ pimi hoke haumanu make pa paeyawalieke.

Ma꞉tiu 6:32

Mo Koda꞉na꞉ biki na opimiki wanda꞉halima꞉ta꞉ hoto paeyao koto ale manuna꞉ anke wopu tolu haleme. Pate mo ika꞉ hepeni hala꞉ Apa꞉ma꞉ta꞉ koto alemanu nate paeyao ikana꞉ma꞉ make mu hapa꞉peke ekita꞉ hone ula꞉me.

Luku 11:2

Koto leeke Yesuma꞉ iki pa꞉ta꞉ walolo hata꞉ alota꞉ Ikana꞉ma꞉ yeni pimika꞉na꞉ta꞉ dupa pia꞉pa꞉peke. Apa꞉o. Naka꞉ yako piki bikita꞉ ota꞉ manda wia haena꞉e. Naka꞉ Kilu Tombuao Haleeki do ane opolo epena꞉e.

Ma꞉tiu 6:30

Mo ame homeke opa haena꞉ laa tunkula hapuao beliata꞉ tina꞉ yanka꞉peke yeke moma manuna꞉ auta꞉ Koda꞉ma꞉ lawao haya꞉ka꞉na꞉ta꞉ a꞉pee kota꞉ ika꞉ hone tulaaseme ekita꞉ ota꞉ hodikale siki ya꞉ka꞉ta꞉me. Koto alemanu pa꞉ta꞉ kone Koda꞉ma꞉ kutu pu haya꞉ka꞉na꞉ta꞉ kota꞉ ipikana꞉ma꞉ iki make ota꞉ ana꞉na꞉ kone handeteke halieke.

Ma꞉tiu 5:45

Kutu pimika꞉na꞉ta꞉ kota꞉ ikita꞉ ika꞉ hepeni hala꞉ Apa꞉na꞉ eiyeke tonu halimikie. Pa ekipeke. Ipikana꞉ma꞉ ipika꞉ natena꞉ pa̱a̱ta꞉ mo hoke wanda꞉hali epeke wanda꞉hali paeyao pa꞉ta꞉ mandake piki nate pa̱a̱ kone peaasa꞉me. Koto tupa꞉ kone mo epeke hau pu haleme wanda꞉hali hoke hau pu haleme wanda꞉hali pa꞉ta꞉ ipikana꞉ma꞉ lako iki paeyao mandake tupa꞉ kone ana꞉na꞉ halo hala꞉me.

Ma꞉tiu 5:16

Koto tupa꞉ kone wanda꞉halima꞉ ika꞉ epeke haumanu handolo hata꞉ ika꞉ hepeni hala꞉ Apa꞉ pa꞉ta꞉ yeiya꞉ lawaena꞉ma꞉ paeyaoma꞉ handena꞉ ika꞉ pa̱a̱ peapeke haumanu pu hapa꞉peke.

Loma꞉ 7:18

I̱ tukiki pa꞉ta꞉ epekeeki ma꞉nda꞉ na pila꞉eki I̱ma꞉ hone witolome. I̱ tukiki pa꞉ta꞉ loa꞉ ekita꞉ I̱ta꞉ kenke hali hata꞉ loa꞉me. I̱ma꞉ta꞉ epeke ekimanu puluekema꞉ hone pa꞉la꞉pate I̱ma꞉ pea꞉peke na ya꞉la꞉me.

Loma꞉ 5:17

Mo hande hali homekema꞉ hoke hau pieke handa homa꞉la꞉ ekita꞉ honkopu hao wanda꞉hali paeyao lu tombuao ula꞉ ekita꞉ nikana꞉ma꞉ handoloma꞉me. Koto pa꞉la꞉pate mo hande hali homeke Yesu Ketisoma꞉ pieke ekita꞉ ota꞉ hone mateke some tieke pa꞉la꞉me. Koda꞉ma꞉ pa hameke a꞉ta꞉ma꞉ wopu homa꞉la꞉eki make ipiki yaapo tikitiki yao hamono la kita꞉la꞉eki make kotoeki yaapo moloma꞉ wanda꞉halima꞉ta꞉ Ketisoma꞉ peaala꞉ ekina꞉ da꞉ta hata꞉ honkopu hao halumeke.

Taitasi 3:3

Amba꞉ niki make hone wopu na wiki pi tunkulu make pu ata꞉ka꞉ peaoma꞉me. Nika꞉ lokena꞉ hone pa꞉la꞉ hau manuma꞉ make nika꞉ lokena꞉ ta꞉na꞉ma꞉ homaasa꞉ haumanu make koto hau paeyaoma꞉ nika꞉ hone handeteke haena꞉ loma꞉me. Kutupa nate paeyao mineke panka꞉ tiake pimanu lo make ma꞉nda꞉ma꞉ epeke ale pa꞉ta꞉ make leke polopao haoma꞉me. Mandane wanda꞉halima꞉ niki honditi pimikita꞉ iki make honditi pu haoma꞉me.

Kini Pieke 8:21

Kutu pieke handaa mo lia haleeke hotekena꞉ totopo seliapoma꞉ta꞉ mo Tekehali ta꞉na꞉ homa꞉ tiayeke handaa ipika꞉ kone alota꞉ Do wanda꞉halima꞉ pu haleme ekina꞉ I̱ma꞉ do kenketa꞉ esihou pi oto pa꞉ta꞉ ota꞉ paa na wina꞉ lolueke. Pa ekipeke ika꞉ mo panake daeta꞉la꞉me ale pa꞉ta꞉ koneta꞉ hoke honemanu wilimi ekita꞉ I̱ma꞉ hone ulu ekina꞉ loa꞉me. Koto ekina꞉ I̱ma꞉ ame do pua꞉ tupa꞉ mo do kenkena꞉ pa pitiki alemanu paeyao ota꞉ paa a꞉nda꞉ na hoeyaalueke.

Luku 11:12

O ba hapeke honke lea꞉ka꞉na꞉ta꞉ tei hali mea halimikipe.

Luku 18:7

Kota꞉ Koda꞉na꞉ wanda꞉halima꞉ iki tamba꞉ mina꞉ alo timba natena꞉ wi alo honke la꞉tiki pu haleme wanda꞉halina꞉ pota꞉ta꞉ Koda꞉ma꞉ tikitiki na yaalia꞉pe. Tamba꞉ muluekema꞉ kese kese pilia꞉pe. Dia꞉me.