Loma꞉ 9:5 - Panake Pi La: Ula: Buka pita: Kine Pieke Buka

⁵ Ikita꞉ amba꞉ haemeke apa꞉mei tieke tieke pa꞉ta꞉ kini pu mea a꞉pa halememe. Ketiso make kenke hali au la a꞉pa hata꞉ta꞉ iki tapake kone hayekeme. Koda꞉ma꞉ ala꞉ta꞉ ala꞉ta꞉ paeyao kilu tombuao hata꞉ tumiki hala꞉ ekina꞉ta꞉ ipika꞉ pi laatiki pu haoma꞉ka꞉na꞉ta꞉ epelieke. Kutu pina꞉e.

Loma꞉ 9:5 Referans Kwoze

Loma꞉ 1:25

Kutu piki haliwekima꞉ta꞉ Koda꞉ ota꞉ hala꞉ ekita꞉ na miki pa topo pea yayapikieki melememe. Kutupa Koda꞉ma꞉ pa wepia wina꞉ la꞉la꞉ alemanu pa꞉ta꞉ panda꞉puniao yeni pu hata꞉ ika꞉ hau peao halemepateta꞉ hande ala꞉ta꞉ ala꞉ta꞉ paeyao wepia wina꞉ la꞉la꞉ Koda꞉ pa꞉ta꞉ta꞉ na pitelememe. Koto Koda꞉ta꞉ wanda꞉halima꞉ ipika꞉ pi laatiki pu hapa꞉peke ya꞉la꞉me. Ota꞉ loa꞉me.

1 Dioni 5:20

Nika꞉ hone uluma꞉ ekita꞉ mo Koda꞉na꞉ Eiyeketa꞉ niki hone lenkipa wita꞉la꞉eki kulu a꞉pa꞉la꞉me. Pa ekipeke nikana꞉ma꞉ mo ota꞉ Koda꞉ hone ulu poloma꞉ tupa꞉ pa꞉la꞉me. Ipiki ame̱le̱ hone homeke witolo hata꞉ pa ipika꞉ Eiyeke Yesu Ketiso kone hone homeke wia haloma꞉me. Ipikita꞉ mo ota꞉ Koda꞉e. Kutupa ipikita꞉ deto hala꞉ ekina꞉ tekee.

Dioni 10:30

Yaka Apa꞉ dikita꞉ homeke kone halopa꞉me leekeme.

1 Timodi 3:16

Mo nika꞉ Ketiso hauna꞉ teketa꞉ ota꞉ hau tieke dia꞉me pita꞉ ma꞉nda꞉ma꞉ lapeke na ya꞉la꞉me. Do ekina꞉ alome. Ipikita꞉ ota꞉ halina꞉ loke kone mea opolo epeekeme. Mo hande Sipitidima꞉ ipika꞉ yako pa꞉la꞉ ekita꞉ ota꞉ ekie laa peneme waleekeme. Kutupa ipikita꞉ enisoloma꞉ make handeekeme. Ipika꞉ bikita꞉ mo tutu ma꞉nda꞉ ma꞉nda꞉ paeyao pa꞉ta꞉manu make walemekeme. Kutu pieketa꞉ mo kenke paeyao pa꞉ta꞉ haemeke wanda꞉halima꞉ ipiki pa꞉ta꞉ hone tulaemekeme. Kutaa ipikita꞉ Koda꞉ma꞉ oli ya nane hatuku mea peekeme.

Loma꞉ 1:3

Do Pi Seliapota꞉ ipika꞉ Eiyeke hande nika꞉ Tekehali Yesu Ketisoma꞉ pulu pieke ekina꞉ eki loa꞉me. Ipikita꞉ kenke hali leke hayeke ekita꞉ Deipidina꞉ tapake hali hayekeme.

Peneme Yaeyekeeki 1:18

I̱ta꞉ deto hala꞉ halie. I̱ta꞉ homoa꞉pate ameta꞉ tiao hoto paeyao pa hatia pu hala꞉ hali halome. I̱ma꞉ta꞉ homa꞉la꞉ ekina꞉ make mo homo hala꞉ kenkena꞉ pota꞉ ki handeteke halo halie.

Peneme Yaeyekeeki 22:16

I̱ta꞉ Yesuma꞉ do hau manuta꞉ iki siosimanu haleme wanda꞉hali pa꞉ta꞉ lawaena꞉ yaka enisolo tapaalome. Deipidita꞉ yaka apa꞉mei halie. I̱ta꞉ mo hande da ka꞉la꞉paaso opa꞉la꞉ pa̱a̱ tieke piki hombulanka꞉e laa lea꞉me.

2 Kotindi 11:31

Koda꞉ mo Tekehali Yesu Ketisona꞉ Atekema꞉ta꞉ I̱ma꞉ta꞉ yayapiki pi na alome laa hone wita꞉la꞉me. Ipika꞉ bikita꞉ hoto paeyao mea a꞉meiyamana꞉e.

Loma꞉ 11:28

Diu wanda꞉hali ikana꞉ma꞉ hande Pi Seliapo kiao haleme ekina꞉ ikita꞉ Koda꞉na꞉ a꞉nda꞉ tunkuliki wanda꞉hali halememe. Kutu peleme ekima꞉ Diendaili wanda꞉hali ikana꞉ma꞉ tamba꞉ mina꞉la꞉ hau minelememe. Kutu pitelemepate Koda꞉ma꞉ amba꞉ ika꞉ apa꞉mei ameda pa꞉ta꞉ pi la꞉ witolo alota꞉ Ikana꞉ma꞉ mendilimi wekiwandiki manuta꞉ yaka yankeketonu halimikie laa leeke handaata꞉ Diu wanda꞉hali ikita꞉ Koda꞉na꞉ yankeketonu halememe.

Loma꞉ 10:12

Koto wape pa꞉la꞉ ekita꞉ wanda꞉hali paeyao pa꞉ta꞉ la꞉la꞉me. Diu wanda꞉hali make Diendaili wanda꞉hali make paeyaota꞉ homeke tupa꞉ da꞉ta hapa꞉peke ekina꞉ loa꞉me. Wanda꞉hali paeya tapaona꞉ Tekehali homeke kone hala꞉me. Kutupa make epi ameda paeyaoma꞉ ipika꞉ biki laa honke lemeka꞉na꞉ta꞉ kota꞉ ipikana꞉ma꞉ iki wotu epeaalieke.

Peneme Yaeyekeeki 22:20

Do wape pa꞉la꞉ pi manuta꞉ ota꞉ pie laa la꞉ wita꞉la꞉ somema꞉ alota꞉ Aowe. Ota꞉ a꞉pa꞉la꞉me. I̱ta꞉ teke pa꞉ta꞉ ipulume lea꞉me. Koto ekina꞉ta꞉ kutu pia꞉peke. Tekehali Yesuo. Epoe.

2 Timodi 2:8

Nakana꞉ma꞉ mo hande homa paa tiaeyeke yeke Deipidina꞉ tapake hali Yesu Ketiso hone u hapeke. I̱ma꞉ mo Pi Seliapo waloa꞉ka꞉na꞉ta꞉ kota꞉ koto pi kone walo halome.

1 Timodi 6:15

Mo Ketisona꞉ paa la꞉ka꞉la epolo pa꞉la꞉ nateta꞉ Koda꞉ma꞉ homeke handeteke hala꞉ ekina꞉ mo ponka꞉ di pilu ula꞉ nate opolo epea꞉ka꞉na꞉ta꞉ kota꞉ Koda꞉ma꞉ Ketiso peneme yao mea halieke. Koda꞉ta꞉ ta꞉na꞉ma꞉ homa꞉la꞉ ekina꞉ teke hata꞉ ipiki homeketa꞉ wanda꞉hali paeyaona꞉ handeteke hala꞉ hali hala꞉me. Ipikita꞉ mo kini haliweki paeyaona꞉ Tumiki Kini hali make mo teke haliweki paeyaona꞉ Tekehali make hala꞉me.

1 Kotindi 14:16

Neketa꞉ pa naka꞉ temoko homekema꞉ da ta꞉ta꞉ piki pima꞉ Koda꞉ pa꞉ta꞉ keiyae pi laa yeni pika꞉na꞉ta꞉ kota꞉ mo iki ame̱le̱ pila꞉ hali ma꞉nda꞉ma꞉ hande da ta꞉ta꞉ piki pi ale ekita꞉ na opiki hata꞉ta꞉ Koda꞉ pa꞉ta꞉ Aowe. Kutu pina꞉e laa ekipa opua lena꞉pe.

Ma꞉tiu 28:20

Kutaa make hande I̱ma꞉ iki pa꞉ta꞉ la kua꞉ pimanu paeyaota꞉ mo wanda꞉halima꞉ miniki hata꞉ tolu haena꞉ iki pa꞉ta꞉ wala꞉tiki pu hapa꞉peke. I̱ta꞉ mo paelo pa꞉la꞉ nate epea꞉ka꞉na꞉ kia꞉ naluekema꞉ iki ame̱le̱ nate paeyao mandake hao halumeke leekeme.

Peneme Yaeyekeeki 5:14

Koto lemeke mo deto hala꞉ tonkopu ale manuma꞉ alota꞉ Kutu pina꞉e lemeke mo you haliwekita꞉ panda꞉puniao lopa ipiki pa꞉ta꞉ yeiya꞉ laaso yeni pimime.

Aposolo 20:28

Holi Sipitidima꞉ ikita꞉ handeteke halo peleme haliweki mea hamina꞉ leeke handa ika꞉ kone handeteke hao mo ma꞉na꞉titi paeyao make handeteke hapa꞉peke lea꞉me. Tekehalima꞉ ipika꞉ Eiyekena꞉ wema꞉ kone mieke tapake wanda꞉halita꞉ ikana꞉ma꞉ handeteke hapa꞉peke lea꞉me.

Ma꞉tiu 6:13

Ka꞉nda꞉piki ekima꞉ niki na la handa꞉peke. Kotoeki na pikita꞉ hoke Sadanima꞉ niki hoeyaama꞉na꞉ma꞉ nakana꞉ma꞉ niki epeke tupa꞉ handeteke hapeke laa yeni pea꞉pa꞉peke ya꞉la꞉me.

Kini Pieke 49:10

Diudama꞉ta꞉ mo kinina꞉ minu hala꞉ dolo miniki halieke. Kutupa ipika꞉ monduma꞉ monduma꞉ pilia꞉ wekiwandikina꞉ wekiwandiki pa꞉ta꞉ yama꞉ kini halimanu hoto paeyao handeteke hao hatiki pilimikie. Tutu manuma꞉ta꞉ ipika꞉ dakisi hambuluekema꞉ ala꞉ta꞉ ala꞉ta꞉ mea a꞉palimikie. Kutupa ipiki pa꞉ta꞉ homu pitolo hata꞉ panda꞉punialimikie.

Kini Pieke 12:3

Mo neke epealimi wanda꞉halita꞉ I̱ma꞉ epealo polopate. Mo neke pa꞉ta꞉ esihou pi lelimi wanda꞉halita꞉ kota꞉ I̱ma꞉ iki pa꞉ta꞉ esihou pi laalueke. Kutupa neke pa꞉ta꞉ yama꞉ta꞉ mo tutu ta꞉ta꞉ ta꞉ta꞉ paeyao epealueke leekeme.

Aposolo 3:13

Eipoloha꞉ma꞉ Aisa꞉ke Dieikope ika꞉ Koda꞉ta꞉ nika꞉ apa꞉ titina꞉ Koda꞉ma꞉ kone mo wele pita꞉la꞉eki ipika꞉ e pokaeyeke hali Yesuna꞉ biki mea a꞉meiyaaso hata꞉ haleekeme. Kutu pa꞉la꞉pate ikana꞉ma꞉ Pailedi pa꞉ta꞉ luekema꞉ hatuku pua Pailedima꞉ta꞉ paa pena꞉ loluekema꞉ taapolo haena꞉ kone ikana꞉ma꞉ luekema꞉ taapeme hali ipikina꞉ loa꞉me.

Hibulu 7:24

Yesuta꞉ pa hao haleke handaa ipika꞉ yeni peaasa꞉ ekita꞉ ma꞉nda꞉ pa꞉ta꞉ hala꞉peke na ya꞉la꞉me.

Luku 20:44

Koto ekina꞉ta꞉ Deipidima꞉ ipika꞉ kone Ketiso pa꞉ta꞉ta꞉ Yaka Tekehalie la꞉la꞉ ekina꞉ kota꞉ Ketisota꞉ ekipa ipika꞉ tapake weki halia꞉pe laa leekeme.