Loma꞉ 8:6 - Panake Pi La: Ula: Buka pita: Kine Pieke Buka

⁶ Ika꞉ hone witeleme ekita꞉ ika꞉ lokena꞉ hone pa꞉la꞉eki manuma꞉ handeteke hatiki pia꞉ka꞉na꞉ta꞉ kota꞉ homa꞉la꞉eki milimikie. Kutu pulu pelemepate ika꞉ hone witeleme ekita꞉ hande Sipitidima꞉ handeteke hatiki pia꞉ka꞉na꞉ta꞉ kota꞉ Koda꞉ma꞉ ika꞉ puki lopa꞉niawao iki da꞉taalieke.

Loma꞉ 8:6 Referans Kwoze

Ka꞉leisia 6:8

Mo somema꞉ ipika꞉ lokena꞉ namonamo pa꞉la꞉ ekina꞉ waemanu ti lao noka꞉pea꞉ka꞉na꞉ta꞉ kota꞉ koto namo namona꞉ kilikita꞉ homa꞉la꞉eki milieke. Pate ipika꞉ waeta꞉ mo Holi Sipitidima꞉ kilu tombuao hala꞉ pa꞉ta꞉ wae noko pea꞉ka꞉na꞉ta꞉ kota꞉ mo ipika꞉ tala꞉la꞉ ekita꞉ mo hande Holi Sipitidima꞉ kita꞉la꞉ deto hala꞉eki milieke.

Loma꞉ 8:7

Koto ekina꞉ hali epita꞉ ipika꞉ lokena꞉ hone pa꞉la꞉eki manuma꞉ ipika꞉ hone wita꞉la꞉eki handeteke hatiki pia꞉ka꞉na꞉ta꞉ kota꞉ ipikita꞉ Koda꞉na꞉ a꞉nda꞉ tunkuliki hali halieke. Ipikana꞉ma꞉ta꞉ Koda꞉na꞉ Lo Pimanu na opu hala꞉ ekima꞉ pita꞉la꞉pate ipikana꞉ma꞉ ota꞉ opua꞉peke na ya꞉la꞉me.

Loma꞉ 8:13

Ikana꞉ma꞉ ika꞉ lokena꞉ hone pa꞉la꞉ ekimanu pea꞉tiki pu haemeka꞉na꞉ta꞉ ota꞉ homilimikie. Kutu pulu pelemepate Sipitidi ipika꞉ wele pita꞉la꞉ ekina꞉ ikana꞉ma꞉ ika꞉ lokema꞉ hoke hau piteleme ekimanu lu homaemeka꞉na꞉ta꞉ kota꞉ iki da꞉ta halimikie.

Loma꞉ 13:14

Ikana꞉ma꞉ta꞉ ika꞉ lokena꞉ hoke hau tekema꞉ iki hoke hau puemena꞉yeke sutiaasa꞉ ekimanu na opiki Tekehali Yesu Ketiso ipika꞉ a꞉nda꞉ pea꞉peke alemanu mea miniki hapa꞉peke.

Loma꞉ 6:23

Hoke hau piteleme ekina꞉ mea꞉peke yenkita꞉ homa꞉la꞉ekie. Kutu pa꞉la꞉pate Koda꞉ma꞉ pa hameke kita꞉la꞉ ekita꞉ da꞉ta hao hala꞉ekie. Nika꞉ Tekehali Yesu Ketiso yaapo ta꞉ma꞉ni pea hamono kita꞉la꞉me.

Ka꞉leisia 5:22

Koto pa꞉la꞉pate mo Holi Sipitidima꞉ta꞉ epeke haumanu dupa peawaasa꞉me. Pukima꞉ homa꞉la꞉ hau make puki tukiki nane ota꞉ ta꞉na꞉ma꞉ homa꞉la꞉ hau make puki lopaasa꞉ hau make homu pea yu wia hala꞉ hau make a꞉ta꞉ma꞉ homolo epeke pita꞉la꞉ ekima꞉ ma꞉nda꞉ tamba꞉ mina꞉la꞉ hau make hone tulao hata꞉ e poka꞉la꞉ hau make

Dioni 14:27

I̱ma꞉ iki mina꞉pa꞉lao pulupate puki lopa꞉niaasa꞉ ekita꞉ iki pa꞉ta꞉ pa wina꞉ laa pulume. Yaka puki lopa꞉niaasa꞉eki kone iki pa꞉ta꞉ kitolome. Kutupa mo kenke wanda꞉halima꞉ iki pa꞉ta꞉ kita꞉la꞉ tupa꞉ pa na kitolome. Koto ekina꞉ hone eleke eleke na wiki paala꞉ma꞉ na homa꞉pa꞉peke laa leekeme.

Loma꞉ 6:21

Kutupu haeme hau manuma꞉ ameta꞉ iki yaala꞉ma꞉ homelemepate iki epeaaso na pia꞉me. Kutu piki hau manuma꞉ta꞉ wanda꞉hali homao halememe.

Loma꞉ 14:17

Mo hande Koda꞉ ipika꞉ Kilu Tombuao Hala꞉ ekita꞉ kota꞉ ne ikali nala꞉ ekima꞉ na pa꞉la꞉me. Mo hande Holi Sipitidima꞉ kita꞉la꞉eki manuta꞉ tikitiki yao hala꞉eki puki lopa꞉niaasa꞉eki ta꞉na꞉ma꞉ homa꞉la꞉eki koto ekimanu kita꞉la꞉ ekima꞉ pa꞉la꞉me.

Loma꞉ 7:5

Amba꞉ nikita꞉ nika꞉ hone pa꞉la꞉ ekimanu homeke pu haoma꞉ dina꞉ hande Lo Pi manuma꞉ta꞉ nikana꞉ma꞉ hoke hau peomonoyeke nika꞉ lokena꞉ hone pa꞉la꞉ ekimanu pu tiaaso haena꞉ niki homaapeke yeekeme.

Dioni 14:6

Yesuma꞉ ipika꞉ pi hombo peaaso alota꞉ I̱ta꞉ hande pota꞉e. I̱ ota꞉ekie laa I̱ta꞉ da꞉ta꞉la꞉ekie. Hali epima꞉ yaka Apa꞉ pa꞉ta꞉ polueke hone wia꞉ka꞉na꞉ta꞉ pota꞉ ma꞉nda꞉ dia꞉me. I̱ pa꞉ta꞉ homeke epena꞉e leekeme.

Loma꞉ 7:11

Hoke hauma꞉ hande pi ula꞉eki handeteke hata꞉ I̱ makealo pieke pota꞉ handa꞉ wiekeme. Hoke hauma꞉ hande pi ula꞉ ekima꞉ makeao I̱ lu homaeya꞉me.

Loma꞉ 5:10

Amba꞉ nikita꞉ Koda꞉ ipika꞉ a꞉nda꞉ tunkuliki wanda꞉hali haoma꞉pate ipika꞉ Eiyekena꞉ homeeke ekima꞉ nikita꞉ ipika꞉ yankekesunu hamono la꞉la꞉me. Ame nikita꞉ Koda꞉ ipika꞉ yankekesunu haloma꞉ ekina꞉ Ketiso ipika꞉ da꞉ta hala꞉ ekima꞉ Koda꞉ma꞉ niki wotu tamba꞉ milieke.

Loma꞉ 5:1

Nika꞉ hone tulaaloma꞉ ekima꞉ Koda꞉ma꞉ nikita꞉ ipiki yaapo tikitiki hamono la꞉la꞉me. Kutu pa꞉leke handa Koda꞉ma꞉ nika꞉ puki lopao ipiki ame̱le̱ hamono la꞉la꞉me. Nika꞉ Tekehali Yesu Ketisoma꞉ pa꞉la꞉ ekina꞉ pa꞉la꞉me.

Dioni 17:5

Apa꞉o. Amba꞉ do kenke a̱i̱ na wepiki hata꞉ neke yaapo hata꞉ mua꞉ pa̱a̱ piki kapu tieketa꞉ kotoeki kone ameta꞉ naka꞉ leke popelekena꞉ hano kie.

Loma꞉ 8:27

Kutupa mo hande Sipitidima꞉ Koda꞉na꞉ hone pa꞉la꞉ ekimanu handeteke haena꞉ laata꞉ ipika꞉ wanda꞉halina꞉ yeni manuta꞉ Koda꞉ pa꞉ta꞉ peao hala꞉me. Koto ekina꞉ Koda꞉ma꞉ wanda꞉halina꞉ puki pa꞉ta꞉manu handolo hata꞉ mo hande Sipitidima꞉ hone wita꞉la꞉eki hando hala꞉me.