Loma꞉ 7:7 - Panake Pi La: Ula: Buka pita: Kine Pieke Buka

⁷ Koto pa꞉la꞉ ekina꞉ nikana꞉ma꞉ eki pi loluma꞉pe. Hande Lo Pi manuta꞉ hokeekie loluma꞉pe. A꞉pa꞉e. Dia꞉me. Koto pa꞉la꞉pate hande Lo Pi manuma꞉ta꞉ I̱ma꞉ hoke hau pitoloeki handonoyeke pa꞉la꞉me. Hande Lo Pi manuma꞉ alota꞉ Ta꞉ta꞉na꞉ ale muluekema꞉ we na pamba꞉peke la꞉la꞉pate pa kutupiki pi na lea꞉ka꞉na꞉ yoluta꞉ mo ta꞉ta꞉na꞉ ale muluekema꞉ we pamba꞉la꞉ ekita꞉ I̱ma꞉ hone wopu na ulu pua꞉me.

Loma꞉ 7:7 Referans Kwoze

Loma꞉ 3:20

Do ekina꞉ yeke loa꞉me. Ma꞉nda꞉ hali a꞉nda꞉ma꞉ hande Lo Pimanu opua pa꞉la꞉ ekina꞉ Koda꞉ pa꞉ta꞉ tikitiki yao hapeke na ya꞉la꞉me. Mo hande Lo Pi manuma꞉ pita꞉la꞉ ekita꞉ wanda꞉halima꞉ ika꞉ hoke hau pelemeeki hone wina꞉ pita꞉la꞉me.

Loma꞉ 4:15

Hande Lo Pimanu opua oto pa꞉ta꞉ haleme wanda꞉hali pa꞉ta꞉ wetepena꞉ta꞉ Koda꞉ma꞉ mineke pankolo hata꞉ iki ame̱le̱ pi yokaalu pilieke. Kutu pulu pa꞉la꞉pate hali ma꞉nda꞉ma꞉ wanda꞉hali pa꞉ta꞉ pi wita꞉la꞉eki ma꞉nda꞉ na la halea꞉ka꞉na꞉ta꞉ kota꞉ wetepena꞉ iki pa꞉ta꞉ pi ula꞉eki yambelelememe pi lapeke na ya꞉la꞉me.

1 Kotindi 15:56

Homa꞉la꞉ ekima꞉ta꞉ ipika꞉ tanda peao homaaluekema꞉ wele peaasa꞉ ekita꞉ hoke hau pita꞉la꞉eki pa꞉ta꞉ yama꞉ mu hala꞉me. Kutupa hoke hau pita꞉la꞉ ekima꞉ta꞉ ipika꞉ wele peaasa꞉ ekita꞉ mo hande Lo Pimanu pa꞉ta꞉ yama꞉ mu hala꞉me.

Loma꞉ 13:9

Hande pi ula꞉eki manuta꞉ Hali ma꞉nda꞉na꞉ wanda꞉na꞉ hakopu na tunkuliki o ma꞉nda꞉ ota꞉ homena꞉ honema꞉ kone na liki o pake na neke o ma꞉nda꞉na꞉ alemanu muluekema꞉ leke na pola꞉paapa꞉peke laa la꞉ ula꞉ pimanu make mandane ekimanu tonka꞉na꞉ koto pimanu paeyaona꞉ titina꞉ pi homeketa꞉ dupa ula꞉me. Nakana꞉ma꞉ta꞉ neke pa꞉ta꞉ kone pukima꞉ homele tupa꞉ koto tupa꞉ ma꞉nda꞉ pa꞉ta꞉ make pukima꞉ homa꞉peke laa wape pa꞉la꞉me.

Loma꞉ 7:8

Hoke hauma꞉ I̱ pa꞉ta꞉ hoke hone pa꞉la꞉ ekimanu u tiaalo pieke pota꞉ handa꞉ wiekeme. Mo hande pi ula꞉eki homeke handeteke hata꞉ pia꞉me. Lo Pimanu dia꞉ka꞉na꞉ta꞉ hoke hauta꞉ wele na pilieke.

1 Desalonaika 4:5

Hande pi na miki hata꞉ Koda꞉na꞉ hau na handeke haliwekima꞉ ika꞉ hoke hone pa꞉la꞉eki tumbaaluekema꞉ wanda꞉ mineleme tupa꞉ koto hau na pea꞉pa꞉peke aleo.

Loma꞉ 3:5

Koto pa꞉la꞉pate mandane haliwekima꞉ alota꞉ Hoke hau puma꞉ka꞉na꞉ta꞉ wanda꞉halima꞉ Koda꞉ma꞉ tikitiki hau pita꞉la꞉eki wotu handilimikie alemepate koto aleme pi hombo peaasota꞉ eki lomana꞉pe. Mo kenke haliwekima꞉ lo haleme tupa꞉ Koda꞉ma꞉ niki panisi kia꞉ka꞉na꞉ta꞉ hokeeki pitolo pita꞉la꞉me laa lomana꞉pe.

Kolosi 3:5

Koto ekina꞉ta꞉ do kenkena꞉ ekina꞉ hone pa꞉la꞉eki manuta꞉ yola꞉la꞉ hau make ha̱i̱piki hau pita꞉la꞉eki make we pamba꞉la꞉eki make hoke hauna꞉ hone tulaa pelia hala꞉eki make pasa꞉tei pita꞉la꞉ hauta꞉ mo toopi ti wepia ula꞉ ale pa꞉ta꞉ honke honke ala꞉ pasa꞉tei pita꞉la꞉ hauma꞉ handekeeki make doeki paeyaota꞉ ota꞉ homena꞉ lapa꞉peke.

Epesese 5:3

Kutupa make iki Koda꞉na꞉ wanda꞉hali hata꞉ loke hoeyaasa꞉ haumanu make na tiaake haumanu make pasa꞉tei pita꞉la꞉ haumanu make kutu pikieki manuna꞉ pi ma꞉nda꞉ a꞉nda꞉ na hotia꞉pa꞉peke.

Loma꞉ 7:13

Koto pa꞉la꞉ ekina꞉ hande epeke ekima꞉ta꞉ I̱ lu homaeya꞉pe. A꞉pa꞉e. Dia꞉me. Hoke hauma꞉ homeke pia꞉me. Hoke hauma꞉ta꞉ epekeeki mea kone ipika꞉ hoke hau teke wanda꞉halima꞉ peneme yao handena꞉yeke I̱ lu homaeya꞉me. Koto ekina꞉ hande pi ula꞉ ekima꞉ kone hoke hau pita꞉la꞉ ekita꞉ ota꞉ hokeeki kone wala꞉ tiaasa꞉me.

Loma꞉ 7:11

Hoke hauma꞉ hande pi ula꞉eki handeteke hata꞉ I̱ makealo pieke pota꞉ handa꞉ wiekeme. Hoke hauma꞉ hande pi ula꞉ ekima꞉ makeao I̱ lu homaeya꞉me.

Loma꞉ 7:5

Amba꞉ nikita꞉ nika꞉ hone pa꞉la꞉ ekimanu homeke pu haoma꞉ dina꞉ hande Lo Pi manuma꞉ta꞉ nikana꞉ma꞉ hoke hau peomonoyeke nika꞉ lokena꞉ hone pa꞉la꞉ ekimanu pu tiaaso haena꞉ niki homaapeke yeekeme.

Loma꞉ 6:15

Koto ekina꞉ eki pumana꞉pe. Hande Lo Pi manuma꞉ dupa꞉pe laa wala꞉la꞉eki nika꞉ wenokona꞉ na wiki hande Koda꞉na꞉ pa a꞉ta꞉ma꞉ homa꞉la꞉eki homeke nika꞉ wenokona꞉ wina꞉ aloma꞉ ekina꞉ hoke hau pumana꞉pe. A꞉pa꞉e. Dia꞉me.

Loma꞉ 4:1

Eipoloha꞉ma꞉ta꞉ Diu wanda꞉halina꞉ titina꞉ halie. Koto pa꞉la꞉ ekina꞉ nikana꞉ma꞉ eki pi lomana꞉pe.

Aposolo 20:33

I̱ma꞉ta꞉ hali ma꞉nda꞉na꞉ silipa kolo dau leke na polopaota꞉

Luku 12:15

Koto laa Yesuma꞉ paeyao pa꞉ta꞉ alota꞉ Handeteke hapa꞉peke. Hande pasa꞉tei hau ta꞉ta꞉ ta꞉ta꞉ pikieki a꞉paapa꞉na꞉ ika꞉ kone wopu handeteke hata꞉ leke leke lo hapa꞉peke. Wanda꞉hali paeyaoma꞉ hamoko tieke ekipa haena꞉ kone ika꞉ da꞉ta꞉la꞉ ekina꞉ teketa꞉ ika꞉ wia haleme alemanu pa꞉ta꞉ na ula꞉me leekeme.

Ma꞉tiu 5:28

Pate ame I̱ma꞉ iki pa꞉ta꞉ la kitolo ekita꞉ dupa. Hali epima꞉ wanda꞉ homeke ma꞉nda꞉ handolo ipika꞉ta꞉ ya meawee la honema꞉ we pambea꞉ka꞉na꞉ta꞉ kota꞉ koto some ipika꞉ honema꞉ta꞉ mo wanda꞉ hakopu amba꞉ tunkulula꞉me.

Kini Pieke 3:6

Mo wanda꞉ma꞉ mo ti handeeketa꞉ au epeke laa mo ti poteke nalota꞉ ota꞉ a꞉pa꞉la꞉me laa handeekeme. Kutupa ipika꞉ honema꞉ ipikita꞉ hone wopu u lenkene pitolota꞉ ota꞉ a꞉pa꞉la꞉me hone wiekeme. Koto ekina꞉ta꞉ ipikana꞉ma꞉ mo mandane ti potekemanu mea neekeme. Kutupa ipikana꞉ma꞉ mandane ekita꞉ ipika꞉ haliki haleeketa꞉ halikima꞉ make neekeme.

Luku 20:16

Ipikana꞉ma꞉ a꞉pa mo haliweki liaata꞉ ipika꞉ eta꞉ mo mandane e handeteke halo pa꞉la꞉ haliweki pa꞉ta꞉ hala꞉ monealieke leekeme. Mo wanda꞉halima꞉ doeki opu hao alota꞉ Ota꞉ kutupa dia꞉me lemekepate

Loma꞉ 5:20

Hande Lo Pi manuta꞉ wanda꞉halima꞉ hao hoeyaaseme ekimanu daeyaena꞉yeke Koda꞉ma꞉ wetepena꞉ Mosesi pa꞉ta꞉ la haleekeme. Kutu piekepate hoke haumanu daeya꞉tia peekepate Koda꞉ma꞉ pa hameke a꞉ta꞉ma꞉ homa꞉la꞉eki tiekema꞉ daeya꞉tia pulu hata꞉ lu ankulala꞉me.

Hibulu 7:19

Koto pieke ekita꞉ kota꞉ mo Mosesina꞉ Lo Pi wiekeeki manuma꞉ta꞉ hau ma꞉nda꞉ tikitiki na yaeyekeme. Kutu pieke yeketa꞉ niki ipiki teke pa꞉ta꞉ epomono Koda꞉ma꞉ mo Lo Pi wiekeeki ota꞉ lombei piki panake pota꞉ ma꞉nda꞉ wiawayekeme.