Loma꞉ 7:22 - Panake Pi La: Ula: Buka pita: Kine Pieke Buka

²² Koda꞉na꞉ Lo Pimanu pa꞉ta꞉ yaka pukima꞉ ta꞉na꞉ma꞉ homolopate

Loma꞉ 7:22 Referans Kwoze

Hibulu 8:10

Pate pa ame mo Tekehalima꞉ alota꞉ Mo ipulua꞉ nate nina꞉ta꞉ mo Isulai wanda꞉hali ame̱le̱ la꞉ ulu polo panake pita꞉ dupa la꞉ ulueke laata꞉ Mo ya pi ulu pi manuta꞉ ika꞉ hone teke pa꞉ta꞉manu wina꞉ laota꞉ ika꞉ puki manuna꞉ make wape pealueke. Kutaa I̱ta꞉ ika꞉ Koda꞉ halueke. Kutu pua꞉ka꞉na꞉ta꞉ ikita꞉ ya wanda꞉hali halimikie.

2 Kotindi 4:16

Koto ekina꞉ta꞉ niki pa꞉ta꞉ ka꞉nda꞉manu epena꞉ kone ki hone na uluma꞉me. Nika꞉ manda loketa꞉ koke yomo yomo pita꞉la꞉pate nika꞉ temokota꞉ hoto paeyao wamo pea꞉tiki pu hala꞉me.

Epesese 3:16

I̱ma꞉ Koda꞉ pa꞉ta꞉ honke alo ekita꞉ dupae. Ipikita꞉ manda hata꞉ tieke hala꞉ ekina꞉ ipikana꞉ma꞉ ikita꞉ puki hana꞉ noka꞉pa honkopu hao hamina꞉yeke Sipitidi wele tonka꞉na꞉ kina꞉yeke honke alome.

1 Pida 3:4

Koto pa꞉la꞉pate ika꞉ loke tukiki pa꞉ta꞉ hala꞉ ota꞉ wanda꞉ do koto wanda꞉ta꞉ ota꞉ yole epeke haena꞉ lapa꞉peke. Koto yole pea haasa꞉ ekita꞉ hoto paeyao epeke tupa꞉ hao hapa꞉peke ya꞉la꞉me. Mo kimele piki hau make homu piki hau make koto hau yole yaapota꞉ Koda꞉ma꞉ handata꞉ ota꞉ epeke hau tieke hone u hala꞉me.

Loma꞉ 8:7

Koto ekina꞉ hali epita꞉ ipika꞉ lokena꞉ hone pa꞉la꞉eki manuma꞉ ipika꞉ hone wita꞉la꞉eki handeteke hatiki pia꞉ka꞉na꞉ta꞉ kota꞉ ipikita꞉ Koda꞉na꞉ a꞉nda꞉ tunkuliki hali halieke. Ipikana꞉ma꞉ta꞉ Koda꞉na꞉ Lo Pimanu na opu hala꞉ ekima꞉ pita꞉la꞉pate ipikana꞉ma꞉ ota꞉ opua꞉peke na ya꞉la꞉me.

Kolosi 3:9

Ma꞉nda꞉ pa꞉ta꞉ yayapiki pi na lapa꞉peke. Pa ekipeke ika꞉ amba꞉ hau pita꞉ ipika꞉ hande lu wiayeke pu haeme ekita꞉ amba꞉ holo baaso hata꞉

Dioni 4:34

Yesuma꞉ iki pa꞉ta꞉ alota꞉ Yaka neta꞉ dupae. I̱ tapaala꞉ halina꞉ hone pa꞉la꞉eki puluekema꞉ make ipikana꞉ma꞉ I̱ pa꞉ta꞉ walea꞉ e make pokao paeyawaaluekema꞉ loa꞉me leekeme.

Loma꞉ 2:29

Ota꞉ Diu hali hala꞉ ekita꞉ puki pa꞉ta꞉ mea mendia hala꞉eki ota꞉ekie. Kutu piki halina꞉ puki pa꞉ta꞉ Koda꞉ma꞉ make amba꞉ hao hala꞉me. Kutu piki hauta꞉ Koda꞉na꞉ Sipitidima꞉ peaala꞉me. Hande wape peaala꞉ Lo Pimanu na peaala꞉me. Kutu piki halita꞉ wanda꞉halima꞉ ipika꞉ pi na laasemepate Koda꞉ma꞉ kone ipika꞉ pi laasa꞉me.