Loma꞉ 7:21 - Panake Pi La: Ula: Buka pita: Kine Pieke Buka

²¹ Koto ekina꞉ I̱ pa꞉ta꞉ ula꞉ hau handa꞉ witolo ekita꞉ dupae. I̱ma꞉ta꞉ epekeeki puluekema꞉ hone pa꞉la꞉pate kone hoke hau pionoyeke yaka honema꞉ putiao hala꞉me.

Loma꞉ 7:21 Referans Kwoze

Loma꞉ 7:23

hau ma꞉nda꞉ta꞉ I̱ pa꞉ta꞉ ula꞉eki handolome. Koto ekima꞉ta꞉ yaka honema꞉ Koda꞉na꞉ Lo Pimanu epekeekie laa hone witoloeki yaapo a꞉nda꞉ lu alu pu halepeme. Do hande I̱ pa꞉ta꞉ ula꞉ hauma꞉ koto ekima꞉ta꞉ I̱ma꞉ hoke hau piono pu tiaasa꞉ hauta꞉ do hande I̱ pa꞉ta꞉ ula꞉ hauma꞉ kone I̱ dipula hali leke mea lopao halome.

Hibulu 2:17

Koto hau puluekema꞉ta꞉ ipikana꞉ma꞉ mo ipika꞉ hau paeyaoma꞉ta꞉ ota꞉ ipika꞉ hameke tonu leke hayekeme. Iki pa꞉ta꞉ a꞉ta꞉ma꞉ homolo hata꞉ pea꞉peke hau ma꞉nda꞉ na mina꞉pa꞉lake Koda꞉ pa꞉ta꞉ ika꞉ yeni peao hala꞉ hali haluekema꞉ kutu piekeme. Wanda꞉hali ika꞉ hoke haumanu paeyawaena꞉ Yesuma꞉ hambaasota꞉ kutu piekeme.

Loma꞉ 8:2

Do ekina꞉yeke loa꞉me. Nikita꞉ Yesu Ketiso ame̱le̱ ta꞉ma꞉ni pea ota꞉ hamono la꞉la꞉ Sipitidita꞉ ipikana꞉ma꞉ kone I̱ handeteke hata꞉ walo hala꞉ ekima꞉ta꞉ mo hoke hau pita꞉ homa꞉la꞉eki yaapo pu tiaasa꞉ hauma꞉ tonka pelia hala꞉eki ka꞉la꞉pa꞉ tapaala꞉me.

Loma꞉ 6:14

Hande Lo Pi manuna꞉ dupa꞉pe laa wala꞉la꞉eki ika꞉ wenoko tikitikina꞉ na mea wikita꞉ hande Koda꞉na꞉ pa a꞉ta꞉ma꞉ homa꞉la꞉eki homeke ika꞉ wenoko tikitikina꞉ mea wina꞉ aleme ekina꞉ kota꞉ hoke hau pita꞉la꞉ ekima꞉ iki paa a꞉nda꞉ na lu tombuaena꞉ lapa꞉pekema.

Loma꞉ 6:12

Ika꞉ loke tieke paeyaona꞉ hoke hone u tiaasa꞉ ekimanu pa putia pulu hamono hoke hau pita꞉la꞉ ekima꞉ ika꞉ homa꞉peke ya꞉la꞉ loke tieke paeyao lu tombuaasa꞉me. Kutu pa꞉la꞉pate koto hau manuma꞉ iki paa na lu tombuaena꞉ lapa꞉pekema.

2 Pida 2:19

Ikita꞉ ika꞉ lu wiala꞉ hoke hoeyaasa꞉ hauna꞉ pa hameke e pokaasa꞉ haliweki hata꞉ kone mo wanda꞉hali pa꞉ta꞉ta꞉ iki ka꞉la꞉paalumeke laa pi la꞉ u halememe. Ma꞉nda꞉ epi a꞉nda꞉ ipika꞉ pu hala꞉ hauma꞉ da panda꞉ mina꞉ lea꞉ka꞉na꞉ta꞉ kota꞉ koto someta꞉ pa hameke e pokaasa꞉ hali hala꞉me.

Hibulu 4:15

Nika꞉ Yeni peao hala꞉ You halima꞉ta꞉ nika꞉ honkopu na hake dete piki haumanu handaa a꞉ta꞉ma꞉ na homolo pa꞉la꞉ hali dia꞉me. Kotoeki na pikita꞉ nika꞉ Yeni peao hala꞉ You halita꞉ mo niki la handa꞉peke ya꞉la꞉ ekimanu paeyaoma꞉ ipiki make la handetiki piekepate hoke hau homeke siki ma꞉nda꞉ a꞉nda꞉ ota꞉ na piekeme.

Dioni 8:34

Yesuma꞉ iki pa꞉ta꞉ alota꞉ Iki pa꞉ta꞉ ota꞉ pi alome. Hali epima꞉ hoke hau pu haya꞉ka꞉na꞉ta꞉ koto halima꞉ta꞉ hoke hau pu hala꞉ ekina꞉ e pa hameke pokaasa꞉ hali leke hala꞉me leekeme.

Luku 4:1

Yesuta꞉ mo Diodani ikali mina꞉pa꞉lao paa epeeke pita꞉ma꞉ta꞉ mo Holi Sipitidima꞉ ipiki pa꞉ta꞉ ota꞉ tumbiekeme. Koto dina꞉ta꞉ mo hande Holi Sipitidima꞉ Yesuta꞉ hapupapeke alena꞉ hatuku peekeme.

Loma꞉ 7:25

Koda꞉ pa꞉ta꞉ I̱ma꞉ keiyae pi alome. Ipikana꞉ma꞉ nika꞉ Tekehali Yesu Ketisoma꞉ I̱ tamba꞉ mina꞉ lolo pa꞉la꞉ ekina꞉ loa꞉me. Kota꞉ yaka haloeki dupa. I̱ma꞉ yaka kone Koda꞉na꞉ Lo Pimanu yaka hone wia halopate yaka lokena꞉ hone pa꞉la꞉eki manuma꞉ I̱ma꞉ hoke hau piono pu tiaasa꞉ hauna꞉eki peao halome.