Loma꞉ 3:4 - Panake Pi La: Ula: Buka pita: Kine Pieke Buka

⁴ Ota꞉ dia꞉me. Wanda꞉hali paeyaoma꞉ yayapiki pi alo hamina꞉ kone Koda꞉ma꞉ta꞉ ota꞉ pi homeke lo halieke. Hande Baibolo bukana꞉ wape pa꞉la꞉ tupa꞉ Nakana꞉ma꞉ ale pita꞉ paeyaoma꞉ opuaata꞉ ota꞉ tikitiki piki pi aleme laa hone wilimikie. Neke pa꞉ta꞉ pi yokaalu pitiki pimika꞉na꞉ta꞉ hoto paeyao wini pea꞉tiki pilipikie wape pa꞉la꞉me.

Loma꞉ 3:4 Referans Kwoze

Ka꞉leisia 2:17

Nikita꞉ nika꞉ Yesu pa꞉ta꞉ haloma꞉ ekima꞉ nika꞉ Koda꞉ pa꞉ta꞉ tikitiki yao haluekema꞉ taapolo hata꞉ kone pa mo Diendaili wanda꞉halima꞉ pu haleme hoke hau leke pulumeeki handa꞉ wimika꞉na꞉ta꞉ kota꞉ kotoeki ma꞉nda꞉ma꞉ handolo hata꞉ta꞉ koto hauma꞉ta꞉ Ketisoma꞉ hoke haumanu wala tiaaso pia꞉ka꞉ta꞉me lena꞉ lomana꞉pe. Dia꞉me. Ota꞉ dia꞉me.

Hibulu 6:18

Koda꞉ma꞉ koto topo pea꞉peke na yo yayapiki pi na lo pea꞉peke yekeeki yaapo wina꞉ leekeme. Ipika꞉ oto nane tinki pa haloma꞉ wanda꞉hali nikita꞉ nika꞉ hone ti laloma꞉eki ota꞉ miniki hamono yeke do koto pi yaapoma꞉ta꞉ nika꞉ puki tieke wopu mea tiala꞉me.

Taitasi 1:2

Ika꞉ mo koto hone tulalemeeki make mo ota꞉ pi miniki halemeeki make do hau yaapota꞉ mo deto hala꞉ hauna꞉ ti laasa꞉eki pa꞉ta꞉ ti lalememe. Mo yayapiki pi na lo hala꞉ Koda꞉ma꞉ amba꞉ mo ala꞉ta꞉ ala꞉ta꞉ paeyao na wepia wina꞉ leke do deto hala꞉ ekita꞉ niki pa꞉ta꞉ hone witolo hata꞉ pi la꞉ wiekeme.

Dioni 3:33

Hali epima꞉ ipika꞉ pi opua miniki haya꞉ka꞉na꞉ta꞉ Koda꞉ma꞉ ota꞉eki ala꞉me laa lelieke.

Peneme Yaeyekeeki 3:7

Mo Pila꞉delepia siosina꞉ enisolo pa꞉ta꞉ dupa lae. Do pita꞉ mo yako pea ota꞉ hauna꞉ teke halima꞉ ala꞉me. Ipikita꞉ mo hande Deipidina꞉ pota꞉ ki wia hala꞉ halie. Kutupa ipikana꞉ma꞉ pota꞉ ma꞉nda꞉ lombea꞉ka꞉na꞉ta꞉ ma꞉nda꞉ma꞉ hamba꞉peke na ya꞉la꞉me make pokea꞉ka꞉na꞉ta꞉ ma꞉nda꞉ma꞉ lomba꞉peke na ya꞉la꞉me.

1 Dioni 5:20

Nika꞉ hone uluma꞉ ekita꞉ mo Koda꞉na꞉ Eiyeketa꞉ niki hone lenkipa wita꞉la꞉eki kulu a꞉pa꞉la꞉me. Pa ekipeke nikana꞉ma꞉ mo ota꞉ Koda꞉ hone ulu poloma꞉ tupa꞉ pa꞉la꞉me. Ipiki ame̱le̱ hone homeke witolo hata꞉ pa ipika꞉ Eiyeke Yesu Ketiso kone hone homeke wia haloma꞉me. Ipikita꞉ mo ota꞉ Koda꞉e. Kutupa ipikita꞉ deto hala꞉ ekina꞉ tekee.

Loma꞉ 9:14

Koto pa꞉la꞉ ekina꞉ nikana꞉ma꞉ta꞉ Koda꞉ma꞉ tikitiki piki hau na pa꞉la꞉me laa loluma꞉pe. Ota꞉ dia꞉me.

1 Dioni 5:10

Koto ekina꞉ ma꞉nda꞉ epima꞉ mo Koda꞉na꞉ Eiyeke pa꞉ta꞉ hone tulaeya꞉ka꞉na꞉ta꞉ kota꞉ koto mo Eiyekena꞉ alo hata꞉ peneme yaasa꞉ pita꞉ ipika꞉ puki pa꞉ta꞉ ula꞉me. Pate ma꞉nda꞉ epima꞉ a꞉nda꞉ Koda꞉ma꞉ leeke ekimanu pa꞉ta꞉ hone na tulaeya꞉ka꞉na꞉ta꞉ kota꞉ ipikana꞉ma꞉ Koda꞉ta꞉ yayapiki pi ala꞉ somee ala꞉me. Pa ekipeke koto somema꞉ta꞉ mo Koda꞉ma꞉ ipika꞉ Eiyekena꞉ alo hata꞉ la꞉la꞉eki hone na tulaala꞉me loa꞉me.

Ka꞉leisia 2:21

Koda꞉na꞉ a꞉ta꞉ma꞉ homa꞉la꞉eki pa꞉ta꞉ I̱ma꞉ kiaaso hata꞉ mo tea꞉ hata꞉ pina꞉e pi na lolueke. Pate ma꞉nda꞉ma꞉ hone witolo hata꞉ta꞉ Koda꞉ yaapo tikitiki yao haluekema꞉ mo pi ula꞉eki manuma꞉ homeke pulueke hone wia꞉ka꞉na꞉ta꞉ kota꞉ Ketisota꞉ pa homeya꞉ka꞉ta꞉me.

Loma꞉ 6:15

Koto ekina꞉ eki pumana꞉pe. Hande Lo Pi manuma꞉ dupa꞉pe laa wala꞉la꞉eki nika꞉ wenokona꞉ na wiki hande Koda꞉na꞉ pa a꞉ta꞉ma꞉ homa꞉la꞉eki homeke nika꞉ wenokona꞉ wina꞉ aloma꞉ ekina꞉ hoke hau pumana꞉pe. A꞉pa꞉e. Dia꞉me.

Loma꞉ 3:31

Koto pa꞉la꞉ ekina꞉ mo hande hone tulaasa꞉ ekima꞉ hande Lo Pimanu paeyaasoma꞉pe. Ota꞉ dia꞉me. Hande Lo Pimanu nikana꞉ma꞉ mea a꞉meiyaasoma꞉me.

Ma꞉tiu 11:19

Pate Wanda꞉halina꞉ Eiyeke a꞉pa ikali ne yaapo no hayeke ekita꞉ koto wanda꞉halima꞉ kone handolo alota꞉ Do hali handa꞉pe. Ipikita꞉ ikali ne wopu no hake some ya꞉ka꞉ta꞉me. Kutupa ipikita꞉ mo hande dakisi mu make hoke hau pu haleme haliweki ame̱le̱ apa꞉taala꞉me lemekeme. Kota꞉ mo hone wiki hauma꞉ta꞉ ipika꞉ pu hala꞉eki manuma꞉ ipika꞉ honeta꞉ ota꞉ epeke hone o hoke hone laa pa peneme yaasa꞉me.

Ka꞉leisia 6:14

Kutu pu halemepate I̱ma꞉ta꞉ mo nika꞉ Tekehali Yesu Ketiso mo kolosuna꞉ homeeke ekina꞉ homeke hakoko liki pi lolueke. Yesu Ketisoma꞉ kolosuna꞉ homeeke handa ya hone pa꞉ta꞉ta꞉ do kenke hau paeyaota꞉ homeke alema꞉ handa꞉la꞉me. Kutupa make I̱ta꞉ do kenke hauna꞉ta꞉ homa꞉ pa ulume hone witolome.

Loma꞉ 11:1

Koto pa꞉la꞉ ekina꞉ I̱ma꞉ lota꞉ pitolo ekita꞉ dupa. Koda꞉ma꞉ta꞉ ota꞉ ipika꞉ wanda꞉hali kiaeyekepe. Ota꞉ dia꞉me. I̱ kone Isulai hali hata꞉ Eipoloha꞉ma꞉ta꞉ yaka apa꞉mei hayekepate I̱ta꞉ Benisamini tapake hali halome.

2 Kotindi 1:18

Ota꞉ Koda꞉ma꞉ta꞉ ota꞉ pi homeke lo hala꞉ ekina꞉ta꞉ I̱ma꞉ iki pa꞉ta꞉ la꞉ ua꞉ ekita꞉ mo aowe make dia꞉me pi yaapo na la꞉ ua꞉me.

Loma꞉ 11:11

Koto pa꞉la꞉ ekina꞉ I̱ma꞉ lota꞉ pitoloeki dupae. Mo Diu wanda꞉halita꞉ hala꞉mba꞉liao lopaata꞉ paa na tiaake u pelia halimikipe. Ota꞉ dia꞉me. Mo Diu wanda꞉halima꞉ hoke hau pimiki handaata꞉ Diendaili wanda꞉halima꞉ta꞉ da꞉ta꞉la꞉eki minelememe. Kutu pitelemeke handaata꞉ Diu wanda꞉halima꞉ iki pa꞉ta꞉ honditi pitelememe.

Loma꞉ 7:7

Koto pa꞉la꞉ ekina꞉ nikana꞉ma꞉ eki pi loluma꞉pe. Hande Lo Pi manuta꞉ hokeekie loluma꞉pe. A꞉pa꞉e. Dia꞉me. Koto pa꞉la꞉pate hande Lo Pi manuma꞉ta꞉ I̱ma꞉ hoke hau pitoloeki handonoyeke pa꞉la꞉me. Hande Lo Pi manuma꞉ alota꞉ Ta꞉ta꞉na꞉ ale muluekema꞉ we na pamba꞉peke la꞉la꞉pate pa kutupiki pi na lea꞉ka꞉na꞉ yoluta꞉ mo ta꞉ta꞉na꞉ ale muluekema꞉ we pamba꞉la꞉ ekita꞉ I̱ma꞉ hone wopu na ulu pua꞉me.

Loma꞉ 6:2

A꞉pa꞉e. Dia꞉me. Hoke hau pita꞉la꞉eki pa꞉ta꞉ nikita꞉ amba꞉ homoma꞉me. Ekipeke paa putia pua꞉tiki pumana꞉pe.

Luku 20:16

Ipikana꞉ma꞉ a꞉pa mo haliweki liaata꞉ ipika꞉ eta꞉ mo mandane e handeteke halo pa꞉la꞉ haliweki pa꞉ta꞉ hala꞉ monealieke leekeme. Mo wanda꞉halima꞉ doeki opu hao alota꞉ Ota꞉ kutupa dia꞉me lemekepate

Loma꞉ 7:13

Koto pa꞉la꞉ ekina꞉ hande epeke ekima꞉ta꞉ I̱ lu homaeya꞉pe. A꞉pa꞉e. Dia꞉me. Hoke hauma꞉ homeke pia꞉me. Hoke hauma꞉ta꞉ epekeeki mea kone ipika꞉ hoke hau teke wanda꞉halima꞉ peneme yao handena꞉yeke I̱ lu homaeya꞉me. Koto ekina꞉ hande pi ula꞉ ekima꞉ kone hoke hau pita꞉la꞉ ekita꞉ ota꞉ hokeeki kone wala꞉ tiaasa꞉me.

1 Kotindi 6:15

Ika꞉ loke manuta꞉ Ketiso pa꞉ta꞉ tunao hata꞉ ipika꞉eki kone halemeeki hone na witelemepe. Kota꞉ I̱ma꞉ mo Ketisona꞉ loke pa꞉ta꞉ tunao hala꞉ hali hata꞉ yaka loke yoka꞉ meata꞉ mo mani muluekema꞉ hone wita꞉la꞉ wandiki ma꞉nda꞉na꞉ loke yaapo apa꞉taena꞉ loa꞉ka꞉na꞉ta꞉ ana꞉ piliepe. Ota꞉ dia꞉me.

1 Timodi 3:16

Mo nika꞉ Ketiso hauna꞉ teketa꞉ ota꞉ hau tieke dia꞉me pita꞉ ma꞉nda꞉ma꞉ lapeke na ya꞉la꞉me. Do ekina꞉ alome. Ipikita꞉ ota꞉ halina꞉ loke kone mea opolo epeekeme. Mo hande Sipitidima꞉ ipika꞉ yako pa꞉la꞉ ekita꞉ ota꞉ ekie laa peneme waleekeme. Kutupa ipikita꞉ enisoloma꞉ make handeekeme. Ipika꞉ bikita꞉ mo tutu ma꞉nda꞉ ma꞉nda꞉ paeyao pa꞉ta꞉manu make walemekeme. Kutu pieketa꞉ mo kenke paeyao pa꞉ta꞉ haemeke wanda꞉halima꞉ ipiki pa꞉ta꞉ hone tulaemekeme. Kutaa ipikita꞉ Koda꞉ma꞉ oli ya nane hatuku mea peekeme.