Loma꞉ 2:8 - Panake Pi La: Ula: Buka pita: Kine Pieke Buka

⁸ Kutu piliepate mandane wanda꞉halima꞉ta꞉ ika꞉ hone pa꞉la꞉ ekimanu pu hao pa epeke hau pea꞉pa꞉pekeeki kiao hokeeki kone pu halememe. Kutu piki wanda꞉hali pa꞉ta꞉ Koda꞉ma꞉ mineke pankolo hata꞉ hoke yenki halieke.

Loma꞉ 2:8 Referans Kwoze

Peneme Yaeyekeeki 16:19

Mo aneke daonita꞉ tepo tekilipa mo kenke paeyaona꞉ daoni paeyaota꞉ ota꞉ hoeyaeya꞉me. Koda꞉ma꞉ta꞉ mo hande Ba꞉biloni tieketa꞉ pa niminaaso hata꞉ ipika꞉ wopu mineke panka꞉la꞉ waini ikali ipika꞉ kapona꞉ nena꞉ lea꞉me.

1 Pida 4:17

Koda꞉ma꞉ pi yokaalu pulu pa꞉la꞉ nateta꞉ ame amba꞉ a꞉pa hala꞉me. Kutupa Koda꞉ ipika꞉ wanda꞉hali kone pa꞉ta꞉ amba꞉la kini pu mea pi yokaalu pilieke. Koto ekina꞉ niki pa꞉ta꞉ amba꞉la kini pia꞉ka꞉na꞉ta꞉ kota꞉ mo Koda꞉na꞉ Pi Seliapo opua kone pa kiaaseme wanda꞉hali pa꞉ta꞉ta꞉ ekipa paeyaalia꞉pe

2 Desalonaika 1:8

Kota꞉ ikana꞉ma꞉ta꞉ Koda꞉ hone na pa꞉la꞉ wanda꞉hali make Tekehali Yesuna꞉ Pi Seliapo na opiki wanda꞉hali make ika꞉ hoke yenki haluekema꞉ ti uleke talo talo haena꞉ ipilimikie.

Peneme Yaeyekeeki 14:10

koto someta꞉ ipika꞉ kone Koda꞉na꞉ waini ikali nelieke. Kota꞉ mo Koda꞉ma꞉ta꞉ ipika꞉ paala꞉piki mineke panka꞉la꞉ wele pa ula꞉ waini ikalita꞉ mo ipika꞉ mineke panka꞉la꞉ kapo pa꞉ta꞉ holo pambeekeeki loa꞉me. Dupilia꞉ wanda꞉hali paeyaota꞉ mo yakopiki enisolo titi make mo Sipisipi Ma꞉na꞉ Ikikina꞉ leke tomona꞉ mo ti uleke make mo titipu tiekepiki lanka꞉ma꞉ handeke ale pa꞉ta꞉ tanda no halimikie.

Hibulu 11:8

Eipoloha꞉ma꞉ ipika꞉ hone tulaeyeke ekima꞉ Koda꞉na꞉ kakena꞉ homa mo hande kuluekee laa pi la꞉ wieke kenke pa꞉ta꞉ peekeme. Ipika꞉ teke da mina꞉pa꞉lao mo ipiki mateke kenke pa꞉ta꞉ peekeme.

Hibulu 10:27

pa paala꞉ma꞉ homolo handeteke hapeke hau yaapo homeketa꞉ ula꞉me. Hau ma꞉nda꞉ta꞉ Koda꞉na꞉ pi yokaalu pulu pa꞉la꞉eki epolo pa꞉la꞉ekie. Ma꞉nda꞉ta꞉ mo Koda꞉ pa꞉ta꞉ a꞉nda꞉ liteme wanda꞉hali tolo pa꞉la꞉ wele wopu piki ti tala꞉eki epolo pa꞉la꞉ekie.

Hibulu 5:9

Ipikita꞉ koto hau paeyaona꞉ ota꞉ ana꞉ pieketa꞉ mo ipika꞉ kakena꞉ homaa pi opu haleme wanda꞉halina꞉ da꞉ta꞉la꞉ ekina꞉ tekehali hayekeme.

Taitasi 3:9

Kutu pulu pa꞉la꞉pate mo epe na piki ape apemanu make mo atekena꞉ ateke hatiki epeeke ekina꞉ biki eleke eleke moka꞉lao haleme ekimanu make mo pi yokaalu alu pita꞉la꞉ ekimanu make mo hande Diu wanda꞉halina꞉ lo pimanu wiekeeki dupa ula꞉me laa ape ape lo halemeeki make kota꞉ hau paeyao paka꞉lao pu hapeke. Kota꞉ hau manuma꞉ta꞉ niki epeaapeke ana꞉ na pa꞉la꞉me.

1 Kotindi 11:16

Koto pa꞉la꞉pate pa hali ma꞉nda꞉ma꞉ do aloeki manuna꞉ ape loluekema꞉ hone wia꞉ka꞉na꞉ta꞉ kota꞉ I̱ma꞉ta꞉ dupiki pi homeke lolueke. Nikana꞉ma꞉ make mo Koda꞉na꞉ siosi tapake paeyao make hau ma꞉nda꞉ na handeke pa I̱ma꞉ do aloeki homeke pu haloma꞉me.

Loma꞉ 15:18

I̱ma꞉ na kita꞉ yokake hata꞉ dupa lolo polopate Ketisoma꞉ I̱ pa꞉ta꞉ peaala꞉eki homeke lolueke. Diendaili wanda꞉halima꞉ Koda꞉na꞉ pi opua pina꞉yeke pua꞉me. Do pimiki ekina꞉ teketa꞉ dupae. I̱ma꞉ loa꞉ pimanu make pua꞉ haumanu make

Loma꞉ 10:16

Kutu pa꞉la꞉pate hande Pi Seliapota꞉ pea꞉ paeyaoma꞉ opua puki pa꞉ta꞉ na mea mendielememe. Aisayama꞉ ipikana꞉ma꞉ kone alota꞉ Tekehalio. Do nikana꞉ma꞉ waloma꞉ pita꞉ epima꞉ opua hone tulaala꞉pe laa leekeme.

Loma꞉ 9:22

Kota꞉ Koda꞉ma꞉ koto tupa꞉ pea la꞉la꞉me. Ipika꞉ mineke panka꞉la꞉eki waluekema꞉ make ipika꞉ wele pita꞉la꞉eki wanda꞉halima꞉ handena꞉ loluekema꞉ make hone piekeme. Koto ekina꞉ Koda꞉ma꞉ mineke pankolo hata꞉ pi yokaalu pea꞉peke yeeke wanda꞉halita꞉ hande hoeyaapeke wanda꞉halita꞉ pota꞉ haena꞉ ipikana꞉ma꞉ koto wanda꞉halita꞉ yuwia hao hatiki piekeme.

Loma꞉ 6:17

Koda꞉ pa꞉ta꞉ keiyae pi lomana꞉e. Do ekina꞉yeke loa꞉me. Ikita꞉ amba꞉ hone pa꞉la꞉eki pitolo hata꞉ hoke hau pu haemeke ekina꞉ pa hameke e pokaaseme haliweki leke haemekepate ikana꞉ma꞉ hande waleekeeki opua handa꞉ wimiki ota꞉ pimanu wotu pimikime.

Loma꞉ 1:18

Kutupa Koda꞉ma꞉ta꞉ wanda꞉hali paeyaoma꞉ ipikita꞉ hoki nane yao ika꞉ hoke hau paeyao pimiki ekina꞉ ipikana꞉ma꞉ mineke pankolo hata꞉ iki ame̱le̱ pi yokaalu pulu pelemeeki make wala꞉la꞉me. Kutu piki wanda꞉halima꞉ ika꞉ hoke hau piteleme ekina꞉ mandane wanda꞉halima꞉ Koda꞉na꞉ ota꞉ hala꞉eki handaama꞉na꞉ sa꞉sa꞉ pu halememe.

1 Pida 3:1

Koto tupa꞉ kone weteke tonu ikita꞉ ika꞉ haliki tonu pa꞉ta꞉ homu pea hao hapa꞉peke. Mandane haliki tonuma꞉ Koda꞉na꞉ pi na miki haemeka꞉na꞉ta꞉ kota꞉ ika꞉ epeke hau pilimi ekima꞉ta꞉ mo haliweki pi mina꞉ yola꞉ milimikie.

2 Kotindi 12:20

I̱ koto pa꞉ta꞉ opolo epoa꞉ka꞉na꞉ta꞉ ikita꞉ dupiki wanda꞉hali a꞉pa handulueke hone wia ipulua꞉pate pa ikita꞉ ta꞉ta꞉piki wanda꞉hali handulueke laa I̱ta꞉ paala꞉ pita꞉la꞉me. Kutupa make ikana꞉ma꞉ I̱ta꞉ dupiki some handulumeke hone wilimipate I̱ta꞉ pa ta꞉ta꞉ piki some handilimikie. I̱ paala꞉ pita꞉la꞉ ekita꞉ iki tukiki pa꞉ta꞉ta꞉ ape ala꞉ haumanu make ne tunkula꞉la꞉ haumanu make mineke tieke panka꞉la꞉ haumanu make pasa꞉tei pita꞉la꞉ haumanu make yaala꞉ peake haumanu make la la piki pimanu make manda꞉ meaasa꞉ haumanu make mamataasa꞉ haumanu make paeyao handa꞉ ulueke.

Ka꞉leisia 5:20

o toopi ti wepia ula꞉ ale pa꞉ta꞉ yeni pita꞉la꞉ hau o peteke peteke hau o a꞉nda꞉ tunkula꞉la꞉ hau o mineke panka꞉la꞉ hau o ma꞉nda꞉ tombualuekema꞉ hoke hone wita꞉la꞉eki make o ma꞉nda꞉na꞉ ale pa꞉ta꞉ we pamba꞉la꞉eki make o ti teke yoka꞉la꞉ hau o ape ape lo tapake tekili pita꞉la꞉ hau

Pilipai 1:17

Mo hande amba꞉ titina꞉ loa꞉ haliwekima꞉ta꞉ Ketisona꞉ bikina꞉ epeke hone na wiki pa ika꞉ biki homeke daeyaluekema꞉ yeke pi walo halememe. Ika꞉ honema꞉ta꞉ I̱ma꞉ do dipula pita꞉ ka꞉nda꞉ mandaneeki mina꞉e laa pi walo halememe.

Pilipai 2:3

Kutupa make naka꞉ honumake homeke hone witolo o honumake hau o handaena꞉ hau ma꞉nda꞉ na pea꞉pa꞉peke. Kotoeki na pikita꞉ iki paeyao homu pu alualu pea hata꞉ ma꞉nda꞉ pa꞉ta꞉ ika꞉ hauma꞉ta꞉ nika꞉ hau lombei pa꞉la꞉me laa hone u hapa꞉peke.

Dia꞉mesi 3:14

Kutu piliepate honditi wotu pita꞉la꞉eki make pasa꞉tei hau puluekema꞉ taapa꞉la꞉eki make ika꞉ puki pa꞉ta꞉ pitaemeka꞉na꞉ta꞉ kota꞉ ika꞉ pi ika꞉ kone na laake yayapiki hau na pea꞉pa꞉peke.

Dia꞉mesi 3:16

Do ekina꞉yeke loa꞉me. Honditi pita꞉la꞉eki pita꞉ pasa꞉tei pita꞉la꞉eki yaapo pa꞉ta꞉ epeke tupa꞉ hapeke na yaalo hata꞉ hoke hau pita꞉la꞉eki paeyao ipu hala꞉me.