Loma꞉ 12:6 - Panake Pi La: Ula: Buka pita: Kine Pieke Buka

⁶ Koto pa꞉la꞉ ekina꞉ mo Koda꞉ma꞉ pa hameke a꞉ta꞉ma꞉ homolo hata꞉ niki homeke homeke pa꞉ta꞉ ka꞉la꞉ ekimanu handaa mea mo Ketiso tapake ame̱le̱ hata꞉ pia꞉tiki pumana꞉e. Koda꞉ma꞉ta꞉ mo ipika꞉ pi lawaasa꞉ ekita꞉ niki pa꞉ta꞉ kia꞉ka꞉na꞉ta꞉ kota꞉ ekipiki hone tulaasa꞉eki niki pa꞉ta꞉ pitia꞉ka꞉na꞉ta꞉ koto ekima꞉ lawamana꞉e.

Loma꞉ 12:6 Referans Kwoze

1 Kotindi 7:7

Pate iki paeyao I̱ halo tupa꞉ hamina꞉yeke hone pa꞉la꞉pate pa Koda꞉ma꞉ ipika꞉ telipaasa꞉eki manuta꞉ ta꞉ta꞉ ta꞉ta꞉ pikieki telipao hala꞉me.

Loma꞉ 12:3

Koda꞉ma꞉ ipika꞉ pa hameke a꞉ta꞉ma꞉ homa꞉la꞉eki I̱ pa꞉ta꞉ kieke handaata꞉ kota꞉ I̱ma꞉ iki paeyao pa꞉ta꞉ pi dupa alome. Naka꞉ kone neke pa꞉ta꞉ hone witolota꞉ I̱ta꞉ ya handoloeki ya haloeki make wanda꞉halina꞉eki ankulao halome laa koto hone na wia꞉peke. Iki homeke homekema꞉ta꞉ ika꞉ ika꞉ kone hosiki yao hone wia hata꞉ Koda꞉ma꞉ ka꞉la꞉ hone tulaasa꞉eki ana꞉na꞉ handaata꞉ hone u hapa꞉peke.

Loma꞉ 1:11

Iki handuluekema꞉ I̱ma꞉ hone wotu pa꞉la꞉me. Mo hande Holi Sipitidina꞉ epeaasa꞉eki ma꞉nda꞉ iki pa꞉ta꞉ teli teli pealuekema꞉ ika꞉ puki taka꞉lao hamina꞉yeke loa꞉me.

1 Kotindi 13:2

I̱ma꞉ta꞉ mo Koda꞉na꞉ pi la꞉ mea hala꞉la꞉ hauta꞉ wotu handolo hata꞉ pa mo Koda꞉ma꞉ a꞉mbao ula꞉ ekimanu make handa꞉ witolo hata꞉ mo hau paeyaona꞉ pea꞉peke ekimanu make handaata꞉ kutupa ya Koda꞉ pa꞉ta꞉ hone tulaaso ekima꞉ta꞉ mo potemanu kone pendilaapeke ya꞉la꞉ hali hata꞉ kone pa pukima꞉ homa꞉la꞉ hau na piki haowa꞉ka꞉na꞉ta꞉ kota꞉ I̱ta꞉ pa alema꞉ handeke hali halueke.

Epesese 4:11

Ipikana꞉ma꞉ kone wanda꞉hali pa꞉ta꞉ hala꞉la꞉ alemanu dupa haleekeme. Mandaneeki aposolo haliweki haena꞉ laata꞉ mandaneeki hande Pi Seliapo wala꞉la꞉ haliweki haena꞉ laata꞉ mandaneeki Koda꞉na꞉ pi la꞉ mea hala꞉la꞉ haliweki haena꞉ laata꞉ mandaneeki pasida haliweki make disa haliweki make haena꞉ la꞉la꞉me.

1 Kotindi 14:1

Koto ekina꞉ pukima꞉ homa꞉la꞉ hau puluekema꞉ honkopu hao hapa꞉peke. Kutupa mo Holi Sipitidima꞉ kita꞉la꞉ ekimanu muluekema꞉ hone wotu wia꞉peke ya꞉la꞉pate hande pa mo kita꞉la꞉eki homeke ma꞉nda꞉ta꞉ Koda꞉na꞉ pi la꞉ mea haloemena꞉ muluekema꞉ hone amba꞉la wia꞉pa꞉peke.

2 Kotindi 8:12

Ikita꞉ ta꞉na꞉ma꞉ homolo a̱i̱ haluekema꞉ hone wimika꞉na꞉ta꞉ kota꞉ Koda꞉ma꞉ta꞉ mo ika꞉ pa haluekema꞉ wia haleme aleta꞉ milieke. Pate mo na wia haleme alena꞉ dia꞉me.

1 Desalonaika 5:20

Koda꞉na꞉ pi la꞉ mea hala꞉ halina꞉ wala꞉la꞉ pita꞉ ikana꞉ma꞉ hoki walo honditi na pea꞉pa꞉peke.

1 Kotindi 14:29

Koda꞉ma꞉ hala꞉la꞉eki mineleme hali yaapo tepoma꞉ta꞉ ika꞉ mineleme pimanu iki pa꞉ta꞉ la kia꞉peke ya꞉la꞉me. Kutupa opiteleme wanda꞉halima꞉ ika꞉ alemeeki opua honema꞉ mo ota꞉eki weilimikie.

Aposolo 15:32

Kutupa Diudasi Sailasi yaapo potopede hali yaapo hata꞉ kone pi wopu walolo hata꞉ta꞉ honkopu haena꞉ lepekeme.

Aposolo 2:17

Koda꞉ma꞉ alota꞉ Natemanu paeluekema꞉ haena꞉ta꞉ dupulueke laa Wanda꞉hali paeyao pa꞉ta꞉ yaka Holi Sipitidi hale hale pulueke. Kutupa ika꞉ weki manuma꞉ make wandiki manuma꞉ make yaka pi la꞉ mea hala꞉tiki pilimikie. Ika꞉ weki haliwekima꞉ mandane hau pita꞉la꞉ ekimanu handena꞉ lolueke. Kutupa ika꞉ koke haliwekima꞉ make upamanu pilimikie.

Pilipai 3:15

Niki tukiki pa꞉ta꞉ taka꞉lake temoko pila꞉ wanda꞉hali nikana꞉ma꞉ta꞉ kutupiki haumanu pa꞉ta꞉ homeke hone u hamana꞉ pea꞉peke aleo. Koto pa꞉la꞉pate do wape tapaaso wanda꞉hali iki ma꞉nda꞉ epima꞉ koto piki haumanu pa꞉ta꞉ ta꞉ta꞉ ta꞉ta꞉ piki hone wimika꞉na꞉ta꞉ kota꞉ Koda꞉ma꞉ ika꞉ hone tikitiki yao u tialieke.

Epesese 3:5

Amba꞉ hata꞉ta꞉ koto hande a꞉mbao u hayeke honeta꞉ haliwekima꞉ na opimikipate ame Koda꞉ma꞉ta꞉ ipika꞉ yakopiki aposolo haliweki pa꞉ta꞉ make potopede haliweki pa꞉ta꞉ make Sipitidima꞉ peneme yao la kina꞉ la꞉la꞉me.

Aposolo 13:1

Mo A꞉ndioko siosi tapake pa꞉ta꞉ mandane potopede haliweki make pi walo haemeke haliweki make haemekeme. Koda꞉na꞉ pi lao hayeke Banabasi make Simioni biki ma꞉nda꞉ Naidia make Saitini hali Lusiasi make hande you hali Hetodina꞉ yankeke hali homeke Maneini make Solo make haemekeme.

Luku 11:49

Doeki tekena꞉ta꞉ Koda꞉na꞉ epeke hone wotu wita꞉la꞉ ekima꞉ta꞉ do la꞉la꞉me. I̱ma꞉ta꞉ yaka potopede haliweki make pi mea pomuao haleme haliweki tapaalo polopate mandaneta꞉ lu baalimiki make mandaneta꞉ tanda tanda wopu halimikie laa la꞉la꞉me.

Ma꞉tiu 23:34

Koto ekina꞉ta꞉ I̱ma꞉ iki pa꞉ta꞉ dupiki pi alome. I̱ma꞉ta꞉ mo mandane potopede haliweki make mandane hone wotu ula꞉ haliweki make mo yaka pi wala꞉la꞉ haliwekimanu make iki ame̱le̱ haena꞉ tapaalo polopate mandane haliwekita꞉ ikana꞉ma꞉ lu bao make mandane haliwekita꞉ a꞉ka꞉tei wapepiki tina꞉ lu endialimikie. Kutaata꞉ mandane haliwekita꞉ mo ika꞉ yeni pu haleme da tukiki pa꞉ta꞉ hata꞉ yombua baalimikie. Kutupa mandane haliwekita꞉ da teke homeke pa꞉ta꞉ yokaata꞉ da teke ma꞉nda꞉ pa꞉ta꞉ yoka pa꞉na꞉ tolu lia꞉tiki pilimikie.

1 Kotindi 14:24

Koto lolo pelemepate mo siosi wanda꞉hali paeyaoma꞉ Koda꞉na꞉ pi la꞉ mea halelemeeki pimika꞉na꞉ta꞉ kota꞉ pa a꞉pa pila꞉ hali ma꞉nda꞉ma꞉ o pi na miki hali ma꞉nda꞉ma꞉ honda꞉ pamba pita꞉ kutupiki pi opitolo hata꞉ ipika꞉ hoke hau pa꞉la꞉ ekina꞉ hone wilieke. Kutupa mo la꞉ mea hala꞉la꞉ pi opitolo hata꞉ ipika꞉ hala꞉ ekita꞉ epekeeki make hokeeki make hone wilieke.

Aposolo 21:9

Kutupa ipika꞉ wandiki tonkoputa꞉ Koda꞉na꞉ pi la꞉ u haemeke potopede wandikitonu haemekeme.

1 Kotindi 3:5

Kota꞉ Apolosita꞉ epi ya꞉ka꞉ta꞉pe. I̱ Polo make epi ya꞉ka꞉ta꞉pe. Diki telipina꞉ Koda꞉na꞉ e pokaasopa꞉ hali yaapo hata꞉ mo pitolopa꞉ ekina꞉ta꞉ ikana꞉ma꞉ Koda꞉ pa꞉ta꞉ hone tulaalememe. Tekehalima꞉ diki pa꞉ta꞉ ta꞉ta꞉ ta꞉ta꞉piki e telipaleke handaa pokaasopa꞉me.

1 Kotindi 12:18

Loketa꞉ koto tupa꞉ dia꞉me. Pa ekipeke Koda꞉ma꞉ ipika꞉ hone witolo tupa꞉ kone mo ta꞉ta꞉ ta꞉ta꞉ piki ale manuta꞉ mo loke pa꞉ta꞉ ota꞉ tuna tuna peayekeme.

2 Pida 1:20

Titina꞉ pita꞉ dupama꞉ hone u hapa꞉peke Ma꞉nda꞉ma꞉ ipika꞉ honema꞉ kone mo Baibolo pa꞉ta꞉ la꞉ ula꞉ pi ma꞉nda꞉na꞉ teketa꞉ pa na wala꞉peke ya꞉la꞉me.

Ma꞉tiu 25:22

Koto somena꞉ hoki naneta꞉ mo hande 2 daoseni kina mieke halima꞉ a꞉pa koto 2 daosenima꞉ e poka meayeke 2 daoseni ma꞉nda꞉ halolo hata꞉ alota꞉ You halio. Nakana꞉ma꞉ I̱ pa꞉ta꞉ 2 daoseni kipateta꞉ pa I̱ma꞉ e pokaaso hata꞉ mealo 2 daoseni ma꞉nda꞉ doma꞉ mie leekeme.