Kolosi 3:6 - Panake Pi La: Ula: Buka pita: Kine Pieke Buka

⁶ Pa ekipeke do haumanu piteleme ekina꞉ yeke Koda꞉na꞉ mineke panka꞉la꞉ ekita꞉ ipika꞉ pi na opua pita꞉la꞉ wanda꞉hali pa꞉ta꞉ ipilieke.

Kolosi 3:6 Referans Kwoze

Epesese 5:6

Ma꞉nda꞉ma꞉ hone na wiki pimanu alo hata꞉ iki makeaapa꞉na꞉ wotu handeteke hapa꞉peke. Koda꞉na꞉ pi na opitolo hata꞉ hande hoke haumanu pu haleme wanda꞉hali pa꞉ta꞉ Koda꞉ ipika꞉ mineke panka꞉la꞉eki mo wanda꞉hali pa꞉ta꞉ yapilieke.

Loma꞉ 1:18

Kutupa Koda꞉ma꞉ta꞉ wanda꞉hali paeyaoma꞉ ipikita꞉ hoki nane yao ika꞉ hoke hau paeyao pimiki ekina꞉ ipikana꞉ma꞉ mineke pankolo hata꞉ iki ame̱le̱ pi yokaalu pulu pelemeeki make wala꞉la꞉me. Kutu piki wanda꞉halima꞉ ika꞉ hoke hau piteleme ekina꞉ mandane wanda꞉halima꞉ Koda꞉na꞉ ota꞉ hala꞉eki handaama꞉na꞉ sa꞉sa꞉ pu halememe.

1 Pida 1:14

Koda꞉na꞉ pi opua pu hapa꞉peke. Kutupa iki mateya꞉ di nina꞉ hone tiaemeeki manuma꞉ ameta꞉ ika꞉ halemeeki na handeteke haena꞉ lapa꞉peke.

Peneme Yaeyekeeki 22:15

Pate mo ata꞉ka꞉ peaaseme tapake make ti̱o̱ hau pu haleme tapake make pake nalo loke apa꞉taaseme tapake make honema꞉ kone hali lu homaaseme tapake make toopi ti wepia꞉ ula꞉ ale pa꞉ta꞉ yeni hau pu haleme tapake make yayapiki ekina꞉ ta꞉na꞉ma꞉ homa pu haleme tapake make paeyao sikita꞉ mo daoni tea꞉na꞉ hama꞉ nane halememe.

2 Pida 2:14

Ikita꞉ wanda꞉na꞉ leke titolo hata꞉ hoke hauta꞉ ota꞉ na pao halememe. Ikana꞉ma꞉ mo damako piki wanda꞉halita꞉ hona꞉ pa꞉ta꞉ mea teao halememe. Ika꞉ta꞉ pasa꞉tei pita꞉la꞉ hau puluekema꞉ amba꞉ moka꞉la handa wilimime. Ikita꞉ Koda꞉na꞉ mineke panka꞉la꞉eki oto pa꞉ta꞉ hala꞉ tapake au laa halememe.