Kolosi 3:13 - Panake Pi La: Ula: Buka pita: Kine Pieke Buka

¹³ Ma꞉nda꞉ ma꞉nda꞉ pa꞉ta꞉ homu pu alualu peaata꞉ iki tukiki pa꞉ta꞉ pi yokaalu pita꞉la꞉eki wia꞉ka꞉na꞉ta꞉ pa paeya alualu pia꞉pa꞉peke. Koda꞉ma꞉ ika꞉ hoke hau pa paeyawala꞉ tupa꞉ ikana꞉ma꞉ make ika꞉ ika꞉ kone pa paeya alualu pia꞉pa꞉peke.

Kolosi 3:13 Referans Kwoze

Epesese 4:32

iki paeyao homu pea hata꞉ ika꞉ kone pukima꞉ homa꞉ alu alu peata꞉ Koda꞉ma꞉ta꞉ Ketisoma꞉ peaala꞉ ekina꞉ hone witolo hata꞉ ika꞉ hoke haumanu pa paeyaala꞉ ekina꞉ ikana꞉ma꞉ make ika꞉eki kone pa peaa alu alu pea꞉pa꞉peke.

Maka 11:25

Kutupa make Koda꞉ pa꞉ta꞉ tiao hata꞉ yeni pimika꞉na꞉ta꞉ ma꞉nda꞉ma꞉ iki pa꞉ta꞉ hoke hau pa꞉la꞉eki pa꞉ta꞉ hone pa upaleke hata꞉ pimika꞉na꞉ta꞉ kota꞉ ipika꞉ hoke hau tombuao pa paeyaapa꞉peke leekeme. Ika꞉ hepeni nane hala꞉ Apa꞉ma꞉ ika꞉ hoke hau paeyaena꞉yeke ma꞉nda꞉ma꞉ iki pa꞉ta꞉ hoke hau pa꞉la꞉eki paeyaapa꞉peke leekeme.

Dia꞉mesi 2:13

Hali ma꞉nda꞉ma꞉ wanda꞉hali pa꞉ta꞉ a꞉ta꞉ma꞉ homa꞉la꞉eki na pu haya꞉ka꞉na꞉ta꞉ wetepe mo hande pi yokaalu pulu pa꞉la꞉ teke halima꞉ mo hau pilie hali pa꞉ta꞉ make a꞉ta꞉ma꞉ na homilieke. Kutu piliepate mo a꞉ta꞉ma꞉ homa꞉la꞉ ekima꞉ta꞉ ipikana꞉ma꞉ panisi pealo pa꞉la꞉ ekita꞉ bepolalieke.

Epesese 4:2

Homu pea yopu hata꞉ta꞉ hoto paeyao handeteke hatiki pea꞉pa꞉peke. Ika꞉ kone tamba꞉ mu alu alu pilimi ekima꞉ta꞉ ika꞉ pukima꞉ homelemeeki peneme yao wala꞉pa꞉peke.

Ma꞉tiu 6:12

Mandane wanda꞉halima꞉ niki pa꞉ta꞉ hoke hau pimi ekimanu nikana꞉ma꞉ pa paeyaaso hamono nika꞉ hoke hau puma꞉ ekimanu make nakana꞉ma꞉ koto tupa꞉ pa paeyawapeke.

2 Kotindi 6:6

Kutupa nika꞉ tikitiki piki hau puma꞉ ekima꞉ make nika꞉ hone manuma꞉ make nika꞉ homu pea yu wia haoma꞉ ekima꞉ make homu pitolo puki haloma꞉ ekima꞉ make paeyaoma꞉ta꞉ nikita꞉ Koda꞉na꞉ e pokaasoma꞉ haliwekie laa waloma꞉me. Kotota꞉ nika꞉ ota꞉ pukima꞉ homoma꞉ ekima꞉ make Holi Sipitidima꞉ make

Ka꞉leisia 6:2

Ika꞉ ka꞉nda꞉ pa꞉la꞉ ekimanu ika꞉ ika꞉ kone tamba꞉ mu alualu pea꞉pa꞉peke. Kutu piki hau pilimi ekima꞉ta꞉ Ketisona꞉ pi la ula꞉ ekima꞉ la꞉la꞉eki telielememe.

2 Kotindi 2:10

Ikana꞉ma꞉ hali ma꞉nda꞉ma꞉ pa꞉la꞉eki pa paeyawaemeka꞉na꞉ta꞉ kota꞉ I̱ma꞉ make pa paeyawalueke. Ma꞉nda꞉na꞉ pa paeyaapeke ekita꞉ I̱ma꞉ pa paeyaapeke ya꞉la꞉me hone ua꞉ka꞉na꞉ta꞉ kota꞉ iki hoeyaapa꞉na꞉yeke I̱ma꞉ Ketisona꞉ leke popelekena꞉ hata꞉ pu halome.

Luku 23:34

Yesuma꞉ alota꞉ Apa꞉o. Do wanda꞉halima꞉ piteleme hauta꞉ iki hone na witolo pitelemema꞉ nakana꞉ma꞉ pa paeyawapeke leekeme. Kutupa mo dolo miniki haliwekima꞉ta꞉ Yesuna꞉ daumanu telipaaluekema꞉ kase tupa꞉ telepo laemekeme.

Luku 11:4

Mandane wanda꞉halima꞉ niki pa꞉ta꞉ hoke hau pimieki nikana꞉ma꞉ pa paeyaasoma꞉ ekina꞉ nika꞉ hoke hau puma꞉eki make nakana꞉ma꞉ koto tupa꞉ pa paeyawapeke. Ka꞉nda꞉ piki la handa꞉la꞉eki pa꞉ta꞉ niki na hatuku a꞉pa꞉peke laa lapa꞉peke leekeme.

Ma꞉tiu 5:44

Pate ame I̱ma꞉ iki pa꞉ta꞉ la kitolo ekita꞉ dupa. Ika꞉ a꞉nda꞉ tunkuliki haliweki pa꞉ta꞉ pukima꞉ homo make mo iki tanda kiteme wanda꞉hali epeaena꞉ Koda꞉ pa꞉ta꞉ yeni peao hapa꞉peke.

1 Pida 2:21

Koto piki hau puemena꞉ Koda꞉ma꞉ iki wi leekeme. Kota꞉ Ketiso ipikana꞉ma꞉ kone iki tamba꞉ muluekema꞉ ka꞉nda꞉ miekeme. Kutupa mo handa piekeeki ikana꞉ma꞉ telia puemena꞉ yeke walolo piekeme.

Loma꞉ 15:7

Ketisoma꞉ iki handa꞉ minolo pia꞉ tupa꞉ ikana꞉ma꞉ make iki ika꞉ kone handa꞉ mu alu alu pea꞉pa꞉peke. Wanda꞉halima꞉ Koda꞉na꞉ pi laena꞉yeke pea꞉pa꞉peke.

Kolosi 3:12

Ikita꞉ Koda꞉na꞉ wanda꞉halie. Iki pa꞉ta꞉ pukima꞉ homolo hata꞉ ipika꞉eki hamina꞉ ma̱leke lila꞉me. Koto ekina꞉ta꞉ ikana꞉ma꞉ta꞉ dupiki hau manuta꞉ dau leke yama꞉pa꞉peke. Pukima꞉ a꞉ta꞉ma꞉ homa꞉la꞉eki make yankeke pa꞉ta꞉ a꞉ta꞉ma꞉ homolo tamba꞉ mina꞉la꞉eki make kimelema꞉ homa꞉la꞉eki make homu pea hala꞉eki make homu pea yu wia hala꞉eki paeyaoma꞉ loa꞉me.

Epesese 5:2

Hande Ketisoma꞉ niki pa꞉ta꞉ pukima꞉ homa꞉la꞉ tupa꞉ ikana꞉ma꞉ make pukima꞉ homa hapa꞉peke. Ipikana꞉ma꞉ Koda꞉ ta꞉na꞉ma꞉ homaaso hata꞉ ma꞉na꞉ lia halo haemeke tupa꞉ totopo piki ale leke ipika꞉ da꞉ta꞉la꞉eki kone nika꞉eki halawaeyekeme.