Kolosi 2:7 - Panake Pi La: Ula: Buka pita: Kine Pieke Buka7 Ika꞉ piki manuta꞉ ota꞉ onina꞉ toluma꞉ ipiki pa꞉ta꞉ pena꞉ lapa꞉peke. Ika꞉ haleme ekita꞉ ipiki manda a꞉eya꞉pa꞉peke. Kutupa mo iki walea꞉ tupa꞉ ika꞉ hone tulaaleme ekita꞉ ota꞉ honkopu wopu hapa꞉peke. Kutupa keiyae ala꞉ ekima꞉ iki pa꞉ta꞉ tumbina꞉ lapa꞉peke. Gade chapit la |
Koto pa꞉la꞉pate ikana꞉ma꞉ta꞉ mo da̱o̱la pelia hala꞉ ekina꞉ hata꞉ honkopu hao kima꞉ na homeke pa putia pua꞉pa꞉peke. Kutupa ikita꞉ ika꞉ mo hande waloma꞉ Pi Seliapo opimi natena꞉ mimi hone ti laasemeeki pa꞉ta꞉ta꞉ aleta꞉ ma꞉nda꞉ma꞉ iki wato baena꞉ waleke na hala꞉pa꞉peke. I̱ Polota꞉ do Pi Seliapona꞉ pa hameke e pokaasa꞉ hali haowa꞉me. Do Pi Seliapota꞉ mo kenke honiki paeyao pa꞉ta꞉ haleme wanda꞉hali pa꞉ta꞉ wala꞉la꞉ pina꞉ loa꞉me.
Ipikita꞉ hali ma꞉nda꞉ ipika꞉ da a꞉eluekema꞉ta꞉ yu amba꞉la aowa꞉tia pua toopi handa꞉ witolota꞉ pinkimanu koto toopi manda nokopo hala꞉ hali tupa꞉e. Ikali tieke ta ipulu hata꞉ hande da a꞉pa wataa hande hande piekepate hande data꞉ na lombeekeme. Pa ekipeke mo data꞉ ota꞉ epeke tupa꞉ a꞉eyeke handaa piekeme.
Ika꞉ yaala꞉ma꞉ na homeke kikana꞉ hau leke piteleme ekima꞉ta꞉ ikita꞉ mo hande ika꞉ epeke ne noluekema꞉ mombolo haleme ale pa꞉ta꞉ ha̱i̱piki alemanu taleke nono pa꞉la꞉me. Ikana꞉ma꞉ta꞉ iki homeke handeteke haluekema꞉ ika꞉ kone hone u halememe. Ikita꞉ mo hande lako na epeke alena꞉ pa poma꞉ tita꞉la꞉ koama꞉ handelememe. Ikita꞉ mo hande bapi paena꞉ kone kiliki na a꞉eta꞉la꞉ tima꞉ handaa ika꞉ teke tonka꞉na꞉ yoka꞉pa wia ota꞉ homeke nono piki ti manuma꞉ handelememe.
Amba꞉ na opimi pa ta꞉ta꞉ ta꞉ta꞉ piki pi walimieki manuma꞉ mo ika꞉ epeke pota꞉na꞉ pulimieki na yola꞉ mea pa꞉na꞉ lapa꞉peke. Koda꞉na꞉ a꞉ta꞉ma꞉ homa tamba꞉ mina꞉la꞉eki homekema꞉ ika꞉ puki hana꞉ noka꞉paena꞉ lemeka꞉na꞉ta꞉ a꞉pa꞉la꞉pate paa mo ne na nape laa pi ula꞉ hau manuma꞉ dia꞉me. Koto hau tolu haleme wanda꞉halita꞉ mo hauma꞉ iki na tamba꞉ mu hala꞉me.