Kolosi 2:18 - Panake Pi La: Ula: Buka pita: Kine Pieke Buka

¹⁸ Ma꞉nda꞉ma꞉ ipiki ta꞉ta꞉ piki upamanu pa꞉la꞉ ekima꞉ ipikita꞉ ota꞉ handa ulu somee ala꞉ ekima꞉ iki bepolaena꞉ waleke na hala꞉pa꞉peke. Mo makeaaso homupiki hau pitolo hata꞉ enisolomanu pa꞉ta꞉ yeni pu hapa꞉peke lo hala꞉ somena꞉ loa꞉me. Dupiki someta꞉ teke na wiki ekina꞉ ipika꞉ kenke hauna꞉ hone ula꞉ ekima꞉ pa hameke pombei yaala꞉me.

Kolosi 2:18 Referans Kwoze

Kolosi 2:8

Wopu handa꞉pa꞉peke. Ma꞉nda꞉ma꞉ do kenke halina꞉ napeke na wiki makeaasa꞉ hone lenkena꞉ pea wita꞉la꞉ hau manuma꞉ iki na handeteke haena꞉ lapa꞉peke. Do hau manuta꞉ Ketiso pa꞉ta꞉ yama꞉ na a꞉pa꞉la꞉pate pa mo apa꞉meina꞉ loma꞉loma꞉ pa꞉la꞉ pimanu make do kenkena꞉ teke na wiki mana꞉ pimanu pa꞉ta꞉ yama꞉ a꞉pa꞉la꞉me.

1 Timodi 1:7

Ikana꞉ma꞉ Koda꞉na꞉ pi ula꞉eki manuna꞉ wala꞉la꞉ hali haluekee hone wia hata꞉ dupa꞉pa꞉peke dupa꞉pa꞉peke pimanu wopu alemepate pa mo ika꞉ aleme pi kone hone wopu na u make koto pina꞉ teke make hone wopu na witelememe.

Kolosi 2:23

Dupiki pi ula꞉eki manuta꞉ mo hone u lenkena꞉ pea wita꞉la꞉ ti lake nono pitolo hata꞉ nikana꞉ma꞉ nika꞉ hone pa꞉la꞉ tupa꞉ yeni peomono make yayapiki homu peomono make nika꞉ loke ota꞉ hoke tanda halamono make sutiao halememe. Pate dupiki tombo ula꞉ pi manuma꞉ta꞉ kenke lokena꞉ na꞉na꞉ pa꞉la꞉ ekimanu lu tumbaapeketa꞉ ana꞉ na pa꞉la꞉me.

1 Timodi 4:1

Mo Sipitidima꞉ peneme yao dupa ala꞉me. Wetepe nina꞉ta꞉ mandane wanda꞉halima꞉ mo hone tulaasa꞉ hauta꞉ mina꞉pa꞉lalimikie la꞉la꞉me. Ikana꞉ma꞉ mo yayapiki pi aleme sipitidi manuna꞉ kakena꞉ homa hata꞉ mo hoke temoko manuna꞉ wala꞉la꞉eki telimikie.

2 Kotindi 11:3

Ika꞉ hone manuta꞉ hoeyaasa꞉eki manuma꞉ mea bepolao ika꞉ ota꞉ Ketiso pa꞉ta꞉ homeke ala꞉ta꞉ ma꞉nda꞉ na ta̱leke pukima꞉ homelemeeki hoki walimikie laata꞉ I̱ta꞉ paala꞉ pa꞉la꞉me. Mo hande ketona꞉ hone wopu lenkene piki yayapiki pima꞉ hande Ipa꞉ makeaeyeke tupa꞉ kone pilieke laa loa꞉me.

Loma꞉ 1:25

Kutu piki haliwekima꞉ta꞉ Koda꞉ ota꞉ hala꞉ ekita꞉ na miki pa topo pea yayapikieki melememe. Kutupa Koda꞉ma꞉ pa wepia wina꞉ la꞉la꞉ alemanu pa꞉ta꞉ panda꞉puniao yeni pu hata꞉ ika꞉ hau peao halemepateta꞉ hande ala꞉ta꞉ ala꞉ta꞉ paeyao wepia wina꞉ la꞉la꞉ Koda꞉ pa꞉ta꞉ta꞉ na pitelememe. Koto Koda꞉ta꞉ wanda꞉halima꞉ ipika꞉ pi laatiki pu hapa꞉peke ya꞉la꞉me. Ota꞉ loa꞉me.

Ma꞉tiu 24:24

Yayapiki Ketisomanu make yayapiki pi la꞉ mea halo hala꞉ haliweki make a꞉pa mo hande Koda꞉na꞉ ma̱leke lila꞉ wanda꞉hali pa nane hatuku mea puluekema꞉ yeke iki makeaapeke ya꞉la꞉o laa makea handuluekema꞉ na handeke hau tieke tiekemanu make wele pita꞉la꞉ ekimanu make walimikie.

Peneme Yaeyekeeki 3:11

I̱ta꞉ teke pa꞉ta꞉ ipuluma꞉ ika꞉ wia haleme ekita꞉ amuma꞉ wia hapa꞉peke. Pa ekipeke ma꞉nda꞉ma꞉ ika꞉ hande a꞉nda꞉ pea bepolaaso hata꞉ mimi ekina꞉ yenkita꞉ pake naama꞉na꞉yeke loa꞉me.

1 Dioni 2:26

I̱ma꞉ta꞉ do laaso ekita꞉ mo iki makealuekema꞉ taapeleme wanda꞉halina꞉eki iki pa꞉ta꞉ do laaso handa꞉e.

Pilipai 3:14

Koto ekina꞉ta꞉ mo hotonelina꞉ yenki muluekema꞉ I̱ma꞉ mo tombo hala꞉ pa꞉ta꞉ tikitiki a̱i̱ya pulume. Do ekina꞉ alome. Oli hepeni nane hao hapekeeki miono Koda꞉ma꞉ Yesu Ketiso pa꞉ta꞉ yama꞉ I̱ wi la꞉la꞉ ekina꞉ alome.

Epesese 5:6

Ma꞉nda꞉ma꞉ hone na wiki pimanu alo hata꞉ iki makeaapa꞉na꞉ wotu handeteke hapa꞉peke. Koda꞉na꞉ pi na opitolo hata꞉ hande hoke haumanu pu haleme wanda꞉hali pa꞉ta꞉ Koda꞉ ipika꞉ mineke panka꞉la꞉eki mo wanda꞉hali pa꞉ta꞉ yapilieke.

1 Kotindi 8:1

Kutupa hande toopi tima꞉ wepia ula꞉ ale pa꞉ta꞉ ne hala꞉la꞉ hauna꞉ wape pea lota꞉ pimi ekita꞉ dupa alome. Niki paeyaoma꞉ta꞉ mo handa꞉la꞉ hauta꞉ hone uluma꞉me. Pate mo handa꞉la꞉ hauma꞉ta꞉ mo hakoko lita꞉la꞉ hau pu tiaasa꞉pate pa mo pukima꞉ homa꞉la꞉ hauma꞉ta꞉ wanda꞉halina꞉ hone tulaasa꞉ ekita꞉ daeya haena꞉ ala꞉me.

Kini Pieke 3:13

Mo Tekehali Koda꞉ma꞉ mo wanda꞉ pa꞉ta꞉ alota꞉ Do ekita꞉ ekipeke pea pelepe leekeme. Mo wanda꞉ma꞉ hombo peaaso alota꞉ I̱ma꞉ nono yeke handa mo ketoma꞉ I̱ makeaya꞉me leekeme.

Peneme Yaeyekeeki 19:10

I̱ta꞉ ipiki yeiya꞉ lao yeni puluku alo ipika꞉ anke teke pa꞉ta꞉ panda꞉puniao lopoa꞉ pa꞉ta꞉ ipikana꞉ma꞉ I̱ pa꞉ta꞉ alota꞉ Ei I̱ pa꞉ta꞉ kotoeki na pia꞉pema. I̱ta꞉ e pokaaso naka꞉ yankekee. Kutupa make naka꞉ kamemanu mo Yesuma꞉ peneme yaeya꞉ ota꞉ pimanu miniki haleme wanda꞉halina꞉ yankeke halome. Koda꞉ pa꞉ta꞉ homeke yeiya꞉ laaso hata꞉ yeni pu hapeke laa lea꞉me. Pa ekipeke mo Yesuma꞉ peneme yaeya꞉ ota꞉ ekita꞉ mo potopede haliwekima꞉ alemeeki hone u tiaasa꞉ekie.

Peneme Yaeyekeeki 13:14

Kutupa ipikana꞉ma꞉ mo titina꞉ sayalena꞉ hau peaaso hata꞉ ipika꞉ leke popelekena꞉ hata꞉ mokoto na handeke haumanu pia꞉eki manuma꞉ta꞉ do kenke wanda꞉hali paeyao makeaaso hata꞉ yola꞉ mea pea꞉me. Ipikana꞉ma꞉ wanda꞉halima꞉ mo hande bainasima꞉ hoeyaeya꞉pate pa tiao hala꞉ titina꞉ sayale yeiya꞉ laaluekema꞉ koto ekima꞉ handekeeki ma꞉nda꞉ wepia꞉pe lea꞉me.

Peneme Yaeyekeeki 13:8

Do kenkena꞉ hala꞉ wanda꞉hali paeyaoma꞉ta꞉ mo sayale pa꞉ta꞉ panda꞉puniao yeiya꞉ laaso hata꞉ yeni pilimikie. Pate do kenke a̱i̱ na wepiki haena꞉ kone ika꞉ biki manuta꞉ mo deto hala꞉ wanda꞉halina꞉ biki ula꞉ bukana꞉ laala꞉ wanda꞉hali homeke homekema꞉ kotoeki na pilimikie. Koto biki ula꞉ bukata꞉ hande limiki Sipisipi Ma꞉na꞉ Ikikina꞉ bukae.

Peneme Yaeyekeeki 12:9

Mo popake itiki hake si tieke hombeleketa꞉ tolu lopaeya꞉me. Ipikita꞉ mo hande amba꞉ kiake hayeke keto biki Sadani la꞉la꞉ alee. Ipikana꞉ma꞉ta꞉ mo kenke wanda꞉hali paeyao makeaeyeke halie. Ipikita꞉ ipika꞉ enisolo titi ame̱le̱ oni kenkena꞉ tolu lopaeya꞉me.

2 Pida 2:14

Ikita꞉ wanda꞉na꞉ leke titolo hata꞉ hoke hauta꞉ ota꞉ na pao halememe. Ikana꞉ma꞉ mo damako piki wanda꞉halita꞉ hona꞉ pa꞉ta꞉ mea teao halememe. Ika꞉ta꞉ pasa꞉tei pita꞉la꞉ hau puluekema꞉ amba꞉ moka꞉la handa wilimime. Ikita꞉ Koda꞉na꞉ mineke panka꞉la꞉eki oto pa꞉ta꞉ hala꞉ tapake au laa halememe.

Kolosi 2:4

Koto ekina꞉ I̱ma꞉ iki la kitolo ekita꞉ ma꞉nda꞉ma꞉ yayapiki puki napeke pi manuma꞉ iki na makeaena꞉ lapa꞉peke. Koto pi manuta꞉ ota꞉ epeke nonopiki pina꞉ kone loa꞉me.

2 Kotindi 12:20

I̱ koto pa꞉ta꞉ opolo epoa꞉ka꞉na꞉ta꞉ ikita꞉ dupiki wanda꞉hali a꞉pa handulueke hone wia ipulua꞉pate pa ikita꞉ ta꞉ta꞉piki wanda꞉hali handulueke laa I̱ta꞉ paala꞉ pita꞉la꞉me. Kutupa make ikana꞉ma꞉ I̱ta꞉ dupiki some handulumeke hone wilimipate I̱ta꞉ pa ta꞉ta꞉ piki some handilimikie. I̱ paala꞉ pita꞉la꞉ ekita꞉ iki tukiki pa꞉ta꞉ta꞉ ape ala꞉ haumanu make ne tunkula꞉la꞉ haumanu make mineke tieke panka꞉la꞉ haumanu make pasa꞉tei pita꞉la꞉ haumanu make yaala꞉ peake haumanu make la la piki pimanu make manda꞉ meaasa꞉ haumanu make mamataasa꞉ haumanu make paeyao handa꞉ ulueke.

1 Kotindi 13:4

Pukima꞉ homa꞉la꞉ hau pu hala꞉ somema꞉ta꞉ kima꞉ na homeke pa wotu handeteke hata꞉ make paeyao pa꞉ta꞉ a꞉ta꞉ma꞉ homolo hata꞉ pa tamba꞉ mu halieke. Pukima꞉ homa꞉la꞉ hau pu hala꞉ somema꞉ta꞉ wamili na piki ipika꞉ hakoko na liki handaena꞉ hau na pilieke.

1 Kotindi 9:24

Hande anke teline̱li pita꞉la꞉eki nina꞉ta꞉ haliweki wopuma꞉ anke hao pelimipate titina꞉ pelie hali homekema꞉ epeke yenki pua milieke. Koto hauta꞉ paeyaoma꞉ amba꞉ hone wilimime. Koto ekina꞉ iki make titina꞉ pua epeke yenki muluekema꞉ honkopu haaso hata꞉ anke hao pua꞉pa꞉peke.

1 Kotindi 4:18

Iki ame̱le̱ mandane haliwekima꞉ta꞉ Polota꞉ paa na ipilieke laa hone witolo hata꞉ Nika꞉ kone ana꞉ pa꞉la꞉me laa hone wia halememe.

1 Kotindi 3:3

Ikana꞉ma꞉ ne tunkula꞉la꞉ haumanu make ape ala꞉ ekimanu make kutupiki haumanu piteleme ekita꞉ mo kenke wanda꞉halima꞉ pu haleme tupa꞉ kone pitelememe.

Loma꞉ 16:18

Kutupiki haumanu pu haleme wanda꞉halima꞉ta꞉ Tekehali Yesu Ketisona꞉ e na pokaake ika꞉ loke manuna꞉ na꞉na꞉ pa꞉la꞉ ekimanu homeke hone u halememe. Ikana꞉ma꞉ mo tendepiki nonopiki pa imeke piki pimanu aleme ekima꞉ mo hokeeki wopu na handeleme wanda꞉hali makeao halememe.

1 Kotindi 4:6

Kametitio. Do wape pitolo pi paeyaota꞉ mo Apolosi diki pa꞉ta꞉ hone witolo hata꞉ pua꞉me. Dikana꞉ma꞉ pitolopa꞉ hau manuna꞉ wape polo ekita꞉ ikana꞉ma꞉ hone witolo hata꞉ mo Baibolo bukana꞉ wala꞉la꞉ tupa꞉ lombei peaama꞉na꞉yeke pua꞉me. Koto ekina꞉ ikana꞉ma꞉ ma꞉nda꞉na꞉ biki mea a꞉meiyaaso hata꞉ ma꞉nda꞉na꞉ biki lu mininiaasemeeki na pea꞉pa꞉peke.

Epesese 4:17

Koto ekina꞉ Tekehalina꞉ bikina꞉ I̱ma꞉ iki pa꞉ta꞉ do pi tieke wotu alome. Hande pi na miki wanda꞉hali haleme tupa꞉ na hapa꞉peke.