Kolosi 2:13 - Panake Pi La: Ula: Buka pita: Kine Pieke Buka

¹³ Ikita꞉ amba꞉ a꞉nda꞉ta꞉ mo Lo pi dia꞉ya꞉la꞉ Diendaili wanda꞉hali hata꞉ ika꞉ pimi hoke hauma꞉ ika꞉ temokota꞉ homeeke wanda꞉hali haememe. Pate ameta꞉ Koda꞉ma꞉ ikita꞉ Ketiso yaapo paa mea da꞉taala꞉me. Koda꞉ma꞉ta꞉ nika꞉ hokeeki paeyao paeyawala꞉me.

Kolosi 2:13 Referans Kwoze

Epesese 2:1

Amba꞉ ikita꞉ pi na opiki hoke hau pimiki ekima꞉ ika꞉ temokomanu homa wimikime.

Loma꞉ 8:11

Hande Yesu homeekepate kone paa mea tiaeyeke Koda꞉ ipika꞉ Sipitidi iki tukiki pa꞉ta꞉ pitia꞉ka꞉na꞉ta꞉ kota꞉ hande Ketiso homeekepate kone paa mea tiaeyeke Koda꞉ma꞉ta꞉ iki tukiki pa꞉ta꞉ pitaala꞉ ipika꞉ Sipitidima꞉ kone ika꞉ homolo peleme lokemanu mea da꞉taalieke.

2 Kotindi 3:6

Ipikana꞉ma꞉ta꞉ nikana꞉ma꞉ do panake la꞉ ula꞉ pi pa꞉ta꞉ e pokomono niki wele peaasa꞉me. Do panake la꞉ ula꞉ pita꞉ mo wape pea ula꞉ Lo Pi dia꞉ya꞉la꞉pate pa mo Sipitidima꞉ peaasa꞉ekie. Mo wape pea ula꞉ Lo pima꞉ta꞉ homa꞉la꞉eki mea ipula꞉pate pa mo Sipitidima꞉ta꞉ da꞉ta꞉la꞉eki kita꞉la꞉me.

Hibulu 9:14

kota꞉ mo Ketisona꞉ wema꞉ta꞉ koto titina꞉ hau ota꞉ lombei peao hau tieke peaapeke ya꞉la꞉me laa hone wipee. Ipikana꞉ma꞉ta꞉ mo na paelo pa꞉la꞉ Sipitidi pa꞉ta꞉ yama꞉ ala꞉ta꞉ ma꞉nda꞉ na ta̱lekeeki ipiki kone Koda꞉ pa꞉ta꞉ haleekeme. Nikana꞉ma꞉ mo da꞉ta hao hala꞉ Koda꞉na꞉ e ana꞉na꞉ pokomono ipika꞉ wema꞉ nika꞉ hone teke pa꞉ta꞉ ula꞉ popeke na piki haumanu tandepo halieke.

2 Kotindi 5:19

Nikana꞉ma꞉ waloloma꞉ ekita꞉ Koda꞉ma꞉ta꞉ wanda꞉hali paeyaota꞉ Ketiso pa꞉ta꞉ yama꞉ ipika꞉ yankeke au laala꞉ ekina꞉ aloma꞉me. Koda꞉ma꞉ta꞉ iki pi yokaalu puluekema꞉ ika꞉ hoke hau na yata꞉pea꞉me. Kutupa ipikana꞉ma꞉ta꞉ mo wanda꞉hali ipika꞉ yankekemanu au lao hala꞉ pita꞉ niki pa꞉ta꞉ la kia꞉me.

Epesese 2:11

Ikana꞉ma꞉ hone wilimime. Mo hande Diu haliwekima꞉ta꞉ ikana꞉ma꞉ ika꞉ kone alota꞉ nikita꞉ sekemesaisi hau pea haloma꞉ haliwekio la alemepate ikita꞉ Diendaili haliweki mondu wieke pa꞉ta꞉ kone iki pa꞉ta꞉ sekemesaisi hau na peleme haliwekio lo halememe. Hande sekemesaisi hau pita꞉la꞉ ekita꞉ haliwekina꞉ lokena꞉ pita꞉la꞉ hau pa꞉ta꞉ loa꞉me. Koto ekina꞉ Diendaili wanda꞉halio ikana꞉ma꞉ amba꞉ hata꞉ pimi ekita꞉ hone wia꞉pa꞉peke.

Luku 15:24

Pa ekipeke. Do yaka wekita꞉ amba꞉ homea꞉pate kone ameta꞉ paa tiala꞉me. Alu pia꞉pate kone ameta꞉ handa꞉ ula꞉me leekeme. Kutupa koto kone ikana꞉ma꞉ ta꞉na꞉ma꞉ homolo hata꞉ mo ne pamba꞉la꞉eki kini pimikime.

Dia꞉mesi 2:26

Kutupa temoko na pila꞉ ekima꞉ta꞉ hali toko ula꞉ tupa꞉ hali epima꞉ ota꞉ hau na piki hone tulaala꞉ ekita꞉ homa꞉la꞉ hali tokoma꞉ handa꞉la꞉me.

Epesese 5:14

Kutupa mo hande pa̱a̱ pita꞉la꞉ ekima꞉ peneme yaasa꞉eki manuta꞉ pa̱a̱ pita꞉la꞉eki kone yelieke. Koto ekina꞉ wape dupa pa꞉la꞉me. U peile halio. A̱i̱ tiae. Homa꞉la꞉eki mina꞉pa꞉lao tiaeka꞉na꞉ta꞉ Ketisoma꞉ neke pa̱a̱ pealieke wape pa꞉la꞉me.

1 Kotindi 15:45

Mo Baibolo bukana꞉ wape pa꞉la꞉ ekita꞉ dupa. Amba꞉ titina꞉ hali A꞉da꞉ma꞉ta꞉ wepia da꞉ta haena꞉ leeke halie wape pa꞉la꞉pate pa mo wetepe nane A꞉da꞉ma꞉ta꞉ mo deto haena꞉ la꞉la꞉ Temokoe.

Loma꞉ 6:13

Ika꞉ lokena꞉ haleme alemanu ma꞉nda꞉ta꞉ hoke hau pina꞉ na lapa꞉peke. Dia꞉me. Homa paa da꞉ta a꞉pa hala꞉ wanda꞉hali leke hata꞉ ika꞉ ika꞉ kone Koda꞉ pa꞉ta꞉ hala꞉pa꞉peke. Tikitiki haumanu pina꞉yeke ika꞉ loke tieke paeyao Koda꞉ pa꞉ta꞉ hala꞉pa꞉peke.

1 Dioni 2:12

Yaka wekiwandikio. Mo Ketisona꞉ bikina꞉ ika꞉ hoke hauta꞉ amba꞉ paeyawala꞉ ekina꞉ I̱ma꞉ iki pa꞉ta꞉ do pi laasome.

1 Kotindi 15:36

Neketa꞉ hone na wiki someo. Wae ale homeke kenkena꞉ pa nokepea꞉ka꞉na꞉ta꞉ kota꞉ aeyeke homaata꞉ paa opilieke.

Dioni 5:21

Hande Apa꞉ma꞉ homemeke wanda꞉hali mea da꞉taasa꞉ tupa꞉ koto tupa꞉ kone hande Eiyekema꞉ ipika꞉ hone wia wanda꞉hali mea da꞉taasa꞉me.

Luku 9:60

Yesuma꞉ alota꞉ Homeeke wanda꞉halima꞉ kone ika꞉ homa꞉la꞉ wanda꞉hali toko mea hoina꞉ma꞉ neketa꞉ Koda꞉na꞉ Kilu Tombuao Hala꞉ ekina꞉ pi pua wala꞉tiki pu hae leekeme.

Hibulu 6:1

Mo hande titi panake pa꞉ta꞉ opuma꞉ Ketisona꞉ pi manuna꞉ homeke na ambula u hake pa wina꞉ ipika꞉ pi mandane ekimanu make handa꞉tia pomana꞉e. Da a꞉eyoma꞉ka꞉na꞉ta꞉ oni hande amba꞉ nokopoma꞉ da ka꞉ta꞉ta꞉ pa yoka noka꞉pa꞉tiki noka꞉pa꞉tiki pea꞉peke na ya꞉la꞉me. Koto tupa꞉ kone nikana꞉ma꞉ make mo Koda꞉ pa꞉ta꞉ hone tulaasa꞉ titina꞉ pimanu make mo teke na wiki hau pita꞉la꞉ ekimanu mina꞉pa꞉lao hone la꞉ka꞉la꞉la꞉ ekina꞉ pimanu make

1 Timodi 5:6

Pate kosa꞉piki wanda꞉ ma꞉nda꞉ma꞉ ipika꞉ lokena꞉ namonamo pita꞉la꞉ ekimanu homekena꞉ hone u haya꞉ka꞉na꞉ta꞉ kota꞉ koto wanda꞉ ipikita꞉ pa hala꞉pate kone ipika꞉ temokota꞉ homa ula꞉me.

Loma꞉ 4:17

Hande Baibolo bukana꞉ wape pa꞉la꞉ tupa꞉ Neketa꞉ tutu ta꞉ta꞉ ta꞉ta꞉ wanda꞉hali paeyaona꞉ apa꞉ halena꞉ lolome laa leeke ekina꞉ opua Eipoloha꞉ma꞉ Koda꞉ pa꞉ta꞉ hone tulao hayekeme. Koto ekina꞉ Koda꞉ma꞉ kone koto pi la꞉ wieke ekita꞉ ota꞉ yaeyekeme. Do hauta꞉ mo amba꞉ homemeke wanda꞉hali mea da꞉taapekeeki make mo amba꞉ na haemeke alemanu ipikana꞉ma꞉ pima꞉ alo hata꞉ kone mea haena꞉ leekeeki make koto Koda꞉ma꞉ta꞉ do hau make pu hala꞉me.

Dioni 6:63

Loke mindikima꞉ta꞉ niki tamba꞉ mea꞉peke na yelieke. Mo hande Sipitidima꞉ kone da꞉taapeke ya꞉la꞉me. I̱ma꞉ iki pa꞉ta꞉ loa꞉ pi manuta꞉ Sipitidina꞉eki make da꞉taapekeeki make loa꞉me.

Dia꞉mesi 2:20

Neketa꞉ hone na wiki halio. Hande ota꞉ hau na piki pa pima꞉ homeke Ketiso pa꞉ta꞉ hone tulao halome ala꞉ ekita꞉ paeki pita꞉la꞉me la walonope.

Dia꞉mesi 2:17

Hande Ketiso pa꞉ta꞉ hone tulao halome ala꞉ halita꞉ dupae. Pa pima꞉ homeke laa ota꞉ hau pitolo hata꞉ na lea꞉ka꞉na꞉ta꞉ kota꞉ ipika꞉ hone tulao hala꞉ ekita꞉ paeki pita꞉la꞉me.

1 Timodi 6:13

Mo ala꞉ta꞉ ala꞉ta꞉ paeyao da꞉taa wina꞉ la꞉la꞉ Koda꞉na꞉ leke popelekena꞉ hata꞉ make mo hande Pontiasi Pailedi pa꞉ta꞉ ota꞉ pi leeke Ketiso Yesu ipika꞉ leke popelekena꞉ hata꞉ make I̱ma꞉ neke pa꞉ta꞉ dupa alome.

Kolosi 2:12

Ikita꞉ bapitaisi hau pimi natena꞉ta꞉ Ketiso ame̱le̱ mandakena꞉ lapa꞉ pelememe. Kutupa make bapitaisi hau pimikita꞉ ika꞉ Koda꞉na꞉ wele wopu piki honkopu pa꞉ta꞉ hone tulaleme ekima꞉ta꞉ ikita꞉ Ketiso yaapo paa tialememe. Mo Koda꞉na꞉ wele wopu piki honkopuma꞉ Ketiso mea tiala꞉ ekima꞉ loa꞉me.