Kolosi 1:4 - Panake Pi La: Ula: Buka pita: Kine Pieke Buka

⁴ Pa ekipeke. Ikana꞉ma꞉ Yesu Ketiso pa꞉ta꞉ hone tulalemeeki make mo Koda꞉na꞉ wanda꞉hali paeyao pa꞉ta꞉ pukima꞉ homo halemeeki opu hao loma꞉me.

Kolosi 1:4 Referans Kwoze

Epesese 1:15

Ikana꞉ma꞉ Tekehali Yesu pa꞉ta꞉ hone tulaalemeeki make Koda꞉na꞉ wanda꞉hali paeyao pa꞉ta꞉ pukima꞉ homelemeeki make I̱ma꞉ opu haota꞉

2 Desalonaika 1:3

Nika꞉ kametonuo. Iki pa꞉ta꞉ hone witolo hata꞉ Koda꞉ pa꞉ta꞉ keiyae pi lo hamonoe. Ota꞉ dupiki pi lo haloma꞉ ekina꞉ teketa꞉ ika꞉ hone tulaleme ekita꞉ ota꞉ anekema꞉ daela꞉me. Kutupa mo ika꞉ pukima꞉ homa꞉ alualu pelemeeki make daeya tieke ya꞉la꞉me.

1 Desalonaika 1:3

Ikana꞉ma꞉ hone tulao hata꞉ epeke hau pimieki make ika꞉ pukima꞉ homa hata꞉ e wotu pokemeeki make nika꞉ Tekehali Yesu Ketiso handeteke hata꞉ puki hana꞉ noka꞉pa haemeeki make nikana꞉ma꞉ hone u haloma꞉ ekina꞉ loa꞉me.

Hibulu 6:10

Koda꞉ta꞉ homeke pa꞉ta꞉ homeke hone ula꞉ Koda꞉ dia꞉me. Ipikana꞉ma꞉ mo ika꞉ epeke e poka꞉lemekeeki make ika꞉ Ketiso kame tonu tamba꞉ mimieki make ame do pa tamba꞉ mu haleme ekima꞉ make koto hau pa꞉ta꞉ yama꞉ta꞉ ika꞉ Koda꞉ pa꞉ta꞉ pukima꞉ homelemeeki peneme yaasa꞉me. Koto piteme ekita꞉ Koda꞉ma꞉ hone na yonka꞉lapeke ya꞉la꞉me.

1 Dioni 4:16

Kutupa mo Koda꞉ma꞉ niki pa꞉ta꞉ pukima꞉ homa꞉la꞉ ekita꞉ nikana꞉ma꞉ hone witolo hata꞉ hone tulaaloma꞉me. Koda꞉ta꞉ pukima꞉ homa꞉la꞉ekie. Koto ekina꞉ ma꞉nda꞉ epita꞉ pukima꞉ homa꞉la꞉eki pa꞉ta꞉ haya꞉ka꞉na꞉ta꞉ kota꞉ ipikita꞉ Koda꞉ yaapo ta꞉ma꞉ni pea hala꞉me. Kutupa Koda꞉ta꞉ ipiki yaapo ta꞉ma꞉ni pea hala꞉me.

Pailimono 1:5

Kutu piki hauta꞉ mo nakana꞉ma꞉ Koda꞉na꞉ wanda꞉hali paeyao pa꞉ta꞉ pukima꞉ homo make kutaa mo Tekehali Yesu pa꞉ta꞉ hone tulao haleeki make opitolo hata꞉ alome.

1 Dioni 3:14

Mo homa꞉la꞉eki mina꞉pa꞉lao da꞉ta꞉la꞉eki pa꞉ta꞉ epoloma꞉ ekita꞉ nika꞉ hone uluma꞉me. Koto mo nikana꞉ma꞉ nika꞉ kametonu pa꞉ta꞉ pukima꞉ homo haloma꞉ ekita꞉ hone ulume laa loa꞉me. Ma꞉nda꞉ epima꞉ pukima꞉ na homea꞉ka꞉na꞉ta꞉ ipikita꞉ mo homa꞉la꞉ ekina꞉ honkopu oto pa꞉ta꞉ paa hala꞉me.

Ka꞉leisia 5:6

Niki Yesu Ketiso pa꞉ta꞉ tunao haoma꞉ka꞉na꞉ta꞉ sekemesaisi hau pita꞉la꞉eki make sekemesaisi hau na pita꞉la꞉eki make koto hau telipina꞉ta꞉ pa pa alema꞉ handa꞉la꞉me. Pate hone tulaaso hata꞉ pukima꞉ homa꞉ alualu pu haemeka꞉na꞉ta꞉ kota꞉ koto hauta꞉ ota꞉ekie.

1 Dioni 3:23

Kutupa ipikana꞉ma꞉ mo niki pa꞉ta꞉ pipee ala꞉ ekita꞉ dupa. Nikana꞉ma꞉ ipika꞉ Eiyeke Yesu Ketiso pa꞉ta꞉ hone tulao hata꞉ make pa mo hande Yesuma꞉ leeke tupa꞉ kone niki ame̱le̱ pukima꞉ homa꞉ alualu pu hapa꞉peke.

1 Desalonaika 3:6

Kutu puma꞉pate ameta꞉ Timodi iki mina꞉pa꞉lao paa la꞉ka꞉la a꞉pa ika꞉ epeke pukima꞉ homa hata꞉ make ika꞉ epeke hone tulaalemeeki make niki pa꞉ta꞉ la kia꞉me. Ipikana꞉ma꞉ la kitolo alota꞉ Hoto paeyao ikana꞉ma꞉ niki pa꞉ta꞉ hone wopu witolo hata꞉ nikana꞉ma꞉ iki handuluekema꞉ hone pia꞉ tupa꞉ ikana꞉ma꞉ make niki handuluekema꞉ make homeke hone kone wilimime ala꞉me.

Kolosi 1:9

Do ekina꞉ yeke ikina꞉ ota꞉ opua mupa꞉ natena꞉ kone kini pea a꞉pa ame make hoto paeyao yeni peao ombu halopa꞉me. Koda꞉na꞉ hone pa꞉la꞉ tupa꞉ hone wita꞉la꞉ ekita꞉ ipika꞉ Sipitidima꞉ ku hala꞉ hone lenkena꞉ pea wita꞉la꞉eki pita꞉ hone wopu wita꞉la꞉eki yaapona꞉ hau paeyao pa꞉ta꞉ yama꞉ iki pa꞉ta꞉ tumbaena꞉yeke Koda꞉ pa꞉ta꞉ yeni peaatiki pu halopa꞉me.

2 Kotindi 7:7

Mo ipiki epolo pia꞉ ekima꞉ homeke niki ta꞉na꞉ma꞉ na homa꞉ tiaya꞉pate pa mo ikana꞉ma꞉ ipiki honkopu hawaemeeki a꞉pa la kia꞉ ekima꞉ make niki ta꞉na꞉ma꞉ homa꞉ tiaya꞉me. Ipikana꞉ma꞉ta꞉ ikana꞉ma꞉ I̱ handawee laa we pambelememe laata꞉ ikana꞉ma꞉ ota꞉ hokeeki puma꞉me laa kelepeleme ekina꞉ make mo I̱na꞉ ta̱luekema꞉ tikitiki yao halemeeki make paeyao a꞉pa la kia꞉me. Koto ekina꞉ ameta꞉ I̱ta꞉ ta꞉na꞉ tieke ota꞉ wopu pa꞉la꞉me.

Ka꞉leisia 3:26

Iki paeyaota꞉ hone tulaasa꞉eki pa꞉ta꞉ yama꞉ Yesu Ketiso ame̱le̱ apa꞉tao Koda꞉na꞉ wekiwandiki halememe.

Ka꞉leisia 3:28

Koto pa꞉la꞉ ekima꞉ta꞉ kota꞉ mo Diu tapake pita꞉ Diendaili tapake yaapo make ata꞉ka꞉ na pu mo e handeteke hala꞉ haliweki pita꞉ e pokaasa꞉ haliweki yaapo make ata꞉ka꞉ na pu mo wanda꞉ pita꞉ hali yaapo make ata꞉ka꞉ na pu piki iki paeyaota꞉ Yesu Ketiso ame̱le̱ apa꞉tao ota꞉ homeke tapake halememe.

Epesese 6:18

Do haumanu paeyaota꞉ Koda꞉ma꞉ tamba꞉ mina꞉yeke pitolo hata꞉ yeni pea꞉tiki pu hapa꞉peke. Koto mo Sipitidima꞉ walolo haena꞉ hoto paeyao yeni pea꞉pa꞉peke. Koto ekina꞉ wotu handeteke hata꞉ soka꞉la꞉ma꞉ na homeke Koda꞉na꞉ wanda꞉hali paeyao pa꞉ta꞉ hone witolo hata꞉ hoto paeyao yeni pea꞉tiki pu hapa꞉peke.