Kolosi 1:21 - Panake Pi La: Ula: Buka pita: Kine Pieke Buka

²¹ Amba꞉ a꞉nda꞉ta꞉ ika꞉ pimi hoke hau manuma꞉ make wimi hoke hone manuma꞉ make ikita꞉ Koda꞉ teke pa꞉ta꞉ na hake ipika꞉ a꞉nda꞉ tunkuliki wanda꞉hali haememe.

Kolosi 1:21 Referans Kwoze

Epesese 2:12

Koto pita꞉ta꞉ ikita꞉ Ketiso teke pa꞉ta꞉ na hake ika꞉ ta꞉ta꞉ papate haemekeme. Ikita꞉ Koda꞉ma꞉ talopu mea haena꞉ la꞉la꞉ wanda꞉hali apa꞉tao na hake tapake ta꞉ta꞉ wanda꞉hali haemekeme. Koda꞉ma꞉ ipika꞉ wanda꞉hali pa꞉ta꞉ pimanu la꞉ wiekeeki manuta꞉ iki pa꞉ta꞉ na leekeme. Ikita꞉ amba꞉ do kenkena꞉ haemeke dina꞉ta꞉ Koda꞉ ame̱le̱ na hake ipiki pa꞉ta꞉ epekeeki muluekema꞉ hone na wiki pa hao haemekeme.

Epesese 4:18

Mo wanda꞉halima꞉ta꞉ ika꞉ hone witeleme ekita꞉ timba꞉ la꞉pa pulu hata꞉ epeke hone ma꞉nda꞉ na witelememe. Ikita꞉ hone na wiki kiaaso hata꞉ na mineleme ekima꞉ Koda꞉na꞉ da꞉taasa꞉ ekita꞉ na handelememe.

Epesese 2:19

Koto ekina꞉ Diendaili wanda꞉halio ame ikita꞉ kenke ma꞉nda꞉ nanema꞉ hao epeleme wanda꞉hali leke make da ma꞉nda꞉ wanda꞉hali leke make na hake ikita꞉ Koda꞉na꞉ wanda꞉hali ame̱le̱ ota꞉ ipika꞉ da wanda꞉hali hata꞉ ipika꞉ tapake wanda꞉hali kone halememe.

Loma꞉ 1:30

ika꞉ ika꞉ kone pi la la pu alualu pia꞉tiki pu halememe. Koda꞉ hoki wala leke pa꞉ta꞉ sa꞉take pu hambiliki hoepitolo make tanda pea hatiki pu halememe. Hakoko litolo hata꞉ Koda꞉na꞉ pi kone la꞉tiki pitolo hata꞉ hoke ekimanu puluekema꞉ panake pota꞉manu weiya꞉tiki pu halememe. Kutupa ateke inkiki yaapona꞉ pi tunkula꞉tiki pu halememe.

Dia꞉mesi 4:4

Ikita꞉ pi tunkuleleme wanda꞉halio. Do ekita꞉ ikana꞉ma꞉ hone na witelemepe. Hali epima꞉ do kenke hau puluekema꞉ hone pia꞉ka꞉na꞉ta꞉ koto halita꞉ Koda꞉ ipika꞉ a꞉nda꞉ tunkiliki hali hala꞉me. Koto tupa꞉ make hali epima꞉ do kenke hauna꞉ yankeke haluekema꞉ hone pia꞉ka꞉na꞉ta꞉ koto halita꞉ ipika꞉ kone Koda꞉na꞉ a꞉nda꞉ tunkiliki hali haluekema꞉ pita꞉la꞉me.

Epesese 2:15

Ipikana꞉ma꞉ta꞉ hande Diu wanda꞉halina꞉ Lo Pimanu hande tombo tombo wimiki pimanu tonka꞉na꞉ paeyaeyekeme. Dupieke ekita꞉ mo tapake yaapo pa꞉ta꞉ tapake homeke hata꞉ panake wanda꞉hali ipiki yaapo ta꞉ma꞉ni pea hata꞉ta꞉ ipikana꞉ma꞉ wepia haena꞉ loluekema꞉ piekeme. Kutu pieke ekina꞉ a꞉nda꞉ peliaowaeyekeme.