Kolosi 1:19 - Panake Pi La: Ula: Buka pita: Kine Pieke Buka

¹⁹ Koda꞉ ipika꞉ hone pieke ekina꞉ kone mo Eiyeketa꞉ ota꞉ Koda꞉ ipikima꞉ kone handena꞉ leekeme.

Kolosi 1:19 Referans Kwoze

Kolosi 2:9

Pa ekipeke Ketiso pa꞉ta꞉ta꞉ Koda꞉ ipika꞉ hala꞉eki paeya tapao kenke loke tupa꞉ hala꞉me.

Dioni 1:16

Ipika꞉ pa a꞉ta꞉ma꞉ homa꞉la꞉eki tumba hala꞉eki mea niki kia꞉tiki kia꞉tiki peaata꞉ niki paeyao amba꞉ epeaala꞉me.

Epesese 1:23

Hande siosita꞉ Ketiso ipika꞉ loke haloma꞉me. Ketisoma꞉ta꞉ ala꞉ta꞉ ala꞉ta꞉ paeyao tukiki pa꞉ta꞉ pita꞉ tumba ula꞉me. Kutupa siosi wanda꞉hali tukiki pa꞉ta꞉ pita꞉ta꞉ tumba pila꞉me.

Kolosi 2:3

Ipikita꞉ mo Koda꞉ pa꞉ta꞉ a꞉mbao ula꞉ hone lenkena꞉ pea wita꞉la꞉ ekimanu pita꞉ hone wopu wita꞉la꞉ ekimanu paeyao hamekena꞉ ke lao wala꞉la꞉ halie.

Kolosi 3:11

Kotoeki tekena꞉ta꞉ mo Diendaili pita꞉ Diu yaapota꞉ ameta꞉ tukikina꞉ tekili pea꞉peke na ya꞉la꞉me. Sekemesaisi na pa꞉la꞉ wanda꞉hali make sekemesaisi pa꞉la꞉ wanda꞉hali make mo Kitiki pi na opimiki wanda꞉hali make mo yeti sayalema꞉ handeke wanda꞉hali make ka꞉la꞉pa꞉ tapao haleme wanda꞉hali make pa hameke e pokaaseme wanda꞉hali make iki paeyao pa na tekili pea꞉peke ya꞉la꞉me. Pate Ketisota꞉ do hauna꞉ teke make ipikita꞉ paeyao pa꞉ta꞉ hala꞉me.

Epesese 1:3

Tekehali Yesu Ketiso ipika꞉ Apa꞉ Koda꞉na꞉ pi nikana꞉ma꞉ laamana꞉e. Nikita꞉ Ketiso yaapo hamonota꞉ Koda꞉ma꞉ niki ota꞉ epeaala꞉ ekina꞉ loa꞉me. Hepeni nane hala꞉ ekimanu paeyaota꞉ nika꞉ temoko tamba꞉ mina꞉yeke amba꞉ ka꞉la꞉me.

Dioni 3:34

Koda꞉ma꞉ tapaala꞉ halima꞉ta꞉ Koda꞉na꞉ pimanu lalieke. Koda꞉ma꞉ ipiki pa꞉ta꞉ Holi Sipitidi hala꞉la꞉ ekita꞉ tombo wia na hala꞉la꞉ ekina꞉ loa꞉me.

Epesese 4:10

Kutupa hande hola꞉pa꞉niaeyeke hali kone ota꞉ oli manda hepeni pa꞉ta꞉ a꞉meiya puata꞉ oli ya kenke yaapo ipika꞉ hala꞉ ekima꞉ tumbaaluekema꞉ peekeme.

Luku 10:21

Koto natena꞉ta꞉ mo Holi Sipitidima꞉ Yesu pa꞉ta꞉ epeke ta꞉na꞉ pita꞉la꞉ ekima꞉ tumbieketa꞉ Yesuma꞉ alota꞉ Apa꞉o. Oli ya do kenke yaapona꞉ Tekehalio. I̱ma꞉ neke pa꞉ta꞉ Ta꞉na꞉e alome. Ekipeke nakana꞉ma꞉ mo hande hone wotu u tekele peleme wanda꞉hali make mo sukulu wotu peleme wanda꞉hali ameda pa꞉ta꞉ a꞉mbao wina꞉ le hau manuta꞉ pa mo panake wekiwandiki sunu pa꞉ta꞉ wala꞉leke handa alome. Aowe Apa꞉o. Koto ekita꞉ naka꞉ hone pieke yekeeki yaena꞉yeke pina꞉ aleme leekeme.

Epesese 1:5

Koda꞉ma꞉ pukima꞉ homolo hata꞉ta꞉ Yesu Ketisoma꞉ nikita꞉ Koda꞉ ipika꞉ eiyekemanu hamono ipiki pa꞉ta꞉ hatuku epena꞉yeke hone amba꞉ wiekeme. Koto ekita꞉ Koda꞉ma꞉ hone pieke ekina꞉ hone wiekeme.

1 Kotindi 1:21

Koda꞉ma꞉ ipika꞉ hone wotu wita꞉la꞉ ekima꞉ta꞉ do kenkena꞉ hone wotu witeleme wanda꞉halima꞉ ipiki handaapa꞉na꞉ yeke sa꞉sa꞉ piekeme. Kutupa mo wanda꞉halima꞉ do nikana꞉ma꞉ walo haloma꞉ pi pa꞉ta꞉ Pa ekie alemepate pa mo opiteleme wanda꞉halita꞉ Koda꞉ma꞉ mea da꞉taasa꞉me.