Ka꞉leisia 6:10 - Panake Pi La: Ula: Buka pita: Kine Pieke Buka

¹⁰ Wanda꞉hali paeyao pa꞉ta꞉ epeke hau pia꞉peke ekina꞉ waleke a꞉nda꞉ opolo epea꞉ka꞉na꞉ta꞉ kota꞉ iki pa꞉ta꞉ epeke hau ota꞉ pia꞉peke ya꞉la꞉me. Kutu pia꞉peke yolo pa꞉la꞉pate mo nika꞉ Ketiso tapakena꞉ haleme wanda꞉hali pa꞉ta꞉ta꞉ hone ota꞉ wopu witolo hata꞉ tamba꞉ mea꞉tiki pea꞉peke ya꞉la꞉me.

Ka꞉leisia 6:10 Referans Kwoze

Hibulu 13:16

Epeke hau pualu pu make tamba꞉ mualu pu pita꞉la꞉ hau yaapota꞉ hone na yonka꞉lapa꞉peke. Pa ekipeke. Do hau yaapoma꞉ta꞉ Koda꞉ ta꞉na꞉ma꞉ homaena꞉ pa hameke hala꞉la꞉ haue.

1 Desalonaika 5:15

Mandane wanda꞉halima꞉ iki pa꞉ta꞉ hoke hau pimika꞉na꞉ta꞉ ikana꞉ma꞉ paa na hombo peaapa꞉peke. Hoto paeyaota꞉ ika꞉ ika꞉ kone epea alualu pea hata꞉ wanda꞉hali paeyao make epeaaluekema꞉ hone wopu wia꞉pa꞉peke.

Taitasi 3:8

Koda꞉ pa꞉ta꞉ hone tulaaseme wanda꞉halima꞉ta꞉ mo ika꞉ epeke piteme hau manuma꞉ mo mandane wanda꞉hali tamba꞉ muluekema꞉ hone witolo hata꞉ waleke hala꞉tiki pina꞉ma꞉ nakana꞉ma꞉ do wapena꞉ alo pimanu iki pa꞉ta꞉ ota꞉ wopu la꞉ moneao hapeke.

Ma꞉tiu 25:40

Koto lemeka꞉na꞉ta꞉ mo hande Kini Halima꞉ ika꞉ pita꞉ do tupa꞉ hombo pealieke. I̱ma꞉ iki pa꞉ta꞉ ota꞉ ota꞉ pi alome. Ikana꞉ma꞉ mo hande ya biki na wiki kame homeke ma꞉nda꞉ siki pa꞉ta꞉ pimiki epeke hau paeyaota꞉ kota꞉ ota꞉ paeyao pa I̱ pa꞉ta꞉ kone pimime laa lelieke.

Hibulu 6:10

Koda꞉ta꞉ homeke pa꞉ta꞉ homeke hone ula꞉ Koda꞉ dia꞉me. Ipikana꞉ma꞉ mo ika꞉ epeke e poka꞉lemekeeki make ika꞉ Ketiso kame tonu tamba꞉ mimieki make ame do pa tamba꞉ mu haleme ekima꞉ make koto hau pa꞉ta꞉ yama꞉ta꞉ ika꞉ Koda꞉ pa꞉ta꞉ pukima꞉ homelemeeki peneme yaasa꞉me. Koto piteme ekita꞉ Koda꞉ma꞉ hone na yonka꞉lapeke ya꞉la꞉me.

Epesese 2:19

Koto ekina꞉ Diendaili wanda꞉halio ame ikita꞉ kenke ma꞉nda꞉ nanema꞉ hao epeleme wanda꞉hali leke make da ma꞉nda꞉ wanda꞉hali leke make na hake ikita꞉ Koda꞉na꞉ wanda꞉hali ame̱le̱ ota꞉ ipika꞉ da wanda꞉hali hata꞉ ipika꞉ tapake wanda꞉hali kone halememe.

Dioni 12:35

Yesuma꞉ iki pa꞉ta꞉ alota꞉ Mo hande pa̱a̱ pa꞉la꞉ ekita꞉ iki ame̱le̱ hosiki halimikie. Timba꞉ la꞉la꞉ ekima꞉ iki mea tombuaama꞉na꞉ pa̱a̱ pa꞉la꞉ pita꞉ kone pua꞉pa꞉peke. Timba꞉ la꞉pa pa꞉la꞉ pa꞉ta꞉ pula꞉ halima꞉ta꞉ Dota꞉ hando pa꞉ta꞉ pulupe lelieke.

Luku 6:35

Dia꞉me. Ika꞉ a꞉nda꞉ tunkuliki wanda꞉hali pa꞉ta꞉ pukima꞉ homa iki pa꞉ta꞉ epeke hau homeke pu hapa꞉peke. Ikana꞉ma꞉ wanda꞉hali ma꞉nda꞉ pa꞉ta꞉ ala꞉ta꞉ ma꞉nda꞉ tondiki halemeka꞉na꞉ta꞉ paa muluekema꞉ hone na u hapa꞉peke. Kutu pu haemeka꞉na꞉ta꞉ ika꞉ yenki aneke hapu meata꞉ oli Koda꞉ Manda Hala꞉ Tiekena꞉ eiyeke titi halimikie. Ekipeke Koda꞉ma꞉ta꞉ mo ipika꞉ epeke haumanu pita꞉la꞉ ekina꞉ ta꞉na꞉e pi na lo haleme wanda꞉hali make mo hoke haumanu wotu pu haleme wanda꞉hali pa꞉ta꞉ make epeke hau pu hala꞉me.

Dioni 9:4

Hande I̱ tapaala꞉ halina꞉ eta꞉ nate a꞉pa talo haena꞉ pokatiki pumana꞉e. Timba꞉ lolo yapea꞉ka꞉na꞉ta꞉ ipika꞉ e pokaapeke na yelieke.

Taitasi 2:14

Ketiso ipikita꞉ nikina꞉ homeekeme. Kutu pieke ekima꞉ta꞉ nikita꞉ mo hoke hau pa꞉ta꞉ haomeke yoka꞉ muluekema꞉ make ipika꞉ epeke hauna꞉ puawee hone pa꞉la꞉ yako piki wanda꞉hali homeke hamono yeke piekeme.

Pilipai 4:10

O I̱ma꞉ mo Tekehali pa꞉ta꞉ halo ekina꞉ta꞉ ta꞉na꞉ tiekema꞉ wopu homolome. Pa ekipeke. Mo nate eleke eleke wopu paeya꞉ hoki naneta꞉ ikana꞉ma꞉ I̱ pa꞉ta꞉ ika꞉ a꞉ta꞉ma꞉ homelemeeki paa waluekema꞉ pota꞉ handa꞉ wimika꞉ta꞉me. Ikana꞉ma꞉ I̱ hone yonka꞉laememe pi na alopate pa mo ika꞉ a꞉ta꞉ma꞉ homelemeeki wala꞉peke pota꞉ na handa꞉ witolo pia꞉ka꞉ta꞉me alome.

Ma꞉tiu 12:50

Mo ya hepeni nane hala꞉ Apa꞉na꞉ hone pa꞉la꞉ haumanu peao haleme wanda꞉halita꞉ ikita꞉ ya ana꞉ ama꞉ kametonue leekeme.

3 Dioni 1:11

Yaka yankekeo. Mo hokeeki na moka꞉la handeketa꞉ mo epekeeki homeke moka꞉la handa꞉peke. Ma꞉nda꞉ epima꞉ epekeeki pia꞉ka꞉na꞉ta꞉ ipikita꞉ Koda꞉na꞉ ekie. Ma꞉nda꞉ epima꞉ hokeeki pia꞉ka꞉na꞉ta꞉ ipikita꞉ Koda꞉ na handeke some hala꞉me.

Kolosi 4:5

Mo hone na tulaaleme wanda꞉hali pa꞉ta꞉ta꞉ ika꞉ piteleme hau manuta꞉ hone wopu u lenkena꞉ pea pea꞉pa꞉peke. Iki pa꞉ta꞉ waleke wita꞉la꞉eki paeyao epea꞉ka꞉na꞉ta꞉ iki na pakalaena꞉ leke epeke tupa꞉ mina꞉pa꞉peke.

Epesese 5:16

Nate ma꞉nda꞉ pa na mina꞉pa꞉laake nate paeyao wotu weiya handa꞉tiki pia꞉pa꞉peke. Ame do nate manuna꞉ta꞉ hokeeki wotu pitelemeke handa loa꞉me.

1 Dioni 5:1

Ma꞉nda꞉ epima꞉ Yesuta꞉ Ketisoe laa hone tulaeya꞉ka꞉na꞉ta꞉ ipikita꞉ Koda꞉na꞉ eiyeke hala꞉me. Kutupa ma꞉nda꞉ epima꞉ ateke pa꞉ta꞉ pukima꞉ homea꞉ka꞉na꞉ta꞉ kota꞉ ipika꞉ eiyeke make pukima꞉ homa꞉la꞉me.

Hibulu 3:6

Mosesita꞉ pa e pokaasa꞉ hali homeke hayekepate Ketisota꞉ Koda꞉na꞉ eiyeke yaalo hata꞉ Koda꞉na꞉ wanda꞉hali ota꞉ epeke tupa꞉ handeteke hala꞉me. Koto handeteke hala꞉ wanda꞉halita꞉ nikie. Nikana꞉ma꞉ a꞉nda꞉ nika꞉ Tekehalima꞉ ota꞉ pealieke hone wita꞉la꞉eki pita꞉ aela꞉ baasa꞉ hau yaapo a꞉nda꞉ ota꞉ wopu miniki haoma꞉ka꞉na꞉ alome.

Maka 3:4

Epeeketa꞉ Yesuma꞉ iki pa꞉ta꞉ alota꞉ Hoto Pila꞉ Natena꞉ pi ula꞉ ekina꞉ aleke wape pea ula꞉pe leekeme. Wanda꞉hali epeaasa꞉ ekita꞉ ana꞉ pa꞉la꞉pe o hoeyaasa꞉ ekita꞉ ana꞉ pa꞉la꞉pe laa ombu alota꞉ Wanda꞉hali mea tiaowa꞉ka꞉na꞉ta꞉ ana꞉ pa꞉la꞉pe o homaoa꞉ka꞉na꞉ta꞉ ana꞉ pa꞉la꞉pe leekepate mo haliwekima꞉ pi na leke pa pambo haemekeme.

Epesese 3:15

Oli hepeni do kenke yaapo pa꞉ta꞉ haloma꞉ tapake wanda꞉hali paeyaoma꞉ta꞉ nika꞉ ota꞉ bikimanu paeyaota꞉ ipiki pa꞉ta꞉ minoloma꞉me.

Ma꞉tiu 5:43

Amba꞉ la꞉ wimiki pi opu haleme pita꞉ dupa. Tapake pa꞉ta꞉ pukima꞉ homolota꞉ tunkuliki halita꞉ honditi pia꞉peke leekeme.

Ma꞉tiu 10:25

Koto ekina꞉ta꞉ mo sukulu pita꞉la꞉ wekima꞉ta꞉ ipika꞉ hone pa꞉ta꞉ta꞉ Yaka disa some tupa꞉ halueke laa hone pia꞉ka꞉na꞉ta꞉ kota꞉ ana꞉ pilieke. Koto tupa꞉ kone mo e pokaasa꞉ somema꞉ make Ya e teke hali tupa꞉ kone halueke laa hone pia꞉ka꞉na꞉ta꞉ kota꞉ koto make ana꞉ pilieke. Wanda꞉halima꞉ mo da homeke pa꞉ta꞉ pambo haleme tapakena꞉ Ateke pa꞉ta꞉ mo hande hoke biki Bielisibulu la꞉ wiaemeka꞉na꞉ta꞉ kota꞉ ipika꞉ wekiwandiki pa꞉ta꞉ make koto biki ota꞉ lombei piki ota꞉ hoke bikimanu kone la꞉tiki pilimikie.

Aposolo 6:7

Koto ekina꞉ mo Koda꞉na꞉ pi paa mea a꞉meiyao kutupa Diutuseleme da nane mo disaipolo wanda꞉hali make aneke hapu daeyao kutupa mandane yeni peao haemeke haliweki wopu make mo Koda꞉na꞉ pi opua Ketiso pa꞉ta꞉ hone tulao haemekeme.

Ka꞉leisia 1:23

pa mandane wanda꞉halima꞉ mo hande niki pa꞉ta꞉ tanda ku haya꞉ somema꞉ta꞉ ipika꞉ hande hoeyaaluekema꞉ taapea꞉ hauna꞉ pi kone ameta꞉ pa wala꞉tiki pu hala꞉me lemeke pi opuata꞉

Epesese 4:28

Pake nala꞉ halima꞉ koto hau na piki pa e poka꞉peke ya꞉la꞉me. Ipika꞉ kikima꞉ e epeke tupa꞉ pokolo hata꞉ ala꞉ta꞉ ma꞉nda꞉ dia꞉ya꞉la꞉ wanda꞉hali pa꞉ta꞉ mandaneeki haluekema꞉ hone wina꞉yeke loa꞉me.

1 Desalonaika 5:21

Hau paeyao pea handaata꞉ mo a꞉pa꞉la꞉ haumanu miniki hata꞉

1 Pida 2:5

Iki make da꞉ta hala꞉ toopi ula꞉ tupa꞉ halememe. Kutupa ikana꞉ma꞉ Koda꞉ma꞉ ikita꞉ mea ipika꞉ yakopiki temokona꞉ da a꞉ena꞉ lapa꞉peke. Do da tukiki pa꞉ta꞉ ikana꞉ma꞉ yako piki yeni peao hala꞉ haliweki hata꞉ Koda꞉ ta꞉na꞉ma꞉ homolo hata꞉ mina꞉ ika꞉ temoko Yesu Ketiso pa꞉ta꞉ yama꞉ Koda꞉ pa꞉ta꞉ halo hapa꞉peke.

1 Pida 4:17

Koda꞉ma꞉ pi yokaalu pulu pa꞉la꞉ nateta꞉ ame amba꞉ a꞉pa hala꞉me. Kutupa Koda꞉ ipika꞉ wanda꞉hali kone pa꞉ta꞉ amba꞉la kini pu mea pi yokaalu pilieke. Koto ekina꞉ niki pa꞉ta꞉ amba꞉la kini pia꞉ka꞉na꞉ta꞉ kota꞉ mo Koda꞉na꞉ Pi Seliapo opua kone pa kiaaseme wanda꞉hali pa꞉ta꞉ta꞉ ekipa paeyaalia꞉pe

3 Dioni 1:3

Mo mandane Ketiso kamemanu opolo a꞉pa nakana꞉ma꞉ mo ota꞉eki pa꞉ta꞉ ki hone na wiki pa putia pulieki a꞉pa lemeke handaa I̱ta꞉ ta꞉na꞉ tiekema꞉ homoa꞉me.

3 Dioni 1:10

I̱ epoa꞉ka꞉na꞉ta꞉ kota꞉ I̱ma꞉ta꞉ ipika꞉ pa꞉la꞉ haumanu paeyao lo kelalueke. Ipikana꞉ma꞉ niki pa꞉ta꞉ keke pi la꞉la꞉ ekimanu make mo ipika꞉ yayapiki pimanu lo hala꞉eki paeyao tonka꞉na꞉ loa꞉me. Do hande haumanu homeke ana꞉e hone na u hala꞉pate ipikana꞉ma꞉ta꞉ mo kimisu ipilimi Ketiso kamemanu epemeka꞉na꞉ta꞉ na handa꞉ milieke. Kutupa handa꞉ muluekema꞉ taapo haleme wanda꞉hali make sa꞉sa꞉ pea mo yeni da mina꞉pa꞉lao hama pena꞉ lena꞉ loluekema꞉ taapo hala꞉me.

2 Kotindi 2:8

Koto ekina꞉ta꞉ ikana꞉ma꞉ ipiki pa꞉ta꞉ ika꞉ pukima꞉ homelemeeki ota꞉ peneme yaapa꞉peke laa honke alome.