Ka꞉leisia 4:9 - Panake Pi La: Ula: Buka pita: Kine Pieke Buka

⁹ Kutu pimipate ameta꞉ ikana꞉ma꞉ Koda꞉ handelememe o dia꞉me ameta꞉ Koda꞉ma꞉ iki handa꞉la꞉me lapeke ya꞉la꞉me. Koto pa꞉la꞉pate pa ekipa mo hoke honkopu na hake kenke tumbao haleme temokomanu pa꞉ta꞉ paa la꞉ka꞉la pua ika꞉ pa hameke e pokaaseme wanda꞉hali kone haluekema꞉ taapo halemepe.

Ka꞉leisia 4:9 Referans Kwoze

1 Kotindi 8:3

Koto pa꞉la꞉pate hali epima꞉ Koda꞉ pa꞉ta꞉ pukima꞉ homea꞉ka꞉na꞉ta꞉ kota꞉ Koda꞉ma꞉ koto hali ota꞉ handa꞉la꞉me.

Ka꞉leisia 3:3

Ekipa do pamba꞉ na piki hau pea pelemepe. Ika꞉ Ketiso pa꞉ta꞉ da꞉ta haleme ekita꞉ Koda꞉na꞉ Sipitidina꞉ welema꞉ kini peaeyeke yekepate pa ameta꞉ ikana꞉ma꞉ ika꞉ lokena꞉ welema꞉ pu paeyaalimikipe.

Loma꞉ 8:3

Hande Lo Pi manuma꞉ta꞉ kenke wanda꞉hali ika꞉ honkopu ana꞉ na pa꞉leke handaata꞉ pea꞉peke na ya꞉la꞉ ekita꞉ Koda꞉ma꞉ peaala꞉me. Kenke wanda꞉hali paeyaona꞉ loke tukiki pa꞉ta꞉ ula꞉ hoke hau teke hoeyaaluekema꞉ Koda꞉ma꞉ ipika꞉ Eiyeke kone tapaeyekeme. Hande ipika꞉ Eiyekema꞉ta꞉ hoke hau pu haleme wanda꞉halina꞉ loke manda꞉na꞉ hao kenkena꞉ a꞉paata꞉ hoke hau paeyaaluekema꞉ epeekeme.

1 Dioni 5:20

Nika꞉ hone uluma꞉ ekita꞉ mo Koda꞉na꞉ Eiyeketa꞉ niki hone lenkipa wita꞉la꞉eki kulu a꞉pa꞉la꞉me. Pa ekipeke nikana꞉ma꞉ mo ota꞉ Koda꞉ hone ulu poloma꞉ tupa꞉ pa꞉la꞉me. Ipiki ame̱le̱ hone homeke witolo hata꞉ pa ipika꞉ Eiyeke Yesu Ketiso kone hone homeke wia haloma꞉me. Ipikita꞉ mo ota꞉ Koda꞉e. Kutupa ipikita꞉ deto hala꞉ ekina꞉ tekee.

2 Pida 2:20

Wanda꞉hali epi a꞉nda꞉ma꞉ niki pa꞉ta꞉la꞉la꞉ Tekehali Yesu Ketiso hone wita꞉la꞉eki pa꞉ta꞉ yama꞉ do kenkena꞉ honkopu hake hoke ekimanu paka꞉lao kone handeeki manuma꞉ da panda꞉ paa mina꞉ lemeka꞉na꞉ta꞉ dupiki wanda꞉halita꞉ amba꞉ hande kini pea haeme tupa꞉ dia꞉ya꞉la꞉pate ota꞉ ankulake hokeeki pa꞉ta꞉ halememe.

Hibulu 7:18

Kota꞉ mo hande amba꞉ pi la꞉ ula꞉ ekita꞉ honkopu na hake pa alema꞉ handa꞉leke handaa pa nane wina꞉ la꞉la꞉me.

2 Timodi 2:19

Koda꞉ma꞉ nokopeeke taka꞉lake pinkita꞉ da̱o̱la꞉pa pa꞉la꞉me. Koto pinkina꞉ pi yaapo wape pea ula꞉ ekita꞉ dupa. Tekehalima꞉ ipika꞉ wanda꞉halita꞉ ipika꞉ amba꞉ hando ulume laa wape pea ula꞉me. Kutupa pi ma꞉nda꞉ make dupa. Ma꞉nda꞉ hali epima꞉ I̱ta꞉ mo Tekehalina꞉eki halome lea꞉ka꞉na꞉ta꞉ kota꞉ mo hokeeki paeyao ota꞉ mina꞉pa꞉lao hoki walaa pua꞉peke ya꞉la꞉me pi yaapo wape pa꞉la꞉me.

Epesese 1:17

Hande nika꞉ Tekehali Yesu Ketiso ipika꞉ Koda꞉ta꞉ hande pa̱a̱ pa꞉la꞉ Atekema꞉ Sipitidi iki kina꞉yeke pu halome. Kutupa koto Sipitidima꞉ epeke hone wita꞉la꞉eki iki kiaata꞉ Koda꞉ hala꞉eki wopu handoemena꞉yeke Sipitidima꞉ la kina꞉yeke yeni pu halome.

2 Kotindi 4:6

Mo amba꞉ hande Koda꞉ma꞉ alota꞉ Mo timba꞉ la꞉ pamba꞉la꞉ pa꞉ta꞉ta꞉ mo pa̱a̱ pa꞉la꞉ ekima꞉ pa̱a̱ pina꞉e leeke homeke Koda꞉ma꞉ kone mo pa̱a̱ta꞉ nika꞉ pukina꞉ pa̱a̱ peaya꞉me. Kota꞉ pa꞉la꞉ ekita꞉ Koda꞉ma꞉ ipika꞉ pa̱a̱ta꞉ Ketisona꞉ leke popelekena꞉ nikana꞉ma꞉ hone wiomonoyeke pa̱a̱ peaala꞉me.

1 Kotindi 13:12

Nikana꞉ma꞉ ame do hata꞉ handoloma꞉eki manuta꞉ pa mo ankupiki su̱a̱ta꞉na꞉ pa꞉ta꞉ handeke nono pitoloma꞉me. Kutu pitoloma꞉pate wetepe nina꞉ta꞉ ota꞉ leke popeleke wopu handa꞉ alualu pulumeke. Ameta꞉ hosikima꞉ handolopate wetepe nina꞉ta꞉ Koda꞉ma꞉ I̱ wopu handa꞉la꞉ tupa꞉ kone I̱ma꞉ make hau paeyao ota꞉ handulueke.

Loma꞉ 8:29

Koda꞉ma꞉ amba꞉ talopu mea haena꞉ la꞉la꞉ wanda꞉halita꞉ ipika꞉ Eiyeke leke haena꞉yeke amba꞉ handa꞉ mea ta꞉ta꞉ haena꞉ la꞉la꞉me. Koto pa꞉la꞉ ekita꞉ ipika꞉ Eiyeketa꞉ ipika꞉ kamemanu paeyao ame̱le̱ hata꞉ta꞉ ipikita꞉ titina꞉ hali haena꞉yeke pa꞉la꞉me.

Dioni 17:3

Deto hala꞉ ekita꞉ dupae. Neke homeke ota꞉ Koda꞉ haleeki make nakana꞉ma꞉ tapaale hali Yesu Ketiso hala꞉eki make telipina꞉ handa꞉la꞉ekie.

Dioni 10:27

Yaka sipisipi ma꞉na꞉ manuma꞉ yaka pi ho̱la̱꞉make minelememe. I̱ma꞉ make iki handolome. Kutupa yaka hoki nane telia꞉ mea ipulimime.

Dioni 10:14

I̱ta꞉ hande ma꞉na꞉ epeke tupa꞉ handeteke halo halie. Yaka Apa꞉ma꞉ I̱ handa꞉la꞉eki make I̱ma꞉ make yaka Apa꞉ handolo tupa꞉ I̱ma꞉ make yaka sipisipi ma꞉na꞉manu handolome. Kutupa yaka sipisipi ma꞉na꞉ manuma꞉ make I̱ handilimikie. Kutupa hande sipisipi ma꞉na꞉manu pa꞉ta꞉ hone witolo hata꞉ta꞉ yaka da꞉ta꞉la꞉eki alupaowa꞉ka꞉na꞉ta꞉ ana꞉ pilieke.

Ma꞉tiu 11:27

Ala꞉ta꞉ ala꞉ta꞉ paeyaota꞉ ya Apa꞉ma꞉ I̱ pa꞉ta꞉ amba꞉ ka꞉la꞉me. Eiyeketa꞉ hali ma꞉nda꞉ma꞉ ota꞉ na handa꞉la꞉pate Apa꞉ma꞉ homeke handa꞉la꞉me. Koto mandake tupa꞉ kone Apa꞉ta꞉ hali ma꞉nda꞉ma꞉ ota꞉ na handa꞉la꞉pate Eiyekema꞉ homeke handa꞉la꞉me. Koto pa꞉la꞉ ekina꞉ mandane wanda꞉halima꞉ make Ateke handena꞉ Eiyekema꞉ iki ma̱leke lia peneme yaeya꞉ka꞉na꞉ta꞉ handilimikie.

1 Kotindi 15:34

Ika꞉ hoke hau piteleme ekimanu mina꞉pa꞉lao ika꞉ hone tiki tiki yao epeke tupa꞉ paa hapa꞉peke. Iki pa꞉ta꞉ haleme mandane wanda꞉hali manuma꞉ta꞉ Koda꞉na꞉ hau na handelememe. Do alo ekina꞉ta꞉ yaala꞉ma꞉ homaamina꞉ alome.

2 Kotindi 11:20

Ikana꞉ma꞉ta꞉ mo iki dupi dupi lo haleme haliweki make o iki teke puleke lao haleme haliweki make o iki hona꞉ma̱o̱ haleme o iki handa꞉niao haleme o iki kadapo ku haleme haliweki paeyao pa꞉ta꞉ ta꞉na꞉ma꞉ homolo hata꞉ ika꞉ pi opu halememe.

Ka꞉leisia 4:3

Niki make koto tupa꞉ wekiwandiki leke hata꞉ do kenkena꞉ teke na wiki mana꞉ pimanu oto pa꞉ta꞉ haoma꞉pate

Luku 5:38

Dia꞉me. Mo panake waini ikalita꞉ mo panake ma꞉na꞉ yonkelekema꞉ wa꞉pa꞉la꞉ ipi kanakena꞉ holo pambilieke.