Ka꞉leisia 4:15 - Panake Pi La: Ula: Buka pita: Kine Pieke Buka

¹⁵ Koto pita꞉ma꞉ta꞉ iki pa꞉ta꞉ ta꞉na꞉ tieke wopu wia꞉me. Pate pa ameta꞉ ekipa pa꞉la꞉pe. I̱ma꞉ta꞉ dupiki pi kone lapeke ya꞉la꞉me. Ikana꞉ma꞉ I̱ tamba꞉ muluekema꞉ ika꞉ leke yoka꞉ mea kia꞉peke ya꞉ka꞉na꞉ yoluta꞉ amba꞉ yoka꞉ mea kulu pimime.

Ka꞉leisia 4:15 Referans Kwoze

Loma꞉ 5:2

Nikana꞉ma꞉ Yesu Ketiso pa꞉ta꞉ hone tulaaloma꞉ ekina꞉ ipikana꞉ma꞉ Koda꞉ma꞉ niki pa꞉ta꞉ pa hameke a꞉ta꞉ma꞉ homa꞉la꞉eki handomono la꞉la꞉me. Kutupa ameta꞉ koto tupa꞉ haloma꞉me. Koto ekina꞉ Koda꞉ma꞉ ipika꞉ pa̱a̱ pa꞉la꞉eki niki pa꞉ta꞉ teli teli peaalo pa꞉la꞉eki hone ti lao hata꞉ ta꞉na꞉ma꞉ homa haloma꞉me.

Kolosi 4:13

Ipikana꞉ma꞉ ikina꞉ make mo Laodisia pita꞉ Haeta꞉polasi hala꞉ wanda꞉halina꞉ e tieke pokaala꞉ ekita꞉ yaka lekema꞉ hando ekina꞉ I̱ma꞉ iki la kia꞉peke ya꞉la꞉me.

1 Desalonaika 5:13

Koto e poko haleme ekina꞉ iki pa꞉ta꞉ pukima꞉ homa hata꞉ hone wopu u hapa꞉peke. Ika꞉ ika꞉ kone homu pea puki homeke wia hapa꞉peke.

1 Desalonaika 2:8

Nikana꞉ma꞉ iki pa꞉ta꞉ pukima꞉ homoma꞉ ekina꞉ Koda꞉na꞉ Pi Seliapo homeke homeke iki pa꞉ta꞉ waluekema꞉ hone na uma꞉pate pa nika꞉ hau puma꞉eki make kuluekema꞉ hone uma꞉me. Pa ekipeke iki pa꞉ta꞉ nika꞉ pukima꞉ homoma꞉eki tiekeyeke puma꞉me.

Ka꞉leisia 6:4

Ika꞉ piteleme hau manuta꞉ ika꞉ ika꞉ kone ika꞉ honema꞉ telipa handa꞉pa꞉peke. Homeke halima꞉ ipika꞉ pita꞉la꞉ ekita꞉ ota꞉ hau pia꞉ka꞉na꞉ta꞉ kota꞉ ipika꞉ ota꞉ hauna꞉ ta꞉na꞉ma꞉ homa꞉peke ya꞉la꞉me. Ipikana꞉ma꞉ kutu pia꞉ka꞉na꞉ta꞉ kota꞉ ma꞉nda꞉ma꞉ pita꞉la꞉ hauna꞉ta꞉ hoela꞉ma꞉ a꞉pa꞉la꞉ma꞉ laa na hando telipu hapeke yelieke.

Ka꞉leisia 5:22

Koto pa꞉la꞉pate mo Holi Sipitidima꞉ta꞉ epeke haumanu dupa peawaasa꞉me. Pukima꞉ homa꞉la꞉ hau make puki tukiki nane ota꞉ ta꞉na꞉ma꞉ homa꞉la꞉ hau make puki lopaasa꞉ hau make homu pea yu wia hala꞉ hau make a꞉ta꞉ma꞉ homolo epeke pita꞉la꞉ ekima꞉ ma꞉nda꞉ tamba꞉ mina꞉la꞉ hau make hone tulao hata꞉ e poka꞉la꞉ hau make

Ka꞉leisia 4:19

Ya wekiwandiki sunuo. Ikana꞉ma꞉ Ketisona꞉ hau muemena꞉yeke ama꞉ma꞉ weki taapolo pila꞉ tupa꞉ I̱ma꞉ iki paa taapolo hata꞉ tanda mua꞉tiki pulume.

Ka꞉leisia 3:14

Kutu pieke ekita꞉ mo hande Eipoloha꞉ma꞉ pa꞉ta꞉ Neke tamba꞉ mulueke laa la꞉ wieke pima꞉ta꞉ Yesu Ketiso pa꞉ta꞉ yama꞉ mo Diendaili wanda꞉hali make tamba꞉ meaata꞉ kota꞉ niki make Koda꞉ pa꞉ta꞉ hone tulaaso hata꞉ ipika꞉ pi la꞉ wia꞉ Sipitidi miomono piekeme.

2 Kotindi 8:3

I̱ma꞉ iki pa꞉ta꞉ ota꞉ pi alo ekita꞉ ika꞉ haleme ekita꞉ ota꞉ hala꞉peke ya꞉la꞉ tupa꞉ make ota꞉ haka꞉ta꞉pake tupa꞉ make halememe. Ika꞉ hone lombei peake tupa꞉ta꞉

Loma꞉ 15:13

Mo hande ti lao haasa꞉ ekina꞉ teke hali Koda꞉ma꞉ta꞉ ikana꞉ma꞉ ipiki pa꞉ta꞉ hone tulaaseme ekina꞉ ta꞉na꞉ tiekema꞉ homelemeeki make puki lopa꞉niao halemeeki make iki pa꞉ta꞉ tumbao pitaeya꞉ka꞉na꞉ta꞉ epelieke. Kutupa ikana꞉ma꞉ ipikina꞉ ti lao hata꞉ hando haleme ekita꞉ mo Holi Sipitidina꞉ welema꞉ mea daeyatiki pina꞉ lea꞉ka꞉na꞉ta꞉ kota꞉ kotota꞉ epelieke.

Loma꞉ 10:2

Ikana꞉ma꞉ Koda꞉na꞉ hau puluekema꞉ hone wotu peleme ekita꞉ I̱ma꞉ handa alome. Kutu pitelemepateta꞉ ikana꞉ma꞉ Koda꞉na꞉ hau puluekema꞉ hone peleme ekita꞉ ota꞉eki hando hoeyaaso hata꞉ pitelememe.

Loma꞉ 9:3

I̱ma꞉ iki tamba꞉ mulueke alo hata꞉ pa Koda꞉ma꞉ I̱ hoeyaena꞉ laata꞉ Ketiso yaapo ta꞉ma꞉ni pea haloeki ka꞉taalu pea ta꞉ta꞉ halo polo pua꞉ka꞉na꞉ yoluta꞉ koto ana꞉ polu pia꞉me.

Luku 8:13

Mo toopi panka꞉ panka꞉ pa꞉la꞉ kenkena꞉ lopa꞉la꞉ wae ale manuta꞉ wanda꞉hali ma꞉nda꞉ma꞉ Koda꞉na꞉ pi opua ta꞉na꞉ma꞉ homolo hata꞉ mina꞉lemepate ota꞉ wopu na mendiki hosiki haota꞉ mo la handa꞉la꞉ ekimanu ipula꞉ dina꞉ta꞉ paa lopo halememe.

Ka꞉leisia 4:14

Koto hande ya lokena꞉ hoke yeni haya꞉ ekima꞉ iki ka꞉nda꞉ tieke peaeya꞉pate kone ikana꞉ma꞉ I̱ na kiao make na tolu limime. Koto hau na pikita꞉ ikana꞉ma꞉ I̱ta꞉ mo hande Koda꞉na꞉ enisolo leke handa꞉ mimime o pa Yesu Ketiso kone leke I̱ handa꞉ mimime.

Ka꞉leisia 4:16

Pate ameta꞉ I̱ma꞉ iki pa꞉ta꞉ mo ota꞉ pi la kitolo ekima꞉ta꞉ ika꞉ a꞉nda꞉ tunkuliki hali halope.