Ka꞉leisia 3:15 - Panake Pi La: Ula: Buka pita: Kine Pieke Buka

¹⁵ Kame tonuo. Ameta꞉ I̱ma꞉ mo hande nate paeyao pu haloma꞉ hau ma꞉nda꞉ minolome. Hali yaapoma꞉ hau ma꞉nda꞉ puluekema꞉ dupupana꞉e laa pi la꞉ witolo hata꞉ toopi mini pika꞉na꞉ta꞉ ipilika꞉ ipilika꞉ kone ma꞉nda꞉ma꞉ koto pi la꞉ witelepeeki tunkula make hau ma꞉nda꞉ na apa꞉taapeke yelieke.

Ka꞉leisia 3:15 Referans Kwoze

Hibulu 9:17

Kutu piliepate mo hande tameiya꞉ wape pa꞉la꞉ some pa haya꞉ka꞉na꞉ta꞉ kota꞉ mo wapena꞉ la꞉ ula꞉ pita꞉ a̱i̱ na yaalieke. Pate mo some ota꞉ homea꞉ka꞉na꞉ta꞉ kota꞉ mo ipika꞉ wapena꞉ laa la꞉ ula꞉ pita꞉ ota꞉ yaalieke.

Loma꞉ 6:19

Ika꞉ hone a̱i̱ na tikitiki yao wimi ekina꞉ I̱ma꞉ da wanda꞉halima꞉ lo haleme tupa꞉ alome. Amba꞉ ikita꞉ hoke hoke haumanu paeyao puluekema꞉ pa hameke e pokaaseme wanda꞉hali leke hata꞉ suseke haasa꞉ haumanu make hoke haumanu make ika꞉ hone wia wenoko tikitikina꞉ mea wia hata꞉ pu haemekeme. Koto tupa꞉ kone ame ikita꞉ yakopiki haumanu puluekema꞉ yeke koto hauna꞉ e pa hameke pokaaseme wanda꞉hali leke hata꞉ tikitiki haumanu ika꞉ hone wia wenoko tikitikina꞉ mea wia hata꞉ pu hapa꞉peke ya꞉la꞉me.

Loma꞉ 3:5

Koto pa꞉la꞉pate mandane haliwekima꞉ alota꞉ Hoke hau puma꞉ka꞉na꞉ta꞉ wanda꞉halima꞉ Koda꞉ma꞉ tikitiki hau pita꞉la꞉eki wotu handilimikie alemepate koto aleme pi hombo peaasota꞉ eki lomana꞉pe. Mo kenke haliwekima꞉ lo haleme tupa꞉ Koda꞉ma꞉ niki panisi kia꞉ka꞉na꞉ta꞉ hokeeki pitolo pita꞉la꞉me laa lomana꞉pe.

1 Kotindi 15:32

I̱ma꞉ do Epesese da pa꞉ta꞉ hata꞉ mandane sayalemanu pa꞉ta꞉ a꞉nda꞉ piki nono pua꞉ ekima꞉ta꞉ kota꞉ koto pua꞉ ekima꞉ta꞉ I̱ ekipa tamba꞉ miliepe. Pate amba꞉ homemeke wanda꞉hali paa mea tiaapeke na yea꞉ka꞉na꞉ta꞉ kota꞉ mo Belia tuneke homolo poloma꞉ ekina꞉ta꞉ kota꞉ ame ne ikali naa keamana꞉ pipe laa lo haleme ekina꞉ niki make lapeke ya꞉la꞉me.

Aposolo 1:15

Yeni pu pitaata꞉ pa hosiki hao hao peaata꞉ mo Ketisona꞉ pi mina꞉la꞉ wanda꞉halima꞉ pi hotuluekema꞉ mombelemekeme. Iki paeyaota꞉ 120 wanda꞉hali tupa꞉ momba꞉la pitina꞉ Pidama꞉ pi loluekema꞉ tiaeyekeme.

Loma꞉ 1:13

Yaka kame titio doeki hone wia꞉pa꞉peke. I̱ta꞉ iki ame̱le̱ hosiki halo ipuluekema꞉ hoto elekeeleke pua꞉pate ale ma꞉nda꞉ma꞉ yaka pota꞉ sa꞉sa꞉ pu hala꞉me. Iki ame̱le̱ haleme mandane wanda꞉halima꞉ pi mina꞉ puki la꞉ka꞉laluekema꞉ mo mandane Diendaili wanda꞉hali pa꞉ta꞉ pua꞉ tupa꞉ puluekema꞉ I̱ma꞉ hone pa꞉la꞉me.

Ka꞉leisia 6:18

Mo nika꞉ Tekehali Yesu Ketisona꞉ pa hameke a꞉ta꞉ma꞉ homa꞉la꞉ ekina꞉ iki ya kametonu paeyao ame̱le̱ hao haena꞉e. Kutu pina꞉e.

Hibulu 6:13

Mo hande Eipoloha꞉ma꞉ pa꞉ta꞉ pi la꞉ wieke dina꞉ hali ma꞉nda꞉ta꞉ ota꞉ manda hala꞉ hali ma꞉nda꞉ ota꞉ dia꞉ yeke handaata꞉ Koda꞉ma꞉ ipika꞉ biki kone laa ota꞉ pi alo loa꞉me laa pi la꞉ wiekeme.

Hibulu 6:16

Hali homeke ma꞉nda꞉ma꞉ ota꞉ pi loluekema꞉ta꞉ kota꞉ ota꞉ mo paeyaona꞉ bikimanu tombuao ota꞉ manda hala꞉ biki ula꞉ halina꞉ biki laa la꞉ wita꞉la꞉ pi lea꞉ka꞉na꞉ta꞉ kota꞉ koto pima꞉ta꞉ mo pi yoka꞉ alualu piki pi aleme ekimanu pa tunkulalieke.