Ka꞉leisia 1:14 - Panake Pi La: Ula: Buka pita: Kine Pieke Buka

¹⁴ I̱ma꞉ mo hande Diu wanda꞉halina꞉ haumanu muluekema꞉ta꞉ ya mandake daeyoma꞉ Diu wekitonu bepolao lombei pitolo hata꞉ nika꞉ atekena꞉ atekena꞉ mana꞉ pimanu hone ota꞉ wopu ua꞉me.

Ka꞉leisia 1:14 Referans Kwoze

Kolosi 2:8

Wopu handa꞉pa꞉peke. Ma꞉nda꞉ma꞉ do kenke halina꞉ napeke na wiki makeaasa꞉ hone lenkena꞉ pea wita꞉la꞉ hau manuma꞉ iki na handeteke haena꞉ lapa꞉peke. Do hau manuta꞉ Ketiso pa꞉ta꞉ yama꞉ na a꞉pa꞉la꞉pate pa mo apa꞉meina꞉ loma꞉loma꞉ pa꞉la꞉ pimanu make do kenkena꞉ teke na wiki mana꞉ pimanu pa꞉ta꞉ yama꞉ a꞉pa꞉la꞉me.

Aposolo 26:5

I̱ta꞉ hande Pa꞉tisi tapake haowa꞉ ekita꞉ mo haliwekima꞉ amba꞉ kone handata꞉ neke pa꞉ta꞉ lapeke ya꞉la꞉me lea꞉me.

1 Pida 1:8

Ipikita꞉ lekema꞉ na handemepate kone ipiki pa꞉ta꞉ ikana꞉ma꞉ pukima꞉ homelememe. Ameta꞉ ipiki lekema꞉ na handelemepate kone ikana꞉ma꞉ ipiki pa꞉ta꞉ hone tulao halememe. Ika꞉ temokona꞉ pa꞉ta꞉ la꞉la꞉ ekina꞉ muluekema꞉ hone tulaememe. Kutupa ameta꞉ minelemeke handa ikana꞉ma꞉ ta꞉na꞉ma꞉ homa꞉la꞉eki paeyao lombei pu pa pua ota꞉ pima꞉ make lapeke na yeke ta꞉na꞉ homo halememe.

Aposolo 22:3

I̱ta꞉ Diu hali mo hande Silisia nane hala꞉ da Tasa꞉si da pa꞉ta꞉ I̱ mendiekepate do daoni tukiki pa꞉ta꞉ daeya polome. Kutupa Kamalielena꞉ sukulu da pita nika꞉ apa꞉ amedana꞉ Lo haumanu sukulu wotu peaka꞉na꞉ ikana꞉ma꞉ Koda꞉ pa꞉ta꞉ ame hone wotu witeleme tupa꞉ I̱ma꞉ make hone u halome.

Ma꞉tiu 15:6

ikana꞉ma꞉ta꞉ koto halima꞉ ipika꞉ apa꞉ ama꞉ta꞉ tamba꞉ mia꞉peke laa la꞉ ula꞉ pi pea꞉peke ekita꞉ Pina꞉ma꞉ pea꞉peke na ya꞉ka꞉ta꞉me laa lo halememe. Kutupa koto piteme hau manuta꞉ kota꞉ ikana꞉ma꞉ ika꞉ waleme pimanu kone teli mea pu haluekema꞉ yeke Koda꞉na꞉ pi ula꞉ ekimanu hoki walo halememe.

Aposolo 26:9

Mo hande Na꞉sa꞉tete hali Yesuna꞉ bikina꞉ pita꞉la꞉ ekimanu sa꞉sa꞉ puluekema꞉ I̱ma꞉ta꞉ hau ma꞉nda꞉ wotu puluekema꞉ hone wopu wiaata꞉

Aposolo 21:20

Kutupa mo haliwekima꞉ kotoeki opuaata꞉ Koda꞉na꞉ pi laememe. Kutupa ipiki pa꞉ta꞉ alota꞉ Kameo. Hande Diu haliweki paeyaoma꞉ pi mimiki ekita꞉ handeleme. Paeyaoma꞉ hande Lo Pimanu opuluekema꞉ hone wotu witelemepate