Epesese 6:1 - Panake Pi La: Ula: Buka pita: Kine Pieke Buka

¹ Weki wandikio. Tekehalima꞉ waleeke handa ika꞉ apa꞉ ama꞉ yaapona꞉ pi na tunkuliki opua꞉tiki pea꞉pa꞉peke. Kutu pimika꞉na꞉ta꞉ tikitiki hau pu halimikie.

Epesese 6:1 Referans Kwoze

1 Timodi 5:4

Pate ipika꞉ wekiwandiki o eiyeke wanekena꞉ wekiwandiki haya꞉ka꞉na꞉ta꞉ kota꞉ ikana꞉ma꞉ amba꞉la ika꞉ koke wanda꞉ handeteke hasa꞉ hau pea꞉pa꞉peke ya꞉la꞉me. Kutu piki hau pimika꞉na꞉ta꞉ kota꞉ mo hande ateke inkiki make aeyeke meiyekema꞉ iki pa꞉ta꞉ pimi ekimanu hombo peaasememe. Koto hauma꞉ta꞉ Koda꞉ ta꞉na꞉ma꞉ homaasa꞉me.

Loma꞉ 12:2

Ikana꞉ma꞉ta꞉ pa kenke wanda꞉halima꞉ pu haleme ekimanu tonka꞉na꞉ apa꞉tao puluekema꞉ hone na wia꞉pa꞉peke. Koto pa꞉la꞉pate Koda꞉ma꞉ ika꞉ hone topo pea wiaaso ika꞉ puki make la꞉ka꞉laena꞉ lapa꞉peke. Ipikana꞉ma꞉ kutu pia꞉ka꞉na꞉ta꞉ kota꞉ ikana꞉ma꞉ Koda꞉na꞉ hone pa꞉la꞉ ekita꞉ handilimikie. Kutu pita꞉la꞉ ekita꞉ epekeeki make Koda꞉ ta꞉na꞉ma꞉ homaasa꞉eki make eki a꞉nda꞉ na piki ota꞉ seliapo pea ula꞉eki make pita꞉la꞉me.

Loma꞉ 7:12

Koto ekina꞉ mo hande Lo Pi manuta꞉ yakopiki hau pa꞉la꞉ pimanue. Kutupa hande pi ula꞉eki ta꞉ta꞉ ta꞉ta꞉ piki ekita꞉ kotoeki make yako pikieki make tikitiki pikieki make epekeeki make ula꞉me.

Luku 2:51

Kutupata꞉ Yesuta꞉ ipika꞉ apa꞉ ama꞉ yaapona꞉ pi opua Na꞉sa꞉tete nane mandakena꞉ pemekeme. Kutupa ipika꞉ apa꞉ ama꞉ yaapona꞉ pi nate paeyao opua homu pea hayekeme. Kutu piekepate ipika꞉ ama꞉ma꞉ta꞉ mo hande lemeke pimanu paeyaota꞉ hone na yonka꞉lake hone pa wia hayekeme.

1 Pida 2:13

Ika꞉ Tekehali pa꞉ta꞉ hone witolo hata꞉ Kapomanina꞉ pi ula꞉eki paeyao opua homu pea hata꞉ mo Kini you hali haya꞉ka꞉na꞉ta꞉ ipiki pa꞉ta꞉ make

Kini Pieke 28:7

Kutupa make Dieikopema꞉ta꞉ ipika꞉ apa꞉ ama꞉ yaapona꞉ pi opua Mesopoteimia nane amba꞉ peekeeki opiekeme.

1 Kotindi 15:58

Koto ekina꞉ ota꞉ ya kametonuo. Da̱o̱la hata꞉ taka꞉lao hapa꞉peke. Tekehalina꞉ e pokaaseme ekita꞉ nate wotu pokaatiki pu hapa꞉peke. Pa ekipeke mo Tekehalina꞉ e pokaaseme ekita꞉ ota꞉ homekesiki kone na alupea꞉peke ya꞉leke handa loa꞉me.

Loma꞉ 16:2

Koda꞉na꞉ wanda꞉halima꞉ta꞉ ika꞉ ika꞉ kone handa꞉ mu alualu pulu peleme tupa꞉ ikana꞉ma꞉ Tekehalina꞉ bikina꞉ ipiki handa꞉ meata꞉ kutupa ipikana꞉ma꞉ eki hau puluekema꞉ hone wia꞉ka꞉na꞉ta꞉ ikana꞉ma꞉ ipiki tamba꞉ mea꞉pa꞉peke. Ipikita꞉ wanda꞉hali wopu pa꞉ta꞉ make I̱ pa꞉ta꞉ make homu pea hata꞉ nika꞉ yankeke haya꞉ ekina꞉ loa꞉me.

Kini Pieke 37:13

Dieikopema꞉ Diosepe pa꞉ta꞉ alota꞉ Yaka ta꞉na꞉ pa꞉la꞉ ekita꞉ neketa꞉ oni naka꞉ kame tonuma꞉ mo ma꞉na꞉manu handeteke haleme alena꞉ Sekeme nane poelena꞉e leekeme. Koto leeke Diosepema꞉ alota꞉ I̱ta꞉ poluekema꞉ tikitiki yalome leekeme.

Kini Pieke 48:12

Kutupa Diosepema꞉ mo weki yaapo Dieikopena꞉ palekena꞉ pitipi alena꞉ mea Dieikope pitia꞉ alena꞉ panda꞉ puniaeyekeme.

Kini Pieke 50:12

Koto ekina꞉ mo Dieikopena꞉ eiyeke tonuma꞉ta꞉ atekema꞉ pia꞉pa꞉peke leekeeki kone pimikime.