Epesese 5:1 - Panake Pi La: Ula: Buka pita: Kine Pieke Buka

¹ Koto ekina꞉ ikita꞉ Koda꞉ ipika꞉ hone pa꞉la꞉ weki wandiki kone hata꞉ Koda꞉na꞉ pita꞉la꞉ hau kone pea꞉pa꞉peke.

Epesese 5:1 Referans Kwoze

1 Dioni 4:11

Yaka ta꞉ma꞉ni tonuo. Koda꞉ma꞉ nikita꞉ koto tupa꞉ pukima꞉ homo haya꞉ka꞉na꞉ta꞉ kota꞉ nikana꞉ma꞉ make ma꞉nda꞉ ma꞉nda꞉ pa꞉ta꞉ pukima꞉ homa꞉ alualu pu hapa꞉peke aleo.

Epesese 4:32

iki paeyao homu pea hata꞉ ika꞉ kone pukima꞉ homa꞉ alu alu peata꞉ Koda꞉ma꞉ta꞉ Ketisoma꞉ peaala꞉ ekina꞉ hone witolo hata꞉ ika꞉ hoke haumanu pa paeyaala꞉ ekina꞉ ikana꞉ma꞉ make ika꞉eki kone pa peaa alu alu pea꞉pa꞉peke.

Ma꞉tiu 5:48

Ikana꞉ma꞉ ika꞉ hepeni hala꞉ Apa꞉ta꞉ ota꞉ tondepe wopu pea hala꞉ tupa꞉ iki make tondepe pea hao hapa꞉peke ya꞉la꞉me.

Kolosi 3:12

Ikita꞉ Koda꞉na꞉ wanda꞉halie. Iki pa꞉ta꞉ pukima꞉ homolo hata꞉ ipika꞉eki hamina꞉ ma̱leke lila꞉me. Koto ekina꞉ta꞉ ikana꞉ma꞉ta꞉ dupiki hau manuta꞉ dau leke yama꞉pa꞉peke. Pukima꞉ a꞉ta꞉ma꞉ homa꞉la꞉eki make yankeke pa꞉ta꞉ a꞉ta꞉ma꞉ homolo tamba꞉ mina꞉la꞉eki make kimelema꞉ homa꞉la꞉eki make homu pea hala꞉eki make homu pea yu wia hala꞉eki paeyaoma꞉ loa꞉me.

Dioni 1:12

Kutu pimikipate mandane wanda꞉halima꞉ta꞉ ipiki handa꞉ meata꞉ ipiki pa꞉ta꞉ hone tulao hatiki pimikime. Kutu pimiki handaata꞉ koto wanda꞉halita꞉ Koda꞉na꞉ weki wandiki haena꞉ leekeme.

Ma꞉tiu 5:45

Kutu pimika꞉na꞉ta꞉ kota꞉ ikita꞉ ika꞉ hepeni hala꞉ Apa꞉na꞉ eiyeke tonu halimikie. Pa ekipeke. Ipikana꞉ma꞉ ipika꞉ natena꞉ pa̱a̱ta꞉ mo hoke wanda꞉hali epeke wanda꞉hali paeyao pa꞉ta꞉ mandake piki nate pa̱a̱ kone peaasa꞉me. Koto tupa꞉ kone mo epeke hau pu haleme wanda꞉hali hoke hau pu haleme wanda꞉hali pa꞉ta꞉ ipikana꞉ma꞉ lako iki paeyao mandake tupa꞉ kone ana꞉na꞉ halo hala꞉me.