Epesese 2:2 - Panake Pi La: Ula: Buka pita: Kine Pieke Buka

² Koto pita꞉ta꞉ ikana꞉ma꞉ do kenkena꞉ hoke hau pita꞉la꞉eki telia꞉ mea pu haota꞉ ya nane haleme wele pita꞉la꞉ temoko manuna꞉ teke halina꞉ pi opu haemekeme. Koto temokoma꞉ta꞉ Koda꞉na꞉ pi na opu haleme wanda꞉halita꞉ ipikana꞉ma꞉ handeteke hala꞉me.

Epesese 2:2 Referans Kwoze

Epesese 6:12

Do ekina꞉yeke loa꞉me. Nikana꞉ma꞉ kenke haliweki pa꞉ta꞉ a꞉nda꞉ na litoloma꞉pate oli ya nanema꞉ haleme hoke temokomanu ame̱le̱ make do timba꞉ lo pamba꞉la꞉ ekina꞉ you hali ame̱le̱ make teke hali pa꞉ta꞉manu make mo wele pita꞉la꞉eki pa꞉ta꞉manu make a꞉nda꞉ litoloma꞉me.

1 Dioni 5:19

Do kenketa꞉ mo Hoke Temokoma꞉ kilu tombuao hala꞉pate pa nikita꞉ Koda꞉na꞉eki haloma꞉me laa hone uluma꞉me.

Epesese 2:3

Amba꞉ta꞉ niki make kutupiki wanda꞉hali hao hata꞉ta꞉ nika꞉ hone pieke ekimanu putia pulu hata꞉ nika꞉ lokema꞉ hone pieke make nika꞉ hone wia puma꞉eki make pu haoma꞉me. Koto hau pu haleme wanda꞉hali pa꞉ta꞉ Koda꞉ma꞉ hoke yenki hala꞉peke ya꞉la꞉ tupa꞉ niki pa꞉ta꞉ make kia꞉peke yolo pia꞉me.

Dioni 12:31

Ameta꞉ do kenke wanda꞉halina꞉ pi yokaalu pulu pa꞉la꞉ di ipula꞉me. Ameta꞉ do kenkena꞉ tumiki hala꞉ halita꞉ yoka mea lopaalieke.

Epesese 5:6

Ma꞉nda꞉ma꞉ hone na wiki pimanu alo hata꞉ iki makeaapa꞉na꞉ wotu handeteke hapa꞉peke. Koda꞉na꞉ pi na opitolo hata꞉ hande hoke haumanu pu haleme wanda꞉hali pa꞉ta꞉ Koda꞉ ipika꞉ mineke panka꞉la꞉eki mo wanda꞉hali pa꞉ta꞉ yapilieke.

Dioni 8:44

Ikita꞉ ika꞉ apa꞉ Sadanina꞉ eiyeke titi halememe. Koto peleme ekina꞉ ika꞉ apa꞉na꞉ hone pa꞉la꞉ ekimanu puluekema꞉ pitelememe. Titi panake pa꞉ta꞉ kone ipikita꞉ hali lita꞉la꞉ hali hayekeme. Ipiki pa꞉ta꞉ ota꞉ hau pita꞉la꞉eki ma꞉nda꞉ na ula꞉ ekina꞉ ipikana꞉ma꞉ ota꞉ hau pea꞉peke na ya꞉la꞉me. Yayapiki pi lea꞉ka꞉na꞉ta꞉ ipika꞉ pita꞉la꞉eki kone ala꞉me. Ipikana꞉ma꞉ yayapiki pi lo hala꞉ ekina꞉ make ipikita꞉ yayapiki pi ala꞉ teke hali hala꞉ ekina꞉ make loa꞉me.

Epesese 4:22

Do ota꞉eki manuta꞉ dupae. Ika꞉ amba꞉ hata꞉ pimi hau teketa꞉ ota꞉ baapa꞉peke. Koto ekima꞉ta꞉ iki hao hoeyaaso hata꞉ mo hande amba꞉ hau teketa꞉ ipika꞉ makeaasa꞉ hone pa꞉la꞉ haumanu pu tiaaso hata꞉ ipiki kone hao hoeyaaso make iki make hao hoeyaatiki piekeme.

1 Kotindi 6:11

Iki pa꞉ta꞉ mandane wanda꞉halita꞉ kutupiki wanda꞉hali haemepate pa Koda꞉ma꞉ ika꞉ hoke haumanu tanda꞉ pea haena꞉ yeke handa ameta꞉ wamo pea halememe. Ameta꞉ Koda꞉ma꞉ iki talopu mea hamina꞉ la꞉la꞉me. Kutupa ame ikita꞉ Koda꞉ pa꞉ta꞉ tikitiki yao hamina꞉ la꞉la꞉me. Kutupiki hauta꞉ mo Tekehali Yesu Ketiso pita꞉ nika꞉ Koda꞉na꞉ Sipitidi yaapoma꞉ peaala꞉me.

2 Kotindi 4:4

Ikana꞉ma꞉ hone na tulaasememe. Pa ekipeke do kenkena꞉ hoke koda꞉ma꞉ta꞉ ika꞉ hone manuta꞉ timba꞉ la꞉ pambaena꞉ hala꞉me. Ipikana꞉ma꞉ta꞉ mo ikina꞉ pa̱a̱ peaapeke pa̱a̱ta꞉ handaama꞉na꞉ yeke sa꞉sa꞉ pita꞉la꞉me. Mo Ketiso ota꞉ Koda꞉ma꞉ handeke halina꞉ pa̱a̱na꞉ mo Pi Seliapo pa꞉ta꞉ yama꞉ ipula꞉eki handaama꞉na꞉ yeke pita꞉la꞉me.

1 Dioni 5:4

Paa ekipeke Koda꞉na꞉ wekiwandiki paeyaoma꞉ta꞉ do kenke hauta꞉ ota꞉ ana꞉na꞉ bepolapeke ya꞉la꞉me. Kutupa nika꞉ hone tulaaloma꞉ ekima꞉ta꞉ do kenkena꞉ hau bepolatia pu haloma꞉me.

1 Dioni 3:10

Mo Koda꞉na꞉ wekiwandiki pita꞉ mo Hoke Temokona꞉ wekiwandiki yaapo ata꞉ka꞉ tieke pa꞉la꞉ ekita꞉ dupae. Ma꞉nda꞉ epima꞉ mo ota꞉ hau na pu o ipika꞉ yankeke pukima꞉ na homo pia꞉ka꞉na꞉ta꞉ ipikita꞉ Koda꞉na꞉ weki na hala꞉me.

1 Pida 1:14

Koda꞉na꞉ pi opua pu hapa꞉peke. Kutupa iki mateya꞉ di nina꞉ hone tiaemeeki manuma꞉ ameta꞉ ika꞉ halemeeki na handeteke haena꞉ lapa꞉peke.

Peneme Yaeyekeeki 20:2

Ipikana꞉ma꞉ta꞉ mo hande popake itiki hake sita꞉ hande ambisanake hao haya꞉ keto kotota꞉ hande Depolo o Sadani la꞉la꞉ aleta꞉ mina 1 daoseni bapi manuna꞉ senima꞉ tonkaeya꞉me.

1 Dioni 4:4

Pate yaka wekiwandikio. Ikita꞉ Koda꞉na꞉ ekie. Kutupa mo makeaaso potopede manuta꞉ amba꞉ bepolalememe. Pa ekipeke mo iki pa꞉ta꞉ pila꞉ Sipitidita꞉ do kenkena꞉ wanda꞉hali tukiki pa꞉ta꞉ pila꞉ sipitidi tupa꞉ dia꞉me. Iki pa꞉ta꞉ pila꞉ Sipitidita꞉ wele wopu pikieki pileke loa꞉me.

1 Pida 4:3

Amba꞉ta꞉ ikana꞉ma꞉ mo pi na miki wanda꞉halima꞉ ika꞉ hone pa꞉la꞉ hau pu haleme hau pimime. Koto hauna꞉ta꞉ nate ana꞉na꞉ paeyaememe. Mo yola꞉la꞉ hau pita꞉la꞉eki make leke pola꞉paasa꞉eki make hoke ikali naa keaasa꞉eki make (ne hoke ikali tieke pamba naa keao) siaka꞉ hake hau pita꞉la꞉eki make mo yeni hau pita꞉la꞉ alemanu pa꞉ta꞉ handa꞉peke na yo moka꞉laapeke na yo piki yeni hau pita꞉la꞉eki make koto hau manuna꞉ ika꞉ nate paeyaememe.

Kolosi 1:21

Amba꞉ a꞉nda꞉ta꞉ ika꞉ pimi hoke hau manuma꞉ make wimi hoke hone manuma꞉ make ikita꞉ Koda꞉ teke pa꞉ta꞉ na hake ipika꞉ a꞉nda꞉ tunkuliki wanda꞉hali haememe.

Ka꞉leisia 1:4

Ketisoma꞉ nika꞉ Apa꞉ Koda꞉na꞉ hone pa꞉la꞉ ekina꞉ ipika꞉ kakena꞉ homolo hata꞉ nika꞉ hoke hauna꞉ yenkita꞉ ipika꞉ lokema꞉ mina꞉ homeekeme. Kutu pieke ekita꞉ do hoke natena꞉ haloma꞉eki pa꞉ta꞉ niki peteluekema꞉ piekeme.

Loma꞉ 12:2

Ikana꞉ma꞉ta꞉ pa kenke wanda꞉halima꞉ pu haleme ekimanu tonka꞉na꞉ apa꞉tao puluekema꞉ hone na wia꞉pa꞉peke. Koto pa꞉la꞉pate Koda꞉ma꞉ ika꞉ hone topo pea wiaaso ika꞉ puki make la꞉ka꞉laena꞉ lapa꞉peke. Ipikana꞉ma꞉ kutu pia꞉ka꞉na꞉ta꞉ kota꞉ ikana꞉ma꞉ Koda꞉na꞉ hone pa꞉la꞉ ekita꞉ handilimikie. Kutu pita꞉la꞉ ekita꞉ epekeeki make Koda꞉ ta꞉na꞉ma꞉ homaasa꞉eki make eki a꞉nda꞉ na piki ota꞉ seliapo pea ula꞉eki make pita꞉la꞉me.

Dia꞉mesi 4:4

Ikita꞉ pi tunkuleleme wanda꞉halio. Do ekita꞉ ikana꞉ma꞉ hone na witelemepe. Hali epima꞉ do kenke hau puluekema꞉ hone pia꞉ka꞉na꞉ta꞉ koto halita꞉ Koda꞉ ipika꞉ a꞉nda꞉ tunkiliki hali hala꞉me. Koto tupa꞉ make hali epima꞉ do kenke hauna꞉ yankeke haluekema꞉ hone pia꞉ka꞉na꞉ta꞉ koto halita꞉ ipika꞉ kone Koda꞉na꞉ a꞉nda꞉ tunkiliki hali haluekema꞉ pita꞉la꞉me.

1 Kotindi 5:10

Koto loa꞉ ekita꞉ hande pi na miki hata꞉ tooli ka꞉taaseme wanda꞉hali make o mo pi ula꞉ ekimanu yambeleme wanda꞉hali make o toopi tima꞉ wepia ula꞉ ale pa꞉ta꞉ panda꞉ puniaaseme wanda꞉hali make hande pita꞉ koto wanda꞉hali pa꞉ta꞉ na loa꞉me. Koto wanda꞉hali ame̱le̱ na haluekema꞉ yeke ikana꞉ma꞉ do kenke a̱i̱ mina꞉pa꞉lapeke ya꞉la꞉me.

Aposolo 5:3

Kutu piekepate Pidama꞉ alota꞉ A꞉na꞉naisio. Ekipeke Holi Sipitidi pa꞉ta꞉ yayapiki pi alepe leekeme. Sadani naka꞉ you pa꞉ta꞉ a꞉pa pita꞉ka꞉na꞉ mo naka꞉ kenkena꞉ mele manita꞉ pa ekipeke mandaneeki panka꞉ wina꞉ laa pipe leekeme.

Dioni 15:19

Ikita꞉ do kenke hau pu haleme wanda꞉hali ame̱le̱ ta꞉ma꞉ni pea haemeka꞉na꞉ yoluta꞉ mo wanda꞉halima꞉ Nika꞉ tapakee laa iki pa꞉ta꞉ ta꞉na꞉ma꞉ homolo pimime. Kutu pulu pimipate I̱ma꞉ iki talopu mea hamina꞉ lolo ekima꞉ta꞉ ikita꞉ mo kenkena꞉ hau pu haleme wanda꞉hali ame̱le̱ na halememe. Koto peleme ekina꞉ iki pa꞉ta꞉ a꞉nda꞉ litelememe.

Dioni 14:30

Do kenkena꞉ you hali epolo pa꞉la꞉ ekina꞉ I̱ma꞉ta꞉ iki pa꞉ta꞉ pi wotu na lolueke. Ipikana꞉ma꞉ta꞉ I̱ pa꞉ta꞉ hau ma꞉nda꞉ pea꞉peke na ya꞉la꞉pate

2 Pida 2:14

Ikita꞉ wanda꞉na꞉ leke titolo hata꞉ hoke hauta꞉ ota꞉ na pao halememe. Ikana꞉ma꞉ mo damako piki wanda꞉halita꞉ hona꞉ pa꞉ta꞉ mea teao halememe. Ika꞉ta꞉ pasa꞉tei pita꞉la꞉ hau puluekema꞉ amba꞉ moka꞉la handa wilimime. Ikita꞉ Koda꞉na꞉ mineke panka꞉la꞉eki oto pa꞉ta꞉ hala꞉ tapake au laa halememe.

Dioni 16:11

Mo pi yokaalu pita꞉la꞉eki pa꞉ta꞉ hone u hoeyaasa꞉ ekita꞉ do kenkena꞉ hala꞉ you halita꞉ pi yokaalu peata꞉ oto pa꞉ta꞉ yaala꞉ ekina꞉ loa꞉me.

Dioni 13:27

Diudasima꞉ hande palaowa mieke pita꞉ kone Sadanita꞉ ipiki tukiki pa꞉ta꞉ pitulu epeekeme. Yesuma꞉ ipiki pa꞉ta꞉ alota꞉ Naka꞉ pulu peleeki a̱i̱ pua pea꞉peke leekeme.

Dioni 13:2

Welealo nane Yesu ipika꞉ disaipolo haliweki ame̱le̱ ne no pitimikime. Isekatioti hali Saimonona꞉ eiyeke Diudasima꞉ta꞉ Yesu mina꞉yeke a꞉nda꞉ lombolo pieke honeta꞉ ipiki pa꞉ta꞉ Sadanima꞉ amba꞉ mea wiaeyekeme.

Dioni 8:23

Yesuma꞉ ika꞉ pi hombo peaaso alota꞉ Ikita꞉ do oto pa꞉ta꞉ haleme haliweki halemepate I̱ta꞉ manda hao epoa꞉me. Ikita꞉ do kenkena꞉ hao haleme haliweki halemepate I̱ta꞉ koto tupa꞉ dia꞉me.

Dioni 7:7

Kenke wanda꞉hali paeyaoma꞉ iki pa꞉ta꞉ ota꞉ ki hone wia꞉peke na ya꞉la꞉pate I̱ma꞉ ika꞉ piteleme haumanu hoke ekie laa lo halo ekina꞉ I̱ pa꞉ta꞉ ki hone witelememe.

Ma꞉tiu 13:38

Kutupa mo e tupa꞉ta꞉ do kenkee. Mo epeke waemanu tupa꞉ta꞉ mo Koda꞉na꞉ Kilu Tombuao Hala꞉ pa꞉ta꞉ haleme wanda꞉halie. Mo hande hoke ambumanu tupa꞉ta꞉ mo hoke Sadanina꞉ wanda꞉halie.

Peneme Yaeyekeeki 13:8

Do kenkena꞉ hala꞉ wanda꞉hali paeyaoma꞉ta꞉ mo sayale pa꞉ta꞉ panda꞉puniao yeiya꞉ laaso hata꞉ yeni pilimikie. Pate do kenke a̱i̱ na wepiki haena꞉ kone ika꞉ biki manuta꞉ mo deto hala꞉ wanda꞉halina꞉ biki ula꞉ bukana꞉ laala꞉ wanda꞉hali homeke homekema꞉ kotoeki na pilimikie. Koto biki ula꞉ bukata꞉ hande limiki Sipisipi Ma꞉na꞉ Ikikina꞉ bukae.

1 Dioni 3:8

Pate ma꞉nda꞉ epima꞉ hoke hau pa putia pea꞉ka꞉na꞉ta꞉ koto someta꞉ mo Hoke Temokona꞉eki hala꞉me. Pa ekipeke mo Hoke Temokoma꞉ta꞉ kini pitolo kone hoke hau pa꞉leke loa꞉me. Mo Koda꞉na꞉ Eiyeke opolo a꞉pa꞉la꞉ ekita꞉ ota꞉ doeki tekena꞉ pa꞉la꞉me. Mo Hoke Temokoma꞉ pa꞉la꞉eki hoeyaaluekema꞉ pa꞉la꞉me.

Dia꞉mesi 1:7

Kutu piki halita꞉ hone ti yokolo hata꞉ da̱o̱la na hake Tekehali pa꞉ta꞉ honke lea꞉ka꞉na꞉ta꞉ aleta꞉ ma꞉nda꞉ mea꞉peke na yelieke.

2 Timodi 4:10

Dimasita꞉ do kenkena꞉ hauna꞉ hone wopu pieke ekima꞉ I̱ na leeke mina꞉pa꞉lao mo Desalonaika da nane pua hala꞉me. Ketesinisita꞉ Ka꞉leisia kenke nane pua hala꞉me. Taitasita꞉ mo Da꞉lemeisia kenke nane pua hala꞉me.

Aposolo 19:35

Kutupa mo daoni kusikusi halima꞉ mo wanda꞉hali paeyao homu peaoka꞉na꞉ alota꞉ Epesese haliwekio. Hande ya nanema꞉ lopa꞉niaeyeke toopi ta꞉ta꞉ mo hande Atemisi tiekena꞉ yeni hau pita꞉la꞉ da Epesese daoni pa꞉ta꞉ hala꞉ ekita꞉ hali epima꞉ na opa꞉la꞉pe leekeme.

Luku 22:31

Saimono Saimonoo. Opie. Sadanima꞉ iki la handena꞉ yeke waleke hala꞉la꞉me. Kutupa mo hande e poko hala꞉ halima꞉ widi napeke yata꞉pa ambuku wina꞉ ala꞉ tupa꞉ ika꞉ pilimi hau manuma꞉ kone hokeeki o epekeeki make teli pealieke.

Luku 16:8

Kutu pieke handa wetepena꞉ mo hande you hali tiekema꞉ mo hande e handeteke hayeke halima꞉ta꞉ hone wotu wiki halina꞉ hau tupa꞉ pieke ekina꞉ta꞉ ipika꞉ biki anekema꞉ mina꞉liaeyekeme. Pa ekipeke. Do kenkena꞉ hau pu haleme wanda꞉halita꞉ ika꞉ e pokuluekema꞉ta꞉ hone wotu wia pokolo hata꞉ta꞉ mo pa̱a̱ piki hau pu haleme wanda꞉halita꞉ lu ankulao halememe leekeme.

Ma꞉tiu 11:19

Pate Wanda꞉halina꞉ Eiyeke a꞉pa ikali ne yaapo no hayeke ekita꞉ koto wanda꞉halima꞉ kone handolo alota꞉ Do hali handa꞉pe. Ipikita꞉ ikali ne wopu no hake some ya꞉ka꞉ta꞉me. Kutupa ipikita꞉ mo hande dakisi mu make hoke hau pu haleme haliweki ame̱le̱ apa꞉taala꞉me lemekeme. Kota꞉ mo hone wiki hauma꞉ta꞉ ipika꞉ pu hala꞉eki manuma꞉ ipika꞉ honeta꞉ ota꞉ epeke hone o hoke hone laa pa peneme yaasa꞉me.

Peneme Yaeyekeeki 16:17

Kutupa mo watake peao enisoloma꞉ ipika꞉ kawasota꞉ oli ya pa꞉ta꞉ holaeya꞉me. Oni mo tembolo pa꞉ta꞉ yama꞉ aneke pi ho̱la̱꞉make alota꞉ Ameta꞉ koto paela꞉ handa꞉e lea꞉me.

Peneme Yaeyekeeki 13:14

Kutupa ipikana꞉ma꞉ mo titina꞉ sayalena꞉ hau peaaso hata꞉ ipika꞉ leke popelekena꞉ hata꞉ mokoto na handeke haumanu pia꞉eki manuma꞉ta꞉ do kenke wanda꞉hali paeyao makeaaso hata꞉ yola꞉ mea pea꞉me. Ipikana꞉ma꞉ wanda꞉halima꞉ mo hande bainasima꞉ hoeyaeya꞉pate pa tiao hala꞉ titina꞉ sayale yeiya꞉ laaluekema꞉ koto ekima꞉ handekeeki ma꞉nda꞉ wepia꞉pe lea꞉me.

Peneme Yaeyekeeki 12:9

Mo popake itiki hake si tieke hombeleketa꞉ tolu lopaeya꞉me. Ipikita꞉ mo hande amba꞉ kiake hayeke keto biki Sadani la꞉la꞉ alee. Ipikana꞉ma꞉ta꞉ mo kenke wanda꞉hali paeyao makeaeyeke halie. Ipikita꞉ ipika꞉ enisolo titi ame̱le̱ oni kenkena꞉ tolu lopaeya꞉me.

Ma꞉tiu 13:22

Kutupa mo hande tekeke hake pu polu pa꞉ta꞉ lopeeke wae alemanu tupa꞉ta꞉ mandane wanda꞉halima꞉ pi epeke tupa꞉ opua miniki halemepate do kenkena꞉ haumanu pa꞉ta꞉ hone tieke eleke eleke wopu witelemeeki pita꞉ mani tieke wopu amu pulueke hone witelemeeki yaapoma꞉ Koda꞉na꞉ pi tombuatiki pina꞉ lea꞉ka꞉na꞉ta꞉ epeke kilikimanu na a꞉ilimikie.

Maka 4:19

kenke hau hone wita꞉la꞉eki manuma꞉ hamoko alemanu pa꞉ta꞉ ta꞉na꞉ homa꞉la꞉eki manuma꞉ mandane alemanu pa꞉ta꞉ we pamba꞉la꞉eki manuma꞉ mo hande pi alemanu da꞉ka꞉pa꞉ miniki pita꞉ka꞉na꞉ta꞉ napeke na u halememe leekeme.

Epesese 1:21

Ketisoma꞉ta꞉ oli hepeni kilu tumbuao hata꞉ koto nane haleme you haliweki make biki ula꞉ haliweki make wele pita꞉la꞉ ekimanu make teke haliweki make paeyao ipikana꞉ma꞉ lu tombuao pila꞉me. Do kenke ya yaapo pa꞉ta꞉ biki tieke ula꞉ haliweki paeyao mandata꞉ ame make wetepena꞉ make Ketiso homeke pila꞉me.

Epesese 2:11

Ikana꞉ma꞉ hone wilimime. Mo hande Diu haliwekima꞉ta꞉ ikana꞉ma꞉ ika꞉ kone alota꞉ nikita꞉ sekemesaisi hau pea haloma꞉ haliwekio la alemepate ikita꞉ Diendaili haliweki mondu wieke pa꞉ta꞉ kone iki pa꞉ta꞉ sekemesaisi hau na peleme haliwekio lo halememe. Hande sekemesaisi hau pita꞉la꞉ ekita꞉ haliwekina꞉ lokena꞉ pita꞉la꞉ hau pa꞉ta꞉ loa꞉me. Koto ekina꞉ Diendaili wanda꞉halio ikana꞉ma꞉ amba꞉ hata꞉ pimi ekita꞉ hone wia꞉pa꞉peke.

Epesese 2:13

Koto tupa꞉ pa haemekepate ameta꞉ Yesu Ketiso yaapo ta꞉ma꞉ni pea hata꞉ta꞉ ika꞉ ta꞉ta꞉ papate haemeke wanda꞉hali kone Ketiso ipika꞉ we lopeeke ekina꞉ iki mea a꞉pa Koda꞉ teke pa꞉ta꞉ hamina꞉ la꞉la꞉me.

Epesese 4:17

Koto ekina꞉ Tekehalina꞉ bikina꞉ I̱ma꞉ iki pa꞉ta꞉ do pi tieke wotu alome. Hande pi na miki wanda꞉hali haleme tupa꞉ na hapa꞉peke.

Epesese 5:8

Amba꞉ titina꞉ ikita꞉ timba꞉ la꞉pa peeke pa꞉ta꞉ haemepate ameta꞉ Tekehalina꞉ wanda꞉hali haleme ekina꞉ pa̱a̱ pita꞉la꞉eki tukiki pa꞉ta꞉ haleme wanda꞉hali ana꞉na꞉ hapa꞉peke.

Dia꞉mesi 1:27

Hoe ma꞉nda꞉ na piki ota꞉ Ketiso tikitiki hauta꞉ nika꞉ Apa꞉ Koda꞉ma꞉ta꞉ dupae ala꞉me. Pa haleme weki wandiki make kineke wanda꞉sunu make ika꞉ ka꞉nda꞉ma꞉ homelemeeki handaata꞉ tamba꞉ mina꞉la꞉eki mea꞉peke ya꞉la꞉me. Kutupa make mo kenke hauma꞉ na hoeyaena꞉ aloma꞉ ekina꞉ ala꞉me.