Epesese 2:19 - Panake Pi La: Ula: Buka pita: Kine Pieke Buka

¹⁹ Koto ekina꞉ Diendaili wanda꞉halio ame ikita꞉ kenke ma꞉nda꞉ nanema꞉ hao epeleme wanda꞉hali leke make da ma꞉nda꞉ wanda꞉hali leke make na hake ikita꞉ Koda꞉na꞉ wanda꞉hali ame̱le̱ ota꞉ ipika꞉ da wanda꞉hali hata꞉ ipika꞉ tapake wanda꞉hali kone halememe.

Epesese 2:19 Referans Kwoze

Pilipai 3:20

Koto pa꞉la꞉pateta꞉ nikita꞉ hepeni kenkena꞉ teke wanda꞉hali hata꞉ nika꞉ pa꞉ta꞉la꞉la꞉ Tekehali Yesu Ketiso oli hepeni nanema꞉ epena꞉ yeke ta꞉na꞉ lulu hata꞉ yu wia haloma꞉me.

1 Dioni 3:1

Mo Apa꞉ma꞉ niki pa꞉ta꞉ pukima꞉ homa꞉la꞉eki tieke handa꞉pe. Ipika꞉ pukima꞉ homa꞉la꞉ ekita꞉ ota꞉ tieke aneke yalo hata꞉ta꞉ nikita꞉ Koda꞉na꞉ wekiwandiki lelememe. Kota꞉ koto ekina꞉ nikita꞉ ota꞉ ipika꞉ wekiwandikie. Doeki tekena꞉ta꞉ do kenke wanda꞉halima꞉ta꞉ Koda꞉ na handelemeeki yalo niki make na handelememe.

Ka꞉leisia 6:10

Wanda꞉hali paeyao pa꞉ta꞉ epeke hau pia꞉peke ekina꞉ waleke a꞉nda꞉ opolo epea꞉ka꞉na꞉ta꞉ kota꞉ iki pa꞉ta꞉ epeke hau ota꞉ pia꞉peke ya꞉la꞉me. Kutu pia꞉peke yolo pa꞉la꞉pate mo nika꞉ Ketiso tapakena꞉ haleme wanda꞉hali pa꞉ta꞉ta꞉ hone ota꞉ wopu witolo hata꞉ tamba꞉ mea꞉tiki pea꞉peke ya꞉la꞉me.

Epesese 2:12

Koto pita꞉ta꞉ ikita꞉ Ketiso teke pa꞉ta꞉ na hake ika꞉ ta꞉ta꞉ papate haemekeme. Ikita꞉ Koda꞉ma꞉ talopu mea haena꞉ la꞉la꞉ wanda꞉hali apa꞉tao na hake tapake ta꞉ta꞉ wanda꞉hali haemekeme. Koda꞉ma꞉ ipika꞉ wanda꞉hali pa꞉ta꞉ pimanu la꞉ wiekeeki manuta꞉ iki pa꞉ta꞉ na leekeme. Ikita꞉ amba꞉ do kenkena꞉ haemeke dina꞉ta꞉ Koda꞉ ame̱le̱ na hake ipiki pa꞉ta꞉ epekeeki muluekema꞉ hone na wiki pa hao haemekeme.

Epesese 3:6

Koto hande a꞉mbao u hayeke honeta꞉ dupae. Hande Pi Seliapo opueleme ekina꞉ Diendaili wanda꞉hali ikana꞉ma꞉ta꞉ Koda꞉ma꞉ epeaasa꞉ ekimanu Diu wanda꞉hali ame̱le̱ mandakena꞉ apa꞉tao mea꞉peke ya꞉la꞉me. Ikana꞉ma꞉ta꞉ apa꞉tao homeke loke ta̱la̱ hata꞉ta꞉ hande Koda꞉ma꞉ Yesu Ketisoma꞉ peaena꞉ pi la꞉ wiekeeki ikana꞉ma꞉ make minelememe.

Hibulu 11:13

Do aloma꞉ titina꞉ haeme haliwekina꞉ Seta peaata꞉ iki paeyao hone tulaa paleke homemekeme. Ikana꞉ma꞉ mo hande Koda꞉na꞉ la꞉ wieke ekimanu na mimikipate pa papate yolo peeke handaa pa ika꞉ lekema꞉ homeke handaata꞉ mokoto ya꞉la꞉pate pila꞉mee laa ta꞉na꞉ma꞉ homeke homemekeme. Do kenkena꞉ koto tapakema꞉ alota꞉ Nika꞉ da teke do dia꞉ ya꞉la꞉pate nikita꞉ pa ta꞉ka꞉li haloma꞉me laa peneme yao lemekeme.

Epesese 3:15

Oli hepeni do kenke yaapo pa꞉ta꞉ haloma꞉ tapake wanda꞉hali paeyaoma꞉ta꞉ nika꞉ ota꞉ bikimanu paeyaota꞉ ipiki pa꞉ta꞉ minoloma꞉me.

Ma꞉tiu 10:25

Koto ekina꞉ta꞉ mo sukulu pita꞉la꞉ wekima꞉ta꞉ ipika꞉ hone pa꞉ta꞉ta꞉ Yaka disa some tupa꞉ halueke laa hone pia꞉ka꞉na꞉ta꞉ kota꞉ ana꞉ pilieke. Koto tupa꞉ kone mo e pokaasa꞉ somema꞉ make Ya e teke hali tupa꞉ kone halueke laa hone pia꞉ka꞉na꞉ta꞉ kota꞉ koto make ana꞉ pilieke. Wanda꞉halima꞉ mo da homeke pa꞉ta꞉ pambo haleme tapakena꞉ Ateke pa꞉ta꞉ mo hande hoke biki Bielisibulu la꞉ wiaemeka꞉na꞉ta꞉ kota꞉ ipika꞉ wekiwandiki pa꞉ta꞉ make koto biki ota꞉ lombei piki ota꞉ hoke bikimanu kone la꞉tiki pilimikie.

Hibulu 13:14

Pa ekipeke do kenkena꞉ta꞉ nika꞉ ota꞉ pa hao hapeke ya꞉la꞉ daoni ma꞉nda꞉ dia꞉ ya꞉leke handaa mo wetepe opolo epolo pa꞉la꞉ daoni weitoloma꞉me.

1 Pida 2:11

Ya yankeke tonuo. Iki do kenkena꞉ta꞉ ta꞉eileke epeleme na handeke wanda꞉hali leke hamena꞉ I̱ma꞉ honke alo ekita꞉ dupa Ika꞉ temoko a꞉nda꞉ lu tiaasa꞉ lokena꞉ hone pa꞉la꞉ ekimanu pa꞉ta꞉ waleke na wiao hapa꞉peke.