Dioni 9:22 - Panake Pi La: Ula: Buka pita: Kine Pieke Buka

²² Ateke inkiki yaapoma꞉ mo Diu haliweki pa꞉ta꞉ paala꞉ma꞉ homolo hata꞉ dupa lepekeme. Mo Diu haliwekima꞉ta꞉ hali epima꞉ Yesuta꞉ hande Ketiso hala꞉me lelimi wanda꞉halita꞉ mo pi hotu haemeke da pa꞉ta꞉ na epena꞉yeke pa yokomana꞉ la pi la꞉ wieke ekina꞉ paala꞉ma꞉ homepekeme.

Dioni 9:22 Referans Kwoze

Dioni 16:2

Mo hande pi hotu haleme da pa꞉ta꞉manu iki poemena꞉yeke iki yokilimikie. Kutupa wetepena꞉ mandane haliwekima꞉ta꞉ iki litolo hata꞉ta꞉ Koda꞉na꞉ e pokaasoma꞉me laa hone wilimikie.

Dioni 7:13

Koto lemekepate wanda꞉hali paeyaoma꞉ Diu haliweki pa꞉ta꞉ paala꞉ma꞉ homolo hata꞉ pa hali homeke ma꞉nda꞉ma꞉ Yesu pa꞉ta꞉ pi loluekema꞉ peneme yao na leekeme.

Luku 6:22

Ikita꞉ mo Wanda꞉halina꞉ Eiyeke tolu halemeke handaa mandane wanda꞉halima꞉ iki pa꞉ta꞉ yaala꞉ma꞉ homao make tanda ku make ika꞉ biki hoeyaaluekema꞉ hoke ba꞉sa꞉ pitolo yayapiki pimanu sa꞉mba꞉lao pitolo haena꞉ kone

Dioni 9:34

Koto ekina꞉ mo haliwekima꞉ ipika꞉ pi hombo peaaso alota꞉ Naka꞉ ama꞉ma꞉ hokeeki tukiki pa꞉ta꞉ hata꞉ ma꞉nda꞉leke daele halima꞉ kone niki waluekema꞉ alepe lemekeme. Koto laa mo halita꞉ mo pi hotu haemeke da pa꞉ta꞉ na epena꞉yeke pao yoka ta꞉ta꞉ haena꞉ lemekeme.

Peneme Yaeyekeeki 21:8

Pate hone pamboneke tapake make ba꞉sa꞉ piteleme tapake make ata꞉ka꞉ peaaseme tapake make honema꞉ kone hali lu homaaseme tapake make pake nalo loke apa꞉taaseme tapake make ti̱o̱ hau pu haleme tapake make toopi ti wepia ula꞉ ale pa꞉ta꞉ yeni pu haleme tapake make mo yayapiki pi lo haleme tapake make paeyaota꞉ ika꞉ hala꞉peke ya꞉la꞉ ekita꞉ oni ti uleke kiake make titipupiki lanka꞉ ma꞉nda꞉ biki solopa bu lo hala꞉ pa꞉ta꞉e. Koto hau pita꞉la꞉ ekita꞉ mo yaapo peao homa꞉la꞉ekie.

Aposolo 5:40

Mo aposolo haliweki epena꞉ wi la꞉ mepi peaata꞉ yombua bao alota꞉ Pa hoto ma꞉nda꞉ a꞉nda꞉ Yesuna꞉ bikina꞉ pi ma꞉nda꞉ na lapa꞉peke laa ta꞉e ta꞉e lo laata꞉ pao da tapaemekeme.

Aposolo 5:13

Kutupa ikina꞉ mo pa haemeke wanda꞉halima꞉ pi laemekepate paala꞉ma꞉ homolo hata꞉ iki ame̱le̱ haluekema꞉ hone na wimikime.

Aposolo 4:18

Koto ekina꞉ Pida Dioni yaapo wi la alota꞉ Do wanda꞉hali pa꞉ta꞉ Yesuna꞉ biki laa ala꞉ta꞉ ma꞉nda꞉ o pi ma꞉nda꞉ na wala꞉pa꞉pekee lemekeme.

Dioni 20:19

Koto Sande timbaata꞉ mo hande disaipolo ame̱le̱ pomu haemeke haliwekima꞉ mo Diu haliweki pa꞉ta꞉ paala꞉ma꞉ homolo hata꞉ da pota꞉manu poka loka꞉ hao da tukiki pa꞉ta꞉ momba꞉la pitimikipate Yesuma꞉ iki tukiki pa꞉ta꞉ a꞉pa hata꞉ alota꞉ Ika꞉ puki lopa꞉niaape leekeme.

Dioni 19:38

Koto hau pimikieki hoki nane mo A꞉ta꞉matia da hao epeeke hali Diosepema꞉ta꞉ Yesu toko mea poluekema꞉ Pailedi pa꞉ta꞉ pua honke leekeme. Diosepema꞉ta꞉ Yesuna꞉ pi opu hayekepate mo Diu haliweki pa꞉ta꞉ paala꞉ hata꞉ puki tooluma꞉ piekeme. Pailedima꞉ a꞉pa꞉la꞉me leeke handaa Diosepema꞉ pua mea peekeme.

Dioni 1:19

Dionima꞉ koto leeke ekina꞉ mo Diutuseleme nane haemeke Diu haliwekima꞉ta꞉ yeni peao haemeke haliwekima꞉ make Lipae tapake haliwekima꞉ make Dioni pa꞉ta꞉ Neketa꞉ epika꞉ta꞉pe laa lota꞉ pulu pena꞉ tapaemekeme.

Dioni 9:18

mo Diu haliwekima꞉ ipika꞉ leke holu pea hayekeeki make mo leke epeaeyekeeki make koto pi opua꞉peke kiaaso hata꞉ mo halina꞉ ateke inkiki yaapo wi la꞉ mea

Dioni 9:21

ame ipika꞉ leke kila handa꞉la꞉eki make ipika꞉ leke kilaake hauta꞉ epima꞉ pa꞉la꞉pe. Kota꞉ dikita꞉ mata꞉la꞉me laa lepekeme. Ipiki pa꞉ta꞉ pua opua꞉pa꞉peke. Ipika꞉ bapi manuta꞉ ana꞉na꞉ hala꞉ ekima꞉ ipika꞉ kone la kilieke laa lepekeme.

Dioni 9:35

Yesuma꞉ mo hali yoka ta꞉ta꞉ haena꞉ lelememe lemekeeki opuaata꞉ mo hali weiya handa꞉ wia ipiki pa꞉ta꞉ alota꞉ Wanda꞉halina꞉ Eiyeke pa꞉ta꞉ hone tulao halepe laa leeke handaa