Dioni 9:21 - Panake Pi La: Ula: Buka pita: Kine Pieke Buka

²¹ ame ipika꞉ leke kila handa꞉la꞉eki make ipika꞉ leke kilaake hauta꞉ epima꞉ pa꞉la꞉pe. Kota꞉ dikita꞉ mata꞉la꞉me laa lepekeme. Ipiki pa꞉ta꞉ pua opua꞉pa꞉peke. Ipika꞉ bapi manuta꞉ ana꞉na꞉ hala꞉ ekima꞉ ipika꞉ kone la kilieke laa lepekeme.

Dioni 9:21 Referans Kwoze

Dioni 9:20

Mo halina꞉ ateke inkiki yaapoma꞉ ika꞉ pi hombo peaaso alota꞉ Koto halita꞉ dika꞉ weki ya꞉la꞉pate mendia꞉ pa꞉ta꞉ kone leke holupiki weki mendia꞉ ekita꞉ hone ulupa꞉pateta꞉

Dioni 9:22

Ateke inkiki yaapoma꞉ mo Diu haliweki pa꞉ta꞉ paala꞉ma꞉ homolo hata꞉ dupa lepekeme. Mo Diu haliwekima꞉ta꞉ hali epima꞉ Yesuta꞉ hande Ketiso hala꞉me lelimi wanda꞉halita꞉ mo pi hotu haemeke da pa꞉ta꞉ na epena꞉yeke pa yokomana꞉ la pi la꞉ wieke ekina꞉ paala꞉ma꞉ homepekeme.

Dioni 9:23

Koto ekina꞉ mo toolima꞉ alota꞉ Ipika꞉ bapimanu ana꞉na꞉ hala꞉ ekima꞉ ipiki pa꞉ta꞉ pua opua꞉pe laa lepekeme.

Luku 8:43

Kutupa mo wanda꞉hali anka꞉lopuna꞉ mo bapi 12 andusa꞉na꞉ we yopu hayeke wanda꞉ ma꞉nda꞉ hayekeme. Ipika꞉ yeni tamba꞉ mina꞉yeke dokeda haliweki pa꞉ta꞉ ipika꞉ mani paeyao hala꞉tiki piekepate ipika꞉ yenita꞉ ota꞉ na epeaeyekeme.

Dioni 5:5

Koto pa꞉ta꞉ hayeke hali ma꞉nda꞉ta꞉ ipika꞉ yeni hayeke bapita꞉ 38 bapimanu amba꞉ yapeekeme.

Dioni 9:10

Wanda꞉halima꞉ ipiki pa꞉ta꞉ lota꞉ pitolo alota꞉ Ekipa naka꞉ leke epeao pa꞉la꞉pe la lemekepate

Aposolo 9:33

Koto da pa꞉ta꞉ta꞉ hali homeke Iniasi handeekeme. Koto halita꞉ kiki anke homa pa wieke hali pita꞉ bapi ketepo hata꞉ ipika꞉ da panda꞉ pa꞉ta꞉ u pita꞉tiki pu hayekeme.