Dioni 8:59 - Panake Pi La: Ula: Buka pita: Kine Pieke Buka

⁵⁹ Mo haliwekima꞉ Yesu luekema꞉ toopimanu mimikipate Yesuta꞉ mo tembolo da mina꞉pa꞉lao a꞉mbao hama꞉ nane peekeme.

Dioni 8:59 Referans Kwoze

Dioni 11:8

ipika꞉ disaipolo haliwekima꞉ ipiki pa꞉ta꞉ alota꞉ Disao. Amba꞉ numaneke a꞉nda꞉ mo Diu haliwekima꞉ toopima꞉ neke luekema꞉ taapemepate koto pa꞉ta꞉ paa pomana꞉ alepe lemekeme.

Aposolo 7:57

Koto leekepate mo haliwekima꞉ ta꞉e ta꞉e lo laa ika꞉ katake a꞉mba kutupa mandake dina꞉ a̱i̱ya pua mo hali yola꞉ mea pua

Dioni 18:31

Pailedima꞉ iki pa꞉ta꞉ alota꞉ Ikana꞉ma꞉ ika꞉ kone hatuku pua ika꞉ pi wilimi alena꞉ hata꞉ pi yokaalu pea꞉pa꞉peke leekeme. Mo Diu haliwekima꞉ ipika꞉ pi hombo peaaso alota꞉ Nikana꞉ma꞉ kone nika꞉ hone wia hali ma꞉nda꞉ lia homaapeke na ya꞉la꞉me lemekeme.

Dioni 12:36

Kutu pa꞉la꞉ ekina꞉ ikita꞉ pa̱a̱ pa꞉la꞉ dina꞉ hata꞉ pa̱a̱ pa꞉la꞉ ekina꞉ wekiwandiki leke hamina꞉yeke pa̱a̱ pa꞉la꞉eki pa꞉ta꞉ kone hone tulaapa꞉peke leekeme. Yesuma꞉ koto pi laata꞉ mo wanda꞉hali mina꞉pa꞉lao puata꞉ panka halo peekeme.

Dioni 11:54

Koto ekina꞉ Yesuta꞉ koto pa꞉ta꞉ pominolo hata꞉ peneme yao na pomiekepate Diudia nane mina꞉pa꞉lao mo hapu hayeke alena꞉ teke pa꞉ta꞉ hayeke da Ipoteimi da pa꞉ta꞉ puaata꞉ ipika꞉ disaipolo haliweki ame̱le̱ koto pa꞉ta꞉ haemekeme.

Dioni 5:13

mo yeni tandelaeyeke halima꞉ make Yesu na handeekeme. Pa ekipeke wanda꞉hali wopu koto pa꞉ta꞉ mombelemeke handa Yesu amba꞉ peekeme.

Luku 24:31

Kutu pitolo pitina꞉ mo hali yaapoma꞉ ipilika꞉ hone lombolo Yesu ya꞉ka꞉ta꞉me laa handa꞉ wipiki dina꞉ kone Yesuta꞉ koto pa꞉ta꞉ pitiki nono pea alu paeyekeme.

Kini Pieke 19:11

Kutupa mo hama꞉ nane haemeke haliwekima꞉ pota꞉ na lombolo pimiki tupa꞉ ipilikana꞉ma꞉ta꞉ ika꞉ leke holu peaepekeme.

Ma꞉tiu 12:14

Kutu pieketa꞉ kota꞉ mo Pa꞉tisi haliwekima꞉ koto da mina꞉pa꞉lao hama puaata꞉ Yesu luekema꞉ a꞉nda꞉ lomba꞉ wimikime.

Dioni 9:1

Yesuma꞉ pota꞉na꞉ pulu hata꞉ handeekepate inkikima꞉ mendieke pa꞉ta꞉ kone leke holupiki hali handeekeme.