Dioni 8:54 - Panake Pi La: Ula: Buka pita: Kine Pieke Buka

⁵⁴ Yesuma꞉ ika꞉ pi hombo peaaso alota꞉ I̱ma꞉ kone yaka pi laa laowa꞉ka꞉na꞉ yoluta꞉ I̱ta꞉ pa hali kone halo pua꞉me. Yaka pi laasa꞉ halita꞉ yaka Apa꞉ma꞉ kone laasa꞉me. Ipikita꞉ ikana꞉ma꞉ nika꞉ Koda꞉ hala꞉me leme halie.

Dioni 8:54 Referans Kwoze

Dioni 8:50

I̱ma꞉ta꞉ yaka pi kone na laasopate hali ma꞉nda꞉ma꞉ yaka pi laluekema꞉ pita꞉la꞉pate ipikita꞉ pi yokaalu pulu pa꞉la꞉ halie.

2 Pida 1:17

Mo hande Koda꞉ Apa꞉ma꞉ Yesu pa꞉ta꞉ pa̱a̱ pa꞉la꞉eki pita꞉ yeiya꞉ laasa꞉eki yaapo halea꞉ natena꞉ta꞉ nikita꞉ koto pa꞉ta꞉ hamono pia꞉me. Koto dina꞉ta꞉ mo pa̱a̱ wopupiki Koda꞉na꞉ pi ho̱la̱꞉makema꞉ alo hata꞉ alota꞉ Dota꞉ ya pukipiki wekie. I̱ma꞉ ipiki pa꞉ta꞉ ta꞉na꞉ma꞉ wopu homolome laa pi la꞉niaeya꞉me.

2 Kotindi 10:18

Ma꞉nda꞉ma꞉ I̱ta꞉ epeke halie hone wita꞉la꞉ ekima꞉ta꞉ kota꞉ ipikita꞉ epeke hali dia꞉ya꞉la꞉pate pa mo Koda꞉ma꞉ ipiki pa꞉ta꞉ epeke halie lea꞉ka꞉na꞉ta꞉ kota꞉ koto someta꞉ ota꞉ epeke hali hala꞉me.

Aposolo 3:13

Eipoloha꞉ma꞉ Aisa꞉ke Dieikope ika꞉ Koda꞉ta꞉ nika꞉ apa꞉ titina꞉ Koda꞉ma꞉ kone mo wele pita꞉la꞉eki ipika꞉ e pokaeyeke hali Yesuna꞉ biki mea a꞉meiyaaso hata꞉ haleekeme. Kutu pa꞉la꞉pate ikana꞉ma꞉ Pailedi pa꞉ta꞉ luekema꞉ hatuku pua Pailedima꞉ta꞉ paa pena꞉ loluekema꞉ taapolo haena꞉ kone ikana꞉ma꞉ luekema꞉ taapeme hali ipikina꞉ loa꞉me.

Dioni 17:1

Yesuma꞉ koto pimanu laata꞉ oli ya nane handa꞉liao hata꞉ alota꞉ Apa꞉o. Hande di amba꞉ epa꞉la꞉me. Naka꞉ wekima꞉ naka꞉ bikita꞉ mea a꞉meiyaena꞉yeke naka꞉ wekina꞉ biki nakana꞉ma꞉ mea a꞉meiyapeke.

Dioni 8:41

Ika꞉ apa꞉ma꞉ piekeeki kone pitelememe. Mo haliwekima꞉ hombo peaaso alota꞉ Nikita꞉ pake wekitonu dia꞉me. Nika꞉ Apa꞉ homeke Koda꞉ hala꞉me lemekeme.

Dioni 7:18

Hali epima꞉ ipika꞉ hone wia pi lea꞉ka꞉na꞉ta꞉ kota꞉ ipika꞉ biki kone a꞉meiyaasa꞉me. Koto pa꞉la꞉pate hali epima꞉ ipika꞉ biki kone na a꞉meiyaake ipiki tapaala꞉ halina꞉ biki a꞉meiyaluekema꞉ pia꞉ka꞉na꞉ta꞉ kota꞉ koto halita꞉ yayapiki hau pita꞉la꞉ hali dia꞉me. Ota꞉ hau pita꞉la꞉ halie.

1 Pida 1:21

Yesu pa꞉ta꞉ yama꞉ Koda꞉ pa꞉ta꞉ hone tulalememe. Koda꞉ma꞉ Yesu mea tiao pa̱a̱ peawayekeme. Koto ekina꞉ta꞉ ika꞉ hone tulalemeeki make ika꞉ hone ti lalemeeki make Koda꞉ pa꞉ta꞉ pu halememe.

1 Pida 1:12

Do hande opimi ota꞉ pita꞉ mo potopede haliwekima꞉ amba꞉ walaaso haena꞉ta꞉ Koda꞉ma꞉ iki pa꞉ta꞉ koto pita꞉ ika꞉eki dia꞉me. Mo wetepena꞉ haleme wanda꞉hali ika꞉eki peneme yao waleekeme. Mo Pi Seliapona꞉ kinki peaasa꞉ haliwekima꞉ hepeni nanema꞉ tapaeyeke Holi Sipitidina꞉ welema꞉ do ota꞉eki manuta꞉ iki pa꞉ta꞉ la kimime. Do ota꞉eki manuta꞉ mo enisolo haliwekima꞉ kone hone uluekema꞉ hone pu halememe.

Dioni 17:5

Apa꞉o. Amba꞉ do kenke a̱i̱ na wepiki hata꞉ neke yaapo hata꞉ mua꞉ pa̱a̱ piki kapu tieketa꞉ kotoeki kone ameta꞉ naka꞉ leke popelekena꞉ hano kie.

Dioni 7:39

Yesuma꞉ koto leeke ekita꞉ Holi Sipitidi pa꞉ta꞉ kone leekeme. Ipiki pa꞉ta꞉ hone tulao haemeke wanda꞉halima꞉ mo Holi Sipitidi muluekema꞉ haena꞉ leekeme. Koto natena꞉ta꞉ Yesuma꞉ ipika꞉ halo pieke kapu tieke a̱i̱ dia꞉yeke handaa mo Holi Sipitidi a̱i̱ na epena꞉ leekeme.

Dioni 5:41

Wanda꞉halima꞉ yaka pi laena꞉yeke na weitolopate

Dioni 2:11

Yesuma꞉ta꞉ mo Ka꞉lili nane hayeke da Keina da pa꞉ta꞉ hata꞉ ipika꞉ wele piekeeki koto pa꞉ta꞉ amba꞉la piekeme. Koto pa꞉ta꞉ hata꞉ ipikana꞉ma꞉ ipika꞉ kapu tieke hala꞉eki peneme yao waleeke handaa ipika꞉ disaipolo haliwekima꞉ ipiki pa꞉ta꞉ hone tulaemekeme.