Dioni 8:42 - Panake Pi La: Ula: Buka pita: Kine Pieke Buka

⁴² Yesuma꞉ iki pa꞉ta꞉ alota꞉ Koda꞉ta꞉ ika꞉ Apa꞉ haya꞉ka꞉na꞉ yoluta꞉ I̱ pa꞉ta꞉ pukima꞉ homolo pimime. I̱ta꞉ Koda꞉ pa꞉ta꞉ hao a꞉pa ame do halo ekina꞉ loa꞉me. Ya hone wia na epeke ipikana꞉ma꞉ I̱ tapaeyeke a꞉pa halo ekina꞉ loa꞉me.

Dioni 8:42 Referans Kwoze

Dioni 12:49

I̱ma꞉ ya hone wia na loa꞉me. I̱ tapaeya꞉ hali yaka Apa꞉ma꞉ I̱ma꞉ lolo pua꞉ ekimanu paeyao ipikana꞉ma꞉ lapeke leeke handaa pua꞉me.

Dioni 14:10

Yaka Apa꞉ma꞉ I̱ yaapo hala꞉eki make I̱ma꞉ make yaka Apa꞉ yaapo haloeki make hone na witelepe leekeme. Koto laa Yesuma꞉ mo disaipolo haliweki pa꞉ta꞉ alota꞉ Iki pa꞉ta꞉ loa꞉ pi manuta꞉ ya hone wia na loa꞉me laa hande I̱ yaapo hala꞉ Apa꞉ma꞉ ipikana꞉ma꞉ kone ipika꞉eki pita꞉la꞉me.

Dioni 17:8

Nakana꞉ma꞉ I̱ pa꞉ta꞉ la ki pimanu paeya꞉ tapao iki pa꞉ta꞉ waloa꞉me. Kutu pua꞉peke handaa ikana꞉ma꞉ opua mimime. I̱ta꞉ neke yaapo epoloeki make ota꞉ekie laa nakana꞉ma꞉ I̱ tapaeeki make opitelememe.

Dioni 17:25

Tiki tiki piki Apa꞉o. Kenke wanda꞉halima꞉ neke na handelemepate I̱ma꞉ta꞉ neke handolome. Kutupa do haliwekima꞉ta꞉ nakana꞉ma꞉ I̱ tapaale ekita꞉ handelememe.

Dioni 1:14

Mo hande Pita꞉ hali au la a꞉pa niki ame̱le̱ haya꞉me. Ipika꞉ pa̱a̱ pu hala꞉eki pa a꞉ta꞉ma꞉ homa꞉la꞉eki make ota꞉ hau pita꞉la꞉eki make tumba pitia꞉eki nikana꞉ma꞉ handoma꞉me. Koto hande pa̱a̱ pu hala꞉ ekita꞉ ipikita꞉ Atekena꞉ Eiyeke homeke kone hata꞉ miekeme.

1 Dioni 4:14

Kutupa nikana꞉ma꞉ handoloma꞉ ekita꞉ pa mo Atekema꞉ ipika꞉ Eiyeketa꞉ do kenke wanda꞉halina꞉ pa꞉ta꞉la꞉la꞉ some tapaala꞉me laa ma꞉nda꞉ ma꞉nda꞉ pa꞉ta꞉ la hala꞉tiki pu haloma꞉me.

Dioni 5:43

I̱ta꞉ yaka Apa꞉na꞉ bikina꞉ epolopate ikana꞉ma꞉ I̱ na handa꞉ minelememe. Hali ma꞉nda꞉ ipika꞉ kone epea꞉ka꞉na꞉ta꞉ ikana꞉ma꞉ kutupiki hali handa꞉ milimikie.

1 Kotindi 16:22

Tekehali pa꞉ta꞉ pukima꞉ na homeke pa kiaasa꞉ hali epita꞉ ota꞉ hoeyaena꞉e. Nika꞉ Tekehalio. Epoe.

Dioni 3:17

Koda꞉ma꞉ta꞉ ipika꞉ Weki kenke wanda꞉halina꞉ pi yokaalu peaalo pa꞉la꞉ hali haena꞉yeke na tapake ika꞉ mea da꞉taalo pa꞉la꞉ hali haena꞉yeke tapaeyekeme.

Dioni 5:23

Koto ekina꞉yeke wanda꞉hali paeyaoma꞉ Apa꞉na꞉ pi laaseme tupa꞉ Eiyekena꞉ pi make koto tupa꞉ kone laena꞉yeke la꞉la꞉me. Hali epima꞉ Eiyekena꞉ pi na laeya꞉ka꞉na꞉ta꞉ kota꞉ ipiki tapaala꞉ Apa꞉na꞉ pi kone na laasa꞉me leekeme.

Peneme Yaeyekeeki 22:1

Mo enisoloma꞉ta꞉ ala꞉ta꞉ ma꞉nda꞉ na ta̱leke kalasima꞉ handeke da꞉ta꞉la꞉eki kita꞉la꞉ ikali yopulu hala꞉ I̱ pa꞉ta꞉ walea꞉me. Mo ikalita꞉ oli Koda꞉ pita꞉ Sipisipi Ma꞉na꞉ Ikiki yaapona꞉ kini sea pa꞉ta꞉ yama꞉ epea꞉me.

Ka꞉leisia 4:4

pa mo hande Koda꞉na꞉ la꞉ wieke nate ota꞉ opolo epeeke pita꞉ma꞉ta꞉ Koda꞉ma꞉ ipika꞉ weki kone tapaeyekeme. Koto wekita꞉ mo do kenke wanda꞉na꞉ weki tupa꞉ a꞉paata꞉

Dioni 8:14

Yesuma꞉ ika꞉ pi hombo peaaso alota꞉ Dia꞉me. I̱ma꞉ pitoloeki I̱ma꞉ kone la kua꞉ka꞉na꞉ta꞉ ota꞉ pi alome. Do ekina꞉yeke loa꞉me. I̱ hao epoa꞉eki make wetepena꞉ polo polo alena꞉ make I̱ma꞉ta꞉ handolopate I̱ hao epoa꞉eki make wetepena꞉ polo polo alena꞉ make iki na handelememe.

Dioni 13:3

Yesuma꞉ta꞉ hande ipika꞉ Atekema꞉ ala꞉ta꞉ ala꞉ta꞉ paeyao ipiki pa꞉ta꞉ haleekeeki make ipikita꞉ Koda꞉ yaapo hao a꞉pa Koda꞉ pa꞉ta꞉ polo piekeeki make hone wiekeme.

Dioni 16:30

ameta꞉ nikana꞉ma꞉ handoloma꞉me laa hali ma꞉nda꞉ma꞉ neke pa꞉ta꞉ amba꞉la lota꞉ pina꞉yeke na handeteke haleme. Nakana꞉ma꞉ hau paeyao handeleme. Koto pa꞉la꞉ ekina꞉ neketa꞉ Koda꞉ yaapo hao epele ekita꞉ opoloma꞉me.

1 Dioni 5:20

Nika꞉ hone uluma꞉ ekita꞉ mo Koda꞉na꞉ Eiyeketa꞉ niki hone lenkipa wita꞉la꞉eki kulu a꞉pa꞉la꞉me. Pa ekipeke nikana꞉ma꞉ mo ota꞉ Koda꞉ hone ulu poloma꞉ tupa꞉ pa꞉la꞉me. Ipiki ame̱le̱ hone homeke witolo hata꞉ pa ipika꞉ Eiyeke Yesu Ketiso kone hone homeke wia haloma꞉me. Ipikita꞉ mo ota꞉ Koda꞉e. Kutupa ipikita꞉ deto hala꞉ ekina꞉ tekee.