Dioni 8:15 - Panake Pi La: Ula: Buka pita: Kine Pieke Buka

¹⁵ Ikana꞉ma꞉ pi yokaalu piteleme ekita꞉ kenke haliwekima꞉ yaalo alememe. I̱ma꞉ta꞉ hali ma꞉nda꞉ pa꞉ta꞉ pi yokaalu na pitolopate

Dioni 8:15 Referans Kwoze

Dioni 12:47

Hali epima꞉ I̱ma꞉ alo pi opua na pia꞉ka꞉na꞉ta꞉ koto hali yaapo I̱ma꞉ pi yokaalu na pulueke. Kenke wanda꞉halita꞉ iki pa꞉ta꞉ pi yokaalu puluekema꞉ na epeke iki mea da꞉taaluekema꞉ epoa꞉me.

Dioni 7:24

Pa lekema꞉ handolo hata꞉ hone na wiki tiki tiki hau pa꞉la꞉ ekina꞉ hone wia꞉pa꞉peke aleo.

Dioni 3:17

Koda꞉ma꞉ta꞉ ipika꞉ Weki kenke wanda꞉halina꞉ pi yokaalu peaalo pa꞉la꞉ hali haena꞉yeke na tapake ika꞉ mea da꞉taalo pa꞉la꞉ hali haena꞉yeke tapaeyekeme.

Dioni 18:36

Yesuma꞉ ipika꞉ pi hombo peaaso alota꞉ Yaka Kilu Tombuao Halo ekita꞉ do kenkena꞉eki dia꞉me. Yaka Kilu Tombuao Halo ekita꞉ do kenkena꞉eki yoluta꞉ I̱ telia꞉ mea pomineleme haliwekima꞉ta꞉ mo Diu haliwekima꞉ I̱ minaama꞉na꞉ yaka a꞉nda꞉ liaalo pimime. Dia꞉me. Yaka Kilu Tombuao Halo ekita꞉ do pa꞉ta꞉eki dia꞉me leekeme.

1 Kotindi 2:15

Mo Koda꞉na꞉ Sipitidi ma꞉la꞉ someta꞉ mo piteme hau paeyao hando ka꞉pa꞉la꞉peke ya꞉la꞉pate pa ma꞉nda꞉ma꞉ ipika꞉ pita꞉la꞉ ekita꞉ hando ka꞉pa꞉la꞉peke na ya꞉la꞉me.

Loma꞉ 2:1

Nakana꞉ma꞉ hali ma꞉nda꞉ pa꞉ta꞉ kiki ma̱leke lika꞉na꞉ta꞉ kota꞉ neke pa꞉ta꞉ ketete wilieke. Do ekina꞉yeke loa꞉me. Ma꞉nda꞉ma꞉ pa꞉la꞉ ekina꞉ nakana꞉ma꞉ pu hata꞉ kone mo some pa꞉ta꞉ kiki ma̱leke lika꞉na꞉ta꞉ kota꞉ neke kone kiki ma̱leke liteleme.

Dioni 8:11

Mo wanda꞉ma꞉ Yesuna꞉ pi hombo peaaso alota꞉ Tekehalio. Hali ma꞉nda꞉ dia꞉me leekeme. Yesuma꞉ alota꞉ Kota꞉ I̱ma꞉ make neke yaapo pi yokaalu na pulueke. Puaata꞉ wetepena꞉ hoke hau ma꞉nda꞉ na pea꞉peke leekeme.

Dia꞉mesi 2:4

kota꞉ ikana꞉ma꞉ mo hali yaapota꞉ ta꞉ta꞉ ta꞉ta꞉ pea telipaaso hata꞉ honditi na pilimipe. Kutu pimika꞉na꞉ta꞉ ikana꞉ma꞉ ika꞉ kone pi yokaalu pita꞉la꞉ ekina꞉ tumiki haliweki mea haaso hata꞉ hoke hone wilimikie.

Luku 12:14

Yesuma꞉ ipika꞉ pi hombo peaaso alota꞉ Someo. Ipilika꞉ alemanu telipaano make ipilika꞉ pi tikitiki yawaanota꞉ I̱ta꞉ epima꞉ mea haena꞉ la꞉la꞉pe leekeme.

2 Kotindi 5:16

Koto ekina꞉ta꞉ ameta꞉ ma꞉nda꞉na꞉ manda hauna꞉ dupiki somee dupiki somee pi na aloma꞉me. Kenke hali tupa꞉ mo nate ma꞉nda꞉na꞉ Ketisota꞉ dupiki somee o mukutu piki somee loma꞉ ekita꞉ ameta꞉ kotoeki ota꞉ pa na aloma꞉me.