Dioni 7:19 - Panake Pi La: Ula: Buka pita: Kine Pieke Buka

¹⁹ Hande Lo Pi manuta꞉ Mosesima꞉ iki pa꞉ta꞉ na ka꞉la꞉pe. Koto pa꞉la꞉pate iki pa꞉ta꞉ hali homeke a꞉nda꞉ma꞉ hande Lo Pimanu na opitolo pita꞉la꞉me. I̱ lia homaaluekema꞉ ekipeke pitelemepe.

Dioni 7:19 Referans Kwoze

Dioni 1:17

Koda꞉ma꞉ta꞉ mo hande Lo Pimanu niki pa꞉ta꞉ la kina꞉yeke Mosesi pa꞉ta꞉ la haleekeme. Kutu piekepate pa a꞉ta꞉ma꞉ homa꞉la꞉eki make ota꞉ hau pita꞉la꞉eki make Yesu Ketisoma꞉ mea a꞉paeyekeme.

Dioni 11:53

Koto leeke ekina꞉ mo Diu wanda꞉halina꞉ you haliwekima꞉ koto natena꞉ kini pea Yesu lulu peleme pota꞉ weimikime.

Dioni 7:1

Kutu pieke hoki naneta꞉ Diu haliwekima꞉ ipiki lu pimiki hone wimiki handaa Yesuta꞉ Diudia nane pomuluekema꞉ hone na wiki mo Ka꞉lili nane pomiekeme.

Ma꞉tiu 12:14

Kutu pieketa꞉ kota꞉ mo Pa꞉tisi haliwekima꞉ koto da mina꞉pa꞉lao hama puaata꞉ Yesu luekema꞉ a꞉nda꞉ lomba꞉ wimikime.

Ka꞉leisia 6:13

Mo koto sekemesaisi hau pu haleme wanda꞉hali ikana꞉ma꞉ kone pa mo Lo Pi ula꞉ ekimanu paeyaota꞉ na telia pu halememe. Mo haliwekima꞉ ika꞉ sekemesaisi hau puemena꞉ yeke hone peleme ekina꞉ ika꞉ biki daeyaena꞉ yeke pitememe.

Ka꞉leisia 3:19

Kutu pia꞉ka꞉na꞉ta꞉ kota꞉ mo hande Mosesina꞉ pi ula꞉ ekita꞉ eki pina꞉ la haleekepe. Koto pi ula꞉eki manuta꞉ mo amba꞉ Koda꞉na꞉ la꞉ wiekeeki taapuna꞉ apa꞉tao wiki hauta꞉ mo hoke hoke haumanu peneme yao waluekema꞉ wiekeme. Koto pi ula꞉eki manuta꞉ pa u pelia pua mo hande Eipoloha꞉ma꞉na꞉ hoki nane epolo pieke hali ipikita꞉ Koda꞉ma꞉ amba꞉ pi la꞉ wieke hali opolo ipuluta꞉ paeyaena꞉e. Mo Lo Pi ula꞉eki manuta꞉ homeke hali ka꞉pa pa꞉ta꞉ yama꞉ enisolo tonuma꞉ hala꞉niaeyekeme.

Aposolo 7:38

Ipiki make mo Isulai wanda꞉hali ame̱le̱ mo hapu hayeke alena꞉ momba꞉la haemekeme. Ipikita꞉ nika꞉ apa꞉mei ameda ame̱le̱ koto pa꞉ta꞉ hayeke halie. Mo Sainai Pote pa꞉ta꞉ hande ipiki pa꞉ta꞉ pi leeke enisolo yaapo hayeke halie. Koda꞉ma꞉ ipika꞉ da꞉ta꞉la꞉ pi niki pa꞉ta꞉ la kina꞉yeke Koda꞉ma꞉ ipiki pa꞉ta꞉ la haleekeme.

Dioni 10:39

Yesu pa da꞉ka꞉pa꞉ minuluekema꞉ pimikipate ipikita꞉ opa꞉ pa lopa peekeme.

Dioni 7:25

Mandane Diutuseleme wanda꞉halima꞉ alota꞉ Hande luekema꞉ taapeleme halita꞉ do hali ya꞉ka꞉ta꞉pe.

Dioni 5:45

I̱ma꞉ iki yaka Apa꞉ pa꞉ta꞉ samani pulueke hone na wia꞉pa꞉peke. Hande ika꞉ hone tulaaleme hali Mosesita꞉ ipikana꞉ma꞉ kone iki samani pilieke.

Dioni 5:18

Koto leekeeki opuaata꞉ mo Diu haliwekima꞉ Yesu luekema꞉ mineke pankemekeeki daeyaemekeme. Do ekina꞉yeke pimikime. Yesuma꞉ hande Hoto Pila꞉ Natena꞉ pi ula꞉eki yamba꞉laata꞉ ipikana꞉ma꞉ Koda꞉ta꞉ ota꞉ ipika꞉ Apa꞉ hala꞉me leeke ekima꞉ make Koda꞉ ana꞉na꞉ kone halome laa leekeme.

Dioni 5:16

Kota꞉ Yesuma꞉ Hoto Pila꞉ Natena꞉ mo halina꞉ yeni tandelaeyeke ekina꞉ mo Diu haliwekima꞉ Yesu tanda haluekema꞉ kini pu mimikime.

Maka 3:6

Koto kone mo Pa꞉tisi haliwekima꞉ hama opolu baota꞉ Hetodina꞉ hoki nane telimiki haliweki ame̱le̱ momba꞉la hata꞉ Yesu luekema꞉ tome tome pambemekeme.

Maka 3:4

Epeeketa꞉ Yesuma꞉ iki pa꞉ta꞉ alota꞉ Hoto Pila꞉ Natena꞉ pi ula꞉ ekina꞉ aleke wape pea ula꞉pe leekeme. Wanda꞉hali epeaasa꞉ ekita꞉ ana꞉ pa꞉la꞉pe o hoeyaasa꞉ ekita꞉ ana꞉ pa꞉la꞉pe laa ombu alota꞉ Wanda꞉hali mea tiaowa꞉ka꞉na꞉ta꞉ ana꞉ pa꞉la꞉pe o homaoa꞉ka꞉na꞉ta꞉ ana꞉ pa꞉la꞉pe leekepate mo haliwekima꞉ pi na leke pa pambo haemekeme.

Ma꞉tiu 21:38

Kutu piekepate mo hande e handeteke haemeke haliwekima꞉ mo hande teke halima꞉ tapaeyeke weki epeekeeki handaata꞉ kota꞉ ikana꞉ma꞉ ika꞉ hone lombolo hata꞉ alota꞉ Hande e tekehali ipika꞉ anketeke mulu pa꞉la꞉ wekita꞉ koto ipula꞉ma꞉ ota꞉ lumana꞉e la alota꞉ Luma꞉ka꞉na꞉ta꞉ mo eta꞉ kota꞉ ota꞉ nika꞉ e wilieke lemekeme.

Maka 11:18

Wanda꞉hali wopuma꞉ Yesuna꞉ waleeke pimanu opuaata꞉ penkili pimiki handaata꞉ mo yeni peao haemeke you haliwekima꞉ make mo wape pea wala꞉tiki pu haemeke haliwekima꞉ make Yesu pa꞉ta꞉ paala꞉ma꞉ homolo hata꞉ ipiki lu alu palo pimiki pota꞉ weimikime.