Dioni 7:14 - Panake Pi La: Ula: Buka pita: Kine Pieke Buka

¹⁴ Hande ne pambemekeeki tukiki pa꞉ta꞉ Yesuma꞉ mo tembolo da pa꞉ta꞉ pua hata꞉ pi waleekeme.

Dioni 7:14 Referans Kwoze

Dioni 7:28

Yesuma꞉ mo tembolo da tukiki pa꞉ta꞉ hata꞉ pi walolo wi la alota꞉ I̱ta꞉ ota꞉ handelemepe. I̱ hao epolo alena꞉ make handelemepe. Yaka kone hone wia na epoa꞉me. Koto pa꞉la꞉pate I̱ tapaeya꞉ halima꞉ta꞉ ota꞉ pi lo hala꞉me.

Luku 19:47

Kutupa hoto paeyao Yesuma꞉ mo tembolo da pa꞉ta꞉ pi wala꞉tiki pu hayekeme. Pate mo hande yeni peao haemeke haliwekina꞉ you haliwekima꞉ make pi ula꞉eki walo haemeke haliwekima꞉ make mo wanda꞉halina꞉ you haliwekima꞉ make Yesu luekema꞉ hone wimikime.

Dioni 18:20

Yesuma꞉ ipika꞉ pi hombo peaaso alota꞉ Wanda꞉halina꞉ leke popelekena꞉ hata꞉ wanda꞉hali paeyao pa꞉ta꞉ walo haowa꞉me. Kutupa Diu wanda꞉hali mombolo haleme alena꞉ make mo pi hotu haleme da pa꞉ta꞉manu make mo tembolo da pa꞉ta꞉ make I̱ma꞉ koto pa꞉ta꞉ hata꞉ pi wala꞉tiki pua꞉me. Pi ma꞉nda꞉ na a꞉mbao loa꞉me.

Dioni 8:2

Da ka꞉la꞉paaso siki ipikita꞉ paa la꞉ka꞉la mo tembolo da pa꞉ta꞉ peekeme. Kutupa wanda꞉hali wopu ipiki pa꞉ta꞉ mombelemeke handaa ipikana꞉ma꞉ pitiniao pita꞉ mo wanda꞉hali pa꞉ta꞉ pi waleekeme.

Dioni 7:37

Mo hande ne pambemekeeki paeyeke natena꞉ nate tieke yeekeme. Koto natena꞉ Yesuma꞉ tia liao hata꞉ pi anekema꞉ alota꞉ Hali epima꞉ ikali nena꞉ pia꞉ka꞉na꞉ta꞉ I̱ pa꞉ta꞉ a꞉pa nea꞉ka꞉na꞉ta꞉ epelieke.

Dioni 7:2

Hande Sale damanu pa꞉ta꞉ haemeke ekina꞉ ne pambolo pimiki di tekepa꞉ta꞉ yeekeme.

Dioni 5:14

Wetepena꞉ mo tembolo da tukiki pa꞉ta꞉ Yesuma꞉ hande hali handa꞉ wia alota꞉ Handa꞉e. Ame neketa꞉ epeke loke haleme. Hoke hau paa na pea꞉peke. Neke pa꞉ta꞉ ka꞉nda꞉ma꞉ homa꞉la꞉ hau tieke a꞉paama꞉na꞉ loa꞉me leekeme.

Ma꞉tiu 26:55

Kutaata꞉ Yesuma꞉ mo ipiki minuluekema꞉ epemeke haliweki pa꞉ta꞉ alota꞉ Ika꞉ honema꞉ I̱ta꞉ pi ula꞉eki na opiki nono pea a꞉nda꞉ lita꞉la꞉ hali patema꞉ do kepete tieke dolo make miniki a꞉pa pimipe. Nate wopu I̱ma꞉ta꞉ tembolo da tukiki pa꞉ta꞉ iki ame̱le̱ pi walo haowa꞉pate ikana꞉ma꞉ I̱ na da꞉ka꞉pa꞉ minimime.

Ma꞉tiu 21:12

Yesuma꞉ mo hande Tembolo da pa꞉ta꞉ hondo pambaata꞉ koto pa꞉ta꞉ mo ala꞉ta꞉ ala꞉ta꞉ hambemeke haliweki make tapaatiki pimiki haliweki iki paeyao tolu tankulupe miniekeme. Kutupata꞉ mo mani topo pu hala꞉ haliwekina꞉ teipolomanu make mo melipu bamanu hambo haemeke haliwekina꞉ pitieke alemanu make hoela꞉ mipi baeyekeme.

Dioni 8:20

Koto leeke pi manuta꞉ Yesuma꞉ta꞉ pi walolo mo mani wimiki tembolo da panda꞉ pa꞉ta꞉ hata꞉ leekeme. Kutupa ipika꞉ nate a̱i̱ dia꞉yeke handaa hali ma꞉nda꞉ma꞉ ipiki na da꞉ka꞉pa꞉ miniekeme.