Dioni 6:51 - Panake Pi La: Ula: Buka pita: Kine Pieke Buka

⁵¹ Oli hepeni nane hao hola꞉pa꞉niao a꞉pa꞉la꞉ da꞉ta꞉la꞉ palaowata꞉ I̱e leekeme. Hali epima꞉ do palaowa nea꞉ka꞉na꞉ta꞉ da꞉ta hao halieke. Kutupa mo hali pa꞉ta꞉ I̱ma꞉ halo polo palaowata꞉ yaka loke mindiki kone halueke. Kenke wanda꞉hali paeyaoma꞉ da꞉ta꞉la꞉eki mina꞉yeke yaka loke mindiki halueke leekeme.

Dioni 6:51 Referans Kwoze

Luku 22:19

Kutupa ipikana꞉ma꞉ mo betedi mea Koda꞉ pa꞉ta꞉ keiyae laa pindi pindi pea iki pa꞉ta꞉ halolo hata꞉ alota꞉ Dota꞉ yaka lokee laata꞉ iki pa꞉ta꞉ ka꞉la꞉ ekie. Dupiki hauta꞉ I̱ hone niminaaso hata꞉ pea꞉tiki pu hapa꞉peke leekeme.

Dioni 6:33

Do hande Koda꞉ma꞉ kita꞉la꞉ palaowata꞉ ipikana꞉ma꞉ hepeni mina꞉pa꞉lao hola꞉pa꞉niao a꞉paata꞉ kenke wanda꞉hali pa꞉ta꞉ da꞉ta꞉la꞉eki hala꞉la꞉me leekeme.

Dioni 3:13

Kutupa hali homeke a꞉nda꞉ oli hepeni nane na pa꞉la꞉pate hande Wanda꞉halina꞉ Eiyeke hepeni nane hao a꞉pa꞉la꞉ hali homekee laa leekeme.

Taitasi 2:14

Ketiso ipikita꞉ nikina꞉ homeekeme. Kutu pieke ekima꞉ta꞉ nikita꞉ mo hoke hau pa꞉ta꞉ haomeke yoka꞉ muluekema꞉ make ipika꞉ epeke hauna꞉ puawee hone pa꞉la꞉ yako piki wanda꞉hali homeke hamono yeke piekeme.

Ma꞉tiu 20:28

Pa ekipeke Wanda꞉halina꞉ Eiyeketa꞉ mo wanda꞉halima꞉ ipika꞉ e pokaena꞉ loluekema꞉ yeke na epeeke yekepate ipikana꞉ma꞉ pa ika꞉ e pokaaluekema꞉ make ipika꞉ da꞉ta꞉la꞉ ekima꞉ta꞉ iki wopuna꞉ hoke hauna꞉ yenki haluekema꞉ yeke epea꞉me leekeme.

Hibulu 10:20

Nikana꞉ma꞉ mo Ota꞉ Yako Piki Da Panda꞉ pa꞉ta꞉ honda꞉ pambomonota꞉ Ketisoma꞉ mo deto hala꞉ panake pota꞉ homeketa꞉ mo tupele dau ponda꞉pa꞉ lia wiaeyekeme. Koto tupele dauta꞉ ipika꞉ lokee.

2 Kotindi 5:21

Ketiso pa꞉ta꞉ hoke hau ma꞉nda꞉ na wia꞉pate kone nika꞉ epeke hau peaaso hata꞉ Koda꞉ma꞉ ipikita꞉ nika꞉ hoke hau putupa꞉ mina꞉ leekeme. Pa ekipeke nikana꞉ma꞉ ipiki ame̱le̱ tunaasota꞉ mo Koda꞉na꞉ tikitiki pa꞉la꞉eki putu pomono yeke pa꞉la꞉me.

1 Pida 2:4

Tekehalita꞉ mo da꞉ta ula꞉ toopi pa꞉ta꞉ ipu hapa꞉peke. Wanda꞉halima꞉ta꞉ koto toopita꞉ pa alee hone wia kiao haemekeme. Koto pimikipate Koda꞉ma꞉ mo toopita꞉ ota꞉ epekeekie la ma̱leke liekeme.

Epesese 5:2

Hande Ketisoma꞉ niki pa꞉ta꞉ pukima꞉ homa꞉la꞉ tupa꞉ ikana꞉ma꞉ make pukima꞉ homa hapa꞉peke. Ipikana꞉ma꞉ Koda꞉ ta꞉na꞉ma꞉ homaaso hata꞉ ma꞉na꞉ lia halo haemeke tupa꞉ totopo piki ale leke ipika꞉ da꞉ta꞉la꞉eki kone nika꞉eki halawaeyekeme.

Dioni 3:16

Do ekina꞉yeke loa꞉me. Koda꞉ma꞉ kenke wanda꞉hali pa꞉ta꞉ pukima꞉ wotu homolo hata꞉ ipika꞉ Weki homeke kone kiekeme. Kutupa hali epima꞉ ipika꞉ Weki pa꞉ta꞉ hone tulao haya꞉ka꞉na꞉ta꞉ kota꞉ koto hali na homeke deto hala꞉eki mina꞉yeke kiekeme.

Dioni 1:29

Da kelepeeketa꞉ Dionima꞉ ipiki pa꞉ta꞉ Yesu epeekeeki handolo hata꞉ alota꞉ Koda꞉ ipika꞉ Sipisipi Ma꞉na꞉siki koto ipula꞉ma꞉ handa꞉pe laa ipikana꞉ma꞉ kenke wanda꞉hali paeyaona꞉ hoke hau peleme ekimanu mea pula꞉me.

1 Dioni 4:14

Kutupa nikana꞉ma꞉ handoloma꞉ ekita꞉ pa mo Atekema꞉ ipika꞉ Eiyeketa꞉ do kenke wanda꞉halina꞉ pa꞉ta꞉la꞉la꞉ some tapaala꞉me laa ma꞉nda꞉ ma꞉nda꞉ pa꞉ta꞉ la hala꞉tiki pu haloma꞉me.

1 Dioni 4:10

Pukima꞉ homa꞉la꞉ ekita꞉ dupae. Nikana꞉ma꞉ Koda꞉ pa꞉ta꞉ pukima꞉ homomeke handa dia꞉ya꞉la꞉pate pa ipikana꞉ma꞉ niki pa꞉ta꞉ pukima꞉ homolo hata꞉ ipika꞉ weki tapaala꞉ ekima꞉ta꞉ nika꞉ hoke hau paeyao paeyawala꞉me.

1 Dioni 2:2

Kutupa Ketisota꞉ nika꞉ hoke hau paeyawala꞉ ekina꞉ tekee. Nika꞉ hoke hau homeke dia꞉ya꞉la꞉pate pa paeyao sikina꞉ hoke hau make loa꞉me.

Dioni 1:14

Mo hande Pita꞉ hali au la a꞉pa niki ame̱le̱ haya꞉me. Ipika꞉ pa̱a̱ pu hala꞉eki pa a꞉ta꞉ma꞉ homa꞉la꞉eki make ota꞉ hau pita꞉la꞉eki make tumba pitia꞉eki nikana꞉ma꞉ handoma꞉me. Koto hande pa̱a̱ pu hala꞉ ekita꞉ ipikita꞉ Atekena꞉ Eiyeke homeke kone hata꞉ miekeme.

Epesese 5:25

Haliwekio Ketisoma꞉ ipika꞉ siosi wanda꞉hali pa꞉ta꞉ pukima꞉ homolo hata꞉ ipika꞉ da꞉ta꞉la꞉eki kone alupaeyeke tupa꞉ ikana꞉ma꞉ make ika꞉ wanda꞉weki pa꞉ta꞉ pukima꞉ homolo hata꞉ hapa꞉peke.

2 Kotindi 5:19

Nikana꞉ma꞉ waloloma꞉ ekita꞉ Koda꞉ma꞉ta꞉ wanda꞉hali paeyaota꞉ Ketiso pa꞉ta꞉ yama꞉ ipika꞉ yankeke au laala꞉ ekina꞉ aloma꞉me. Koda꞉ma꞉ta꞉ iki pi yokaalu puluekema꞉ ika꞉ hoke hau na yata꞉pea꞉me. Kutupa ipikana꞉ma꞉ta꞉ mo wanda꞉hali ipika꞉ yankekemanu au lao hala꞉ pita꞉ niki pa꞉ta꞉ la kia꞉me.

Dioni 7:38

Mo Baibolo bukama꞉ la꞉la꞉ ekita꞉ dupae. Hali epima꞉ I̱ pa꞉ta꞉ hone tulaeya꞉ka꞉na꞉ta꞉ ipika꞉ puki pa꞉ta꞉ da꞉ta꞉la꞉ ikali opa wotu yapilieke la꞉la꞉me leekeme.

Dioni 3:14

Hande Mosesima꞉ mo hapu hayeke alena꞉ hata꞉ mo keto mea a꞉meiyaeyeke tupa꞉ta꞉ kota꞉ koto tupa꞉ kone hande Wanda꞉halina꞉ Eiyeketa꞉

Dioni 3:36

Hali epima꞉ hande Eiyeke pa꞉ta꞉ hone tulao haya꞉ka꞉na꞉ta꞉ kota꞉ koto halima꞉ da꞉ta꞉ hao halo pa꞉la꞉pate hali epima꞉ hande Eiyekena꞉ kakena꞉ na homea꞉ka꞉na꞉ta꞉ deto hala꞉eki na miki haena꞉ Koda꞉ ipika꞉ mineke panka꞉la꞉eki koto hali pa꞉ta꞉ ula꞉me.

Dioni 5:24

Iki pa꞉ta꞉ ota꞉ pi alome. Hali epima꞉ I̱ma꞉ alo pimanu opuaata꞉ I̱ tapaala꞉ hali pa꞉ta꞉ make hone tulaeya꞉ka꞉na꞉ta꞉ kota꞉ koto halita꞉ deto hala꞉eki miniki hala꞉me. Kutu pita꞉la꞉ halita꞉ homa꞉la꞉eki mina꞉pa꞉lao da꞉ta꞉la꞉eki amba꞉ miniki hala꞉eki yolo hata꞉ pi yokaalu pulu pa꞉la꞉ pa꞉ta꞉ na pelieke.

Dioni 6:35

Yesuma꞉ mo wanda꞉hali pa꞉ta꞉ alota꞉ Da꞉ta꞉la꞉ palaowata꞉ I̱ konee laata꞉ Hali epima꞉ I̱ pa꞉ta꞉ epea꞉ka꞉na꞉ta꞉ tea꞉ma꞉ paa na homilieke. Kutupa hali epima꞉ I̱ pa꞉ta꞉ hone tulaeya꞉ka꞉na꞉ta꞉ ikali na꞉na꞉ paa na pilieke leekeme.

Dioni 6:41

Yesuma꞉ mo hepeni nane hao hola꞉pa꞉niao epoa꞉ da꞉ta꞉la꞉ palaowata꞉ I̱ konee leeke ekina꞉ mo wanda꞉halima꞉ ipiki pa꞉ta꞉ tulu tulu leekeme.

Dioni 6:47

Iki pa꞉ta꞉ ota꞉ pi alome laata꞉ I̱ pa꞉ta꞉ hone tulaasa꞉ halita꞉ da꞉ta hao hala꞉me.

Dioni 6:48

Da꞉ta꞉la꞉ palaowata꞉ I̱e laata꞉

Dioni 6:50

Kutu pimikipate oli hepeni nane hao hola꞉pa꞉niao epeeke palaowata꞉ hali epima꞉ koto palaowa nea꞉ka꞉na꞉ta꞉ na homilieke.

Dioni 11:26

Kutupa hali epima꞉ da꞉ta꞉ hata꞉ I̱ pa꞉ta꞉ hone tulao haya꞉ka꞉na꞉ta꞉ koto halita꞉ ota꞉ na homilieke. I̱ma꞉ do alo pina꞉ homelepe laa leekeme.