Dioni 6:41 - Panake Pi La: Ula: Buka pita: Kine Pieke Buka

⁴¹ Yesuma꞉ mo hepeni nane hao hola꞉pa꞉niao epoa꞉ da꞉ta꞉la꞉ palaowata꞉ I̱ konee leeke ekina꞉ mo wanda꞉halima꞉ ipiki pa꞉ta꞉ tulu tulu leekeme.

Dioni 6:41 Referans Kwoze

Dioni 6:48

Da꞉ta꞉la꞉ palaowata꞉ I̱e laata꞉

Dioni 6:33

Do hande Koda꞉ma꞉ kita꞉la꞉ palaowata꞉ ipikana꞉ma꞉ hepeni mina꞉pa꞉lao hola꞉pa꞉niao a꞉paata꞉ kenke wanda꞉hali pa꞉ta꞉ da꞉ta꞉la꞉eki hala꞉la꞉me leekeme.

Dioni 7:12

Mo wanda꞉hali paeyaoma꞉ Yesu pa꞉ta꞉ pi alo hata꞉ hambiliki hambilikima꞉ pimikime. Mandane wanda꞉halima꞉ta꞉ Ipikita꞉ epeke halie lemekepate mandane wanda꞉halima꞉ta꞉ Dia꞉me laa Wanda꞉hali pa꞉ta꞉ ya pi lo hala꞉ halie lemekeme.

Dioni 6:66

Koto leeke handaa Yesu ipika꞉ hoki nane telimiki haliweki wopuma꞉ Yesu kiao mina꞉pa꞉lao ipiki ame̱le̱ paa na pomu haemekeme.

Dioni 6:60

Ipika꞉ disaipolo haliweki wopuma꞉ koto leekeeki opua alota꞉ Do pita꞉ ka꞉nda꞉ wopu piki pie. Epi amedama꞉ opua꞉peke ya꞉la꞉pe lemekeme.

Diudi 1:16

Do wanda꞉halita꞉ hoto paeyao hambilikima꞉ hambilikima꞉ pea ma꞉nda꞉ la꞉mea tiao halememe. Kutupa ikana꞉ma꞉ta꞉ ika꞉ lokena꞉ hone pa꞉la꞉ ekimanu tolu hata꞉ ika꞉ kone hakoko lu halememe. Kutupa ika꞉ pota꞉ pilaluekema꞉ ma꞉nda꞉ pa꞉ta꞉ pukineke pimanu lo halememe.

Dioni 6:58

Koto ekina꞉ do ekita꞉ hande hepeni nane hao hola꞉pa꞉niao a꞉pa꞉la꞉ palaowae laata꞉ hande ika꞉ apa꞉mei amedama꞉ naa homemeke palaowa tupa꞉ dia꞉me. Hali epima꞉ do palaowa nea꞉ka꞉na꞉ta꞉ da꞉ta hao halieke leekeme.

Dioni 6:43

Yesuma꞉ ika꞉ pi hombo peaaso alota꞉ Ikana꞉ma꞉ I̱ pa꞉ta꞉ tulu tulu aleme pi paapa꞉peke leekeme.

Luku 19:7

Wanda꞉hali paeyaoma꞉ Kutu piekeeki hando haota꞉ hambilikima꞉ hambilikima꞉ pitolo alota꞉ Do halita꞉ mo hande hoke hau pa꞉la꞉ halina꞉ da pa꞉ta꞉ kimisu pula꞉me lemekeme.

Luku 15:2

hande Pa꞉tisi haliwekima꞉ make mo hande Lo Pi walo haemeke haliwekima꞉ make kotoeki handaata꞉ pi la la pitolo hata꞉ ika꞉ kone alota꞉ Do halima꞉ta꞉ mo hoke haliweki handa꞉ mea꞉tiki pea ne kone homeke pa꞉ta꞉ netiki pitelememe laa lemeke handa

Luku 5:30

Kutupa mandane Pa꞉tisi haliweki manuma꞉ make iki ame̱le̱ apa꞉taemeke mandane Lo Pi wala꞉la꞉ haliwekima꞉ make Yesuna꞉ disaipolo haliweki pa꞉ta꞉ ka꞉nda꞉ piki pimanu lota꞉ pitolo hata꞉ alota꞉ Mo dakisi mani mu haleme haliweki make mo hoke hauma꞉ ha̱i̱ pieke handaa mina꞉pa꞉laemeke wanda꞉hali ame̱le̱ mandake pa꞉ta꞉ pita꞉ ne ikalimanu ekipeke nalemepe laa lota꞉ pimikime.

1 Kotindi 10:10

Kutupa nikana꞉ma꞉ Koda꞉ pa꞉ta꞉ pi la la na pumana꞉ pea꞉pa꞉peke. Mo hande mandane wanda꞉halima꞉ kutupiki hau pimiki handaata꞉ mo lu homaasa꞉ enisoloma꞉ iki liekeme.

Dioni 1:19

Dionima꞉ koto leeke ekina꞉ mo Diutuseleme nane haemeke Diu haliwekima꞉ta꞉ yeni peao haemeke haliwekima꞉ make Lipae tapake haliwekima꞉ make Dioni pa꞉ta꞉ Neketa꞉ epika꞉ta꞉pe laa lota꞉ pulu pena꞉ tapaemekeme.