Dioni 5:44 - Panake Pi La: Ula: Buka pita: Kine Pieke Buka

⁴⁴ Ikana꞉ma꞉ ika꞉ ika꞉ kone ika꞉ pi lao alualu piteleme ekita꞉ hone pa꞉la꞉pate hande homeke hala꞉ Koda꞉ma꞉ ika꞉ pi laasa꞉ ekita꞉ hone na witelememe. Kutu piteleme ekina꞉ ika꞉ honeta꞉ I̱ pa꞉ta꞉ ekipa tulaalimikipe.

Dioni 5:44 Referans Kwoze

Dioni 12:43

Koda꞉ma꞉ ika꞉ pi laena꞉ hone na wiki kenke haliwekima꞉ laena꞉ hone wopu wimikime.

Loma꞉ 2:29

Ota꞉ Diu hali hala꞉ ekita꞉ puki pa꞉ta꞉ mea mendia hala꞉eki ota꞉ekie. Kutu piki halina꞉ puki pa꞉ta꞉ Koda꞉ma꞉ make amba꞉ hao hala꞉me. Kutu piki hauta꞉ Koda꞉na꞉ Sipitidima꞉ peaala꞉me. Hande wape peaala꞉ Lo Pimanu na peaala꞉me. Kutu piki halita꞉ wanda꞉halima꞉ ipika꞉ pi na laasemepate Koda꞉ma꞉ kone ipika꞉ pi laasa꞉me.

Pilipai 2:3

Kutupa make naka꞉ honumake homeke hone witolo o honumake hau o handaena꞉ hau ma꞉nda꞉ na pea꞉pa꞉peke. Kotoeki na pikita꞉ iki paeyao homu pu alualu pea hata꞉ ma꞉nda꞉ pa꞉ta꞉ ika꞉ hauma꞉ta꞉ nika꞉ hau lombei pa꞉la꞉me laa hone u hapa꞉peke.

Ma꞉tiu 23:5

Ika꞉ pu haleme hau paeyaota꞉ pa wanda꞉halima꞉ handaena꞉ pu halememe. Ika꞉ you taado manda pokede nu dake petipekemanu wepu make kutupa mo kiki maketopa꞉ yaapona꞉ make homeke tupa꞉ kone pokede nu dakemanu wepiaata꞉ Koda꞉na꞉ pi tunkula ula꞉ ekimanu wape pea panko hopa꞉liao yamaata꞉ ta pomua꞉tiki piteme handa꞉e. Kutupa make ika꞉ dau tumiki kake nina꞉ta꞉ ota꞉ haka꞉ta꞉pao au laaseme pu honiki honiki make taa piteme handa꞉e.

1 Pida 1:7

Mo tekipuleke laasa꞉ haumanu ipula꞉ ekina꞉ teketa꞉ mo ikana꞉ma꞉ Koda꞉ pa꞉ta꞉ hone tulaleme ekita꞉ ota꞉eki yaaluekema꞉ ipu hala꞉me. Kenke pa꞉ta꞉ awa mina꞉la꞉ kolota꞉ hoeyaapeke ya꞉la꞉pate kone haliwekima꞉ ota꞉ kolope o hoke ekipe laa pa handuluekema꞉ tima꞉ yanka hando halememe. Koto piteleme tupa꞉ kone ika꞉ hone tulaaseme ekina꞉ taka꞉lao hamena꞉ la handilieke. Mo kolota꞉ ota꞉ epeke ale ya꞉la꞉pate kone ikana꞉ma꞉ Koda꞉ pa꞉ta꞉ hone tulaleme ekima꞉ta꞉ mo kolo make ota꞉ lombei pa꞉la꞉me. Taka꞉lao haemeka꞉na꞉ta꞉ mo Yesu Ketisona꞉ opolo ipilie natena꞉ ikita꞉ yeiya꞉ laasa꞉eki mu pa̱a̱ peaasa꞉eki mu titina꞉ amba꞉la haasa꞉eki mu pilimikie.

1 Kotindi 4:5

Koto ekina꞉ mo Tekehalina꞉ pi yokaalu pulu pa꞉la꞉ Nate epena꞉yeke handeteke hata꞉ta꞉ ikana꞉ma꞉ ma꞉nda꞉na꞉eki amba꞉la pi yokaalu na peke pa handeteke hapa꞉peke. Tekehalima꞉ epena꞉ yu wia hapa꞉peke. Ipikana꞉ma꞉ mo timba꞉ lekeeki pa꞉ta꞉ a꞉mbao ula꞉eki paeyaota꞉ pa̱a̱na꞉ mea wilieke. Kutupa wanda꞉halima꞉ puki nane panka꞉ ula꞉ honemanu ipikana꞉ma꞉ peneme yaalieke. Koto dina꞉ta꞉ Koda꞉ma꞉ wanda꞉hali paeyaoma꞉ pimi ekina꞉ yenkita꞉ ana꞉na꞉ mea꞉peke ekimanu handolo hata꞉ ikina꞉ pi la wilieke.

Loma꞉ 2:10

Koda꞉ma꞉ kutu pulu pa꞉la꞉pate epeke hau pu haleme wanda꞉halita꞉ biki ula꞉ kapu halaata꞉ ika꞉ pi laota꞉ ika꞉ puki lopa꞉niaalieke. Diu wanda꞉hali pa꞉ta꞉ amba꞉la pea Diendaili wanda꞉hali pa꞉ta꞉ make kutu pilieke.

Loma꞉ 2:7

Mandane wanda꞉halima꞉ta꞉ epeke haumanu pu hatiki peaata꞉ ika꞉ biki epeke wina꞉ lolo pa꞉la꞉eki make Koda꞉ma꞉ ika꞉ pi lawalo pa꞉la꞉eki make homa꞉peke na yeke da꞉ta hao halo pa꞉la꞉eki make weiyu halememe. Kutu piki wanda꞉hali pa꞉ta꞉ Koda꞉ma꞉ da꞉ta hao halo pa꞉la꞉eki halieke.

Luku 19:17

Hande kinima꞉ alota꞉ Epeke tupa꞉ peleme. Neketa꞉ e epeke tupa꞉ pokale halie. Nakana꞉ma꞉ hosiki e kone epeke tupa꞉ handeteke haeke handa loa꞉ma꞉ ameta꞉ teke damanu kiki yaapo handeteke halena꞉yeke kitolome leekeme.

Dia꞉mesi 2:1

Ya kametitio. Hande pa̱a̱ pa꞉la꞉ Tekehalita꞉ nika꞉ Tekehali Yesu Ketiso pa꞉ta꞉ hone tulao hata꞉ wanda꞉hali pa꞉ta꞉ honditi na pea꞉pa꞉peke.

Hibulu 3:12

Aiyo. Kame tonuo. Iki ma꞉nda꞉ mo deto hala꞉ Koda꞉ mina꞉pa꞉laluekema꞉ hoke hone na tulaasa꞉ hoke hone wiaama꞉na꞉ ota꞉ wopu handeteke hapa꞉peke.

2 Kotindi 10:18

Ma꞉nda꞉ma꞉ I̱ta꞉ epeke halie hone wita꞉la꞉ ekima꞉ta꞉ kota꞉ ipikita꞉ epeke hali dia꞉ya꞉la꞉pate pa mo Koda꞉ma꞉ ipiki pa꞉ta꞉ epeke halie lea꞉ka꞉na꞉ta꞉ kota꞉ koto someta꞉ ota꞉ epeke hali hala꞉me.

Dioni 17:3

Deto hala꞉ ekita꞉ dupae. Neke homeke ota꞉ Koda꞉ haleeki make nakana꞉ma꞉ tapaale hali Yesu Ketiso hala꞉eki make telipina꞉ handa꞉la꞉ekie.

Dioni 8:43

Ikana꞉ma꞉ I̱ma꞉ alo pita꞉ ekipeke hone na witelemepe. I̱ma꞉ aloeki na opulumeke hone witeleme ekina꞉ loa꞉me.

Dioni 3:20

Hoke hau pu haleme haliwekima꞉ta꞉ mo pa̱a̱ pa꞉la꞉ ekina꞉ ika꞉ hoke haumanu peneme yao walaapa꞉na꞉ ota꞉ kiaaso hata꞉ mo pa̱a̱ pa꞉la꞉eki pa꞉ta꞉ na ipilimikie.

Dioni 5:41

Wanda꞉halima꞉ yaka pi laena꞉yeke na weitolopate

1 Desalonaika 2:6

Kota꞉ ikana꞉ma꞉ make mo mandane wanda꞉halima꞉ make nika꞉ biki a꞉meiyamena꞉yeke weiya na puma꞉pate

1 Timodi 1:17

Mo lekema꞉ handa꞉peke na yo make homa꞉peke na yo piki da꞉ta hao hala꞉ Kini hali ipiki homeke kone Koda꞉ hala꞉me. Ipika꞉ biki tieke ota꞉ kende wina꞉ mea a꞉meiyaena꞉ la꞉na꞉e. Kutu pina꞉e.

Diudi 1:25

Do Koda꞉ homekema꞉ta꞉ nika꞉ Tekehali Yesu Ketiso pa꞉ta꞉ yama꞉ niki pa꞉ta꞉la꞉la꞉me. Koto ekina꞉ nikana꞉ma꞉ta꞉ ipika꞉ biki yeiya꞉ laamana꞉e. Ipikita꞉ titina꞉ kini hata꞉ honkopu tieke haena꞉e. Kutupa ipikita꞉ ala꞉ta꞉ ala꞉ta꞉ paeyaona꞉ you hali haena꞉e. Ipikita꞉ amba꞉ make ame make wetepe nina꞉ make do tupa꞉ kone hao haena꞉e. Kutu pina꞉e