Dioni 5:43 - Panake Pi La: Ula: Buka pita: Kine Pieke Buka

⁴³ I̱ta꞉ yaka Apa꞉na꞉ bikina꞉ epolopate ikana꞉ma꞉ I̱ na handa꞉ minelememe. Hali ma꞉nda꞉ ipika꞉ kone epea꞉ka꞉na꞉ta꞉ ikana꞉ma꞉ kutupiki hali handa꞉ milimikie.

Dioni 5:43 Referans Kwoze

Dioni 10:25

Yesuma꞉ iki pi hombo peaaso alota꞉ I̱ma꞉ iki pa꞉ta꞉ amba꞉ la kua꞉pateta꞉ ikana꞉ma꞉ I̱ pa꞉ta꞉ hone na tulaalememe. Yaka Apa꞉na꞉ bikina꞉ pitolo haumanu paeyaoma꞉ta꞉ yaka biki mea a꞉meiyaasemepateta꞉

Ma꞉tiu 24:5

Hali wopuma꞉ ya biki la꞉ paleke ipulu alota꞉ I̱ta꞉ ota꞉ Ketisoe lelimikie. Koto lelimi ekima꞉ta꞉ wanda꞉hali wopu makealimikie alome.

Dioni 6:38

I̱ma꞉ta꞉ oli hepeni nane hao hola꞉pa꞉niao a꞉pa yaka hone pa꞉la꞉eki puluekema꞉ na epeke I̱ tapaala꞉ halina꞉ hone pa꞉la꞉eki puluekema꞉ epolo ekina꞉ loa꞉me.

Dioni 12:28

Apa꞉o. Naka꞉ biki tieke wina꞉ lapeke leekeme. Koto la haena꞉ oli ya nanema꞉ la꞉niaeyeke pi ho̱la̱꞉makema꞉ alota꞉ Yaka bikita꞉ amba꞉ titina꞉ tieke wina꞉ lolopate paa ma꞉nda꞉ alo peao tieke wina꞉ lolueke leekeme.

Ma꞉tiu 24:24

Yayapiki Ketisomanu make yayapiki pi la꞉ mea halo hala꞉ haliweki make a꞉pa mo hande Koda꞉na꞉ ma̱leke lila꞉ wanda꞉hali pa nane hatuku mea puluekema꞉ yeke iki makeaapeke ya꞉la꞉o laa makea handuluekema꞉ na handeke hau tieke tiekemanu make wele pita꞉la꞉ ekimanu make walimikie.

Dioni 3:16

Do ekina꞉yeke loa꞉me. Koda꞉ma꞉ kenke wanda꞉hali pa꞉ta꞉ pukima꞉ wotu homolo hata꞉ ipika꞉ Weki homeke kone kiekeme. Kutupa hali epima꞉ ipika꞉ Weki pa꞉ta꞉ hone tulao haya꞉ka꞉na꞉ta꞉ kota꞉ koto hali na homeke deto hala꞉eki mina꞉yeke kiekeme.

Aposolo 21:38

Kutupa mo somema꞉ alota꞉ Kitiki pita꞉ neketa꞉ opelepe leekeme. Neketa꞉ mo hande Idiepi hali dia꞉ya꞉ka꞉ta꞉pe laata꞉ Neketa꞉ kapomani mea lopaaluekema꞉ mo 4 daoseni pi uleke yambolo haemeke haliweki sutiao mo hapu hayeke alena꞉ hatuku peeke hali dia꞉ya꞉ka꞉ta꞉pe leekeme.

Dioni 5:42

ikita꞉ I̱ma꞉ amba꞉ handoa꞉me. Koda꞉ pa꞉ta꞉ pukima꞉ homeleme ekita꞉ ika꞉ puki pa꞉ta꞉ na ula꞉me.