Dioni 4:48 - Panake Pi La: Ula: Buka pita: Kine Pieke Buka

⁴⁸ Yesuma꞉ mo hali pa꞉ta꞉ alota꞉ Ikana꞉ma꞉ hau tieke ipula꞉eki handolo homeke pa hone tulaasememe leekeme.

Dioni 4:48 Referans Kwoze

Dioni 20:29

Yesuma꞉ ipiki pa꞉ta꞉ alota꞉ I̱ handele ekima꞉ pi opitele laa I̱ na handeke hata꞉ kone pi mineleme wanda꞉halima꞉ ta꞉na꞉ma꞉ homa halimikie leekeme.

Hibulu 2:4

Kutaa make koto ikana꞉ma꞉ la kimi pi manuta꞉ ota꞉ pie hone wiomono yeketa꞉ Koda꞉ma꞉ na handeke haumanu make ta꞉ta꞉ piki haumanu make piekeme. Kutupa make ipika꞉ hone pieke ekina꞉ mo Holi Sipitidina꞉ peaasa꞉ haumanu pa hameke haka꞉ta꞉pao telipatiki pu hayekeme.

1 Kotindi 1:22

Mo Diu wanda꞉halima꞉ Na hando haloma꞉eki handoma꞉ka꞉na꞉ta꞉ kota꞉ opulumeke laa alememe. Kutupa hande Kitiki wanda꞉halima꞉ta꞉ hone wotu witemeeki weitelememe.

Aposolo 2:22

Isulai haliwekio. I̱ma꞉ do alo pi opua꞉pa꞉peke. Hande Na꞉sa꞉tete hali Yesuta꞉ iki ame̱le̱ a꞉pa hata꞉ta꞉ Koda꞉ma꞉ wele peaaso haena꞉ Yesuma꞉ na hando haloma꞉ ekimanu make wele pita꞉la꞉ ekimanu make ipikana꞉ma꞉ pitolo haena꞉ Koda꞉ma꞉ ipikita꞉ I̱ma꞉ tapaalo halie laa peneme yatiki pia꞉me. Kutupa do haumanu paeyao ika꞉ hone wilimime leekeme.

Dioni 12:37

Ipikana꞉ma꞉ta꞉ wanda꞉halina꞉ leke popelekena꞉ hata꞉ kone wele wotu pieke ekimanu mo wanda꞉halima꞉ handaa kone ipiki pa꞉ta꞉ hone na tulaemekeme.

2 Kotindi 12:12

Mo hande na handeke haumanu make ta꞉ta꞉piki haumanu make iki tukikina꞉ peneme yaasota꞉ I̱ta꞉ ota꞉ aposolo hali wala꞉la꞉me. Kutupiki haumanu pua꞉ ekita꞉ homuma꞉ pua꞉ ekina꞉ loa꞉me.

Loma꞉ 15:19

wele wotu pa꞉la꞉ ekimanu make na hando haeme ekimanu make ipika꞉ Sipitidima꞉ wele wotu pia꞉eki make koto ekimanu paeyao handaata꞉ pimikime. Koto ekina꞉ I̱ma꞉ta꞉ mo Diutuseleme da pa꞉ta꞉ kini pu mea wala꞉tiki pua mo Ilitikumi nane kone mo hande Ketiso pa꞉ta꞉ ipula꞉ Pi Seliapo paeyao pa꞉ta꞉ wala꞉niaowa꞉me.

Aposolo 14:3

Kutupa Polo Banabasi yaapoma꞉ koto pa꞉ta꞉ hao hata꞉ paala꞉ma꞉ na homeke Tekehali Koda꞉na꞉ pi wala꞉tiki pipikime. Kutupa Tekehalima꞉ ipika꞉ pa a꞉ta꞉ma꞉ homa꞉la꞉ pi wanda꞉hali pa꞉ta꞉ peneme yaaluekema꞉ mo hali yaapoma꞉ wele peaaso hata꞉ na hando haemeke ekimanu pina꞉ leekeme.

Maka 13:22

Yayapiki Ketiso haliweki make yayapiki potopede haliweki make a꞉paata꞉ iki penkilipulu peleme alemanu make wele pita꞉la꞉ ekimanu make walaata꞉ mo hande Koda꞉na꞉ talopu ma꞉la꞉ wanda꞉hali kone kutu pea꞉peke ya꞉ka꞉na꞉ta꞉ hatuku pu hoeyaaluekema꞉ walimikie.

Ma꞉tiu 24:24

Yayapiki Ketisomanu make yayapiki pi la꞉ mea halo hala꞉ haliweki make a꞉pa mo hande Koda꞉na꞉ ma̱leke lila꞉ wanda꞉hali pa nane hatuku mea puluekema꞉ yeke iki makeaapeke ya꞉la꞉o laa makea handuluekema꞉ na handeke hau tieke tiekemanu make wele pita꞉la꞉ ekimanu make walimikie.

Aposolo 2:43

Kutupa Koda꞉ma꞉ wele peaaso haena꞉ mo aposolo haliwekima꞉ na hando haemeke ekimanu wotu pimiki handaa wanda꞉hali paeyaoma꞉ paala꞉ma꞉ homemekeme.

Dioni 2:18

Mo Diu haliwekima꞉ ipika꞉ pi hombo peaaluekema꞉ lota꞉ pitolo alota꞉ Do pitele hauta꞉ naka꞉ biki ula꞉eki niki pa꞉ta꞉ta꞉ waluekema꞉ eki wele piteleeki pilipiki lemekeme.

Luku 16:31

Koto leekepate Eipoloha꞉ma꞉ma꞉ alota꞉ Hande Mosesima꞉ make potopede haliwekima꞉ amba꞉ lao ula꞉ ekimanu na opimika꞉na꞉ta꞉ kota꞉ mo homa꞉la꞉ hali ma꞉nda꞉ paa tiao epea꞉ka꞉na꞉ make hone ma꞉nda꞉ la꞉ka꞉la na wilimikie leekeme.

2 Desalonaika 2:9

Mo hande wanda꞉hali hoeyaalo pa꞉la꞉ hoke halita꞉ Sadanina꞉ wele taapuna꞉ ipilieke. Kutupa ipikana꞉ma꞉ pea꞉peke na yeke haumanu make yayapiki pate haumanu make na handeke haumanu make a꞉pa pilieke.

Aposolo 15:12

Banabasi Polo yaapoma꞉ta꞉ Koda꞉ma꞉ ipiliki pa꞉ta꞉ wele pita꞉la꞉eki halaata꞉ mo na hando haemeke ekimanu make wele pieke ekimanu make mo Diendaili wanda꞉hali pa꞉ta꞉ pieke ekimanu walolo haena꞉ta꞉ mo mombelemeke haliwekima꞉ opitolo hata꞉ pi na leke yopu pitimikime.

Aposolo 7:36

Mosesima꞉ mo wanda꞉hali Idiepi nane mina꞉pa꞉lao hatuku puaata꞉ mo Idiepi nane make mo Wepiki Dawala Ikali pa꞉ta꞉ make mo hapu hayeke ale pa꞉ta꞉manu make ipikana꞉ma꞉ bapi 40manu mo wanda꞉hali hatuku pominolo hata꞉ na hando haemeke hau tieke tieke pia꞉tiki piekeme.

Aposolo 6:8

Koda꞉ma꞉ ipika꞉ a꞉ta꞉ma꞉ homa꞉la꞉ ekima꞉ make wele pa꞉la꞉ ekima꞉ make Sidipenita꞉ tumbiekeme. Kutupa ipikana꞉ma꞉ mo wanda꞉hali pa꞉ta꞉ wele pa꞉la꞉ ekimanu make na hando haemeke ekimanu make pu tia pomiekeme.

Aposolo 5:12

Mo aposolo haliwekima꞉ wanda꞉hali pa꞉ta꞉ na hando haemeke ekimanu wotu pimikime. Kutupa paeyaoma꞉ mo tembolona꞉ kalale ma꞉nda꞉ biki Solomonona꞉ Kapu pa꞉ta꞉ mombela꞉tiki pimikime.

Aposolo 4:30

Wanda꞉halina꞉ yenimanu tande laluekema꞉ naka꞉ kiki tindipao hata꞉ka꞉na꞉ wele pita꞉la꞉ ekimanu make na hando haloma꞉ ekimanu make naka꞉ yakopiki E Pokaasa꞉ Hali Yesu ipika꞉ bikina꞉ pina꞉ lapeke laa lemekeme.

Aposolo 2:19

Oli ya nane make oni kenke nane make mo na hando haleme wele pita꞉la꞉ ekimanu pulueke. Kutupa we make ti uleke make lumu tieke make handilimikie.

Dioni 15:24

Amba꞉ titina꞉ ma꞉nda꞉ma꞉ na pieke ekimanu I̱ma꞉ iki ame̱le̱ na pua꞉ka꞉na꞉ yoluta꞉ ika꞉ hoke hauta꞉ peneme na yaalo pia꞉me. Koto pa꞉la꞉pate I̱ma꞉ pua꞉eki handaa kone yaka Apa꞉ diki pa꞉ta꞉ honditi pu halememe.

Luku 10:18

Yesuma꞉ ika꞉ pi hombo peaaso alota꞉ I̱ma꞉ Sadani oli ya nane yama꞉ ti tekele manda꞉na꞉ do kenkena꞉ lopea꞉ ekita꞉ handoa꞉me.

Ma꞉tiu 27:42

Ipikita꞉ mandane wanda꞉halita꞉ mea da꞉tatiki piekepate ipikana꞉ma꞉ta꞉ ipika꞉ kone da꞉taapeke na ya꞉leke pila꞉pe laa alota꞉ Ipikita꞉ mo hande Isulai tapakena꞉ Kini hali dia꞉ yekea. Ipikana꞉ma꞉ mo a꞉ka꞉tei wape piki ti mina꞉pa꞉lao hola꞉pa꞉niao epea꞉ka꞉na꞉ta꞉ kota꞉ ipikita꞉ ota꞉ Koda꞉na꞉ Eiyekee laa hone tulaalumeke.

Ma꞉tiu 16:1

Mo Pa꞉tisi haliweki make Sa꞉dusi haliweki tonka꞉na꞉ Yesu pa꞉ta꞉ a꞉pa ipika꞉ anke yololo alota꞉ Koda꞉ma꞉ neke pa꞉ta꞉ do wele a꞉nda꞉ ku haya꞉ka꞉na꞉ta꞉ kota꞉ nikana꞉ma꞉ handomono mo welema꞉ na handeke hau ma꞉nda꞉ pie lemekeme.

Dioni 4:49

Mo hande kapomani halima꞉ alota꞉ Aneke halio. Yaka weki homaapa꞉na꞉ dika꞉ mandakena꞉ pana꞉e laa leekeme.