Dioni 4:30 - Panake Pi La: Ula: Buka pita: Kine Pieke Buka

³⁰ Koto leeke ekina꞉ mo wanda꞉halita꞉ daoni mina꞉pa꞉lao Yesu handolo pemekeme.

Dioni 4:30 Referans Kwoze

Loma꞉ 5:20

Hande Lo Pi manuta꞉ wanda꞉halima꞉ hao hoeyaaseme ekimanu daeyaena꞉yeke Koda꞉ma꞉ wetepena꞉ Mosesi pa꞉ta꞉ la haleekeme. Kutu piekepate hoke haumanu daeya꞉tia peekepate Koda꞉ma꞉ pa hameke a꞉ta꞉ma꞉ homa꞉la꞉eki tiekema꞉ daeya꞉tia pulu hata꞉ lu ankulala꞉me.

Aposolo 13:42

Solo Banabasi yaapota꞉ hama꞉ nane pulu haena꞉ wanda꞉halima꞉ ipiliki pa꞉ta꞉ alota꞉ Hande lepe pi mo Hoto Pila꞉ Nate ma꞉nda꞉na꞉ make pa lopena꞉e laa honke lemekeme.

Aposolo 10:33

Koto ekina꞉ koto kone neke handa꞉ mulu pimi haliweki tapaowa꞉me leekeme. Kutupa epeke epeme leekeme. Ameta꞉ Tekehalima꞉ neke pa꞉ta꞉ dupa lapeke lea꞉ pimanu paeyao opoluekema꞉ do a꞉pa Koda꞉ pa꞉ta꞉ momba꞉la haloma꞉me leekeme.

Ma꞉tiu 20:16

Koto pi Yesuma꞉ lo a꞉mbolo hata꞉ alota꞉ Koto ekina꞉ mo ame biki na ula꞉ mandane wanda꞉hali woputa꞉ titina꞉ haena꞉ laata꞉ mo ame biki tieke ula꞉ mandane wanda꞉hali woputa꞉ wetepe halo yapilimikie laa leekeme.

Aposolo 28:28

Kutupa Poloma꞉ lo paeyaaso hata꞉ alota꞉ Hone wia꞉pa꞉peke. Koda꞉ma꞉ ipika꞉ da꞉taasa꞉ pita꞉ mo Diendaili wanda꞉hali pa꞉ta꞉ tapaasa꞉ma꞉ opilimikie laa lea꞉me.

Dioni 4:29

Hali ma꞉nda꞉ handoemena꞉ ipupe laata꞉ I̱ma꞉ amba꞉ pua꞉ ekimanu paeyaota꞉ ipikana꞉ma꞉ la kia꞉me laata꞉ Ipikita꞉ hande Ketisope leekeme.

Dioni 4:31

Koto hau pitolo haena꞉ta꞉ hande disaipolo haliwekima꞉ Yesu honke alo alota꞉ Disao. Ne ma꞉nda꞉ nae lemekepate

Dioni 4:39

Mo hande wanda꞉ma꞉ I̱ma꞉ pua꞉ ekimanu paeyao ipikana꞉ma꞉ la kia꞉me leeke ekina꞉ mo daoni pa꞉ta꞉ haemeke Sametia wanda꞉hali wopuma꞉ Yesu pa꞉ta꞉ hone tulaemekeme.