Dioni 4:15 - Panake Pi La: Ula: Buka pita: Kine Pieke Buka

¹⁵ Mo wanda꞉ma꞉ ipiki pa꞉ta꞉ alota꞉ Aneke halio. Nakana꞉ma꞉ koto ale ikalita꞉ I̱ ma꞉nda꞉ kie leekeme. Kutupa wetepena꞉ ikali nena꞉ paa na pitolo hata꞉ do naku ikali nolo paa na ipulueke leekeme.

Dioni 4:15 Referans Kwoze

Dioni 6:34

Mo wanda꞉halima꞉ ipiki pa꞉ta꞉ alota꞉ Aneke halio kutupiki palaowata꞉ niki pa꞉ta꞉ hoto paeyao ku hapeke.

Loma꞉ 8:5

Wanda꞉hali epi amedama꞉ ika꞉ lokena꞉ hone pa꞉la꞉ ekimanu pea꞉tiki pimika꞉na꞉ta꞉ kota꞉ ika꞉ hone witeleme ekita꞉ mo ekima꞉ kone handeteke hatiki pilieke. Wanda꞉hali epi amedama꞉ hande Sipitidima꞉ walo hala꞉eki pea꞉tiki pimika꞉na꞉ta꞉ kota꞉ ika꞉ hone witeleme ekita꞉ ipikana꞉ma꞉ handeteke hatiki pilieke.

Loma꞉ 6:23

Hoke hau piteleme ekina꞉ mea꞉peke yenkita꞉ homa꞉la꞉ekie. Kutu pa꞉la꞉pate Koda꞉ma꞉ pa hameke kita꞉la꞉ ekita꞉ da꞉ta hao hala꞉ekie. Nika꞉ Tekehali Yesu Ketiso yaapo ta꞉ma꞉ni pea hamono kita꞉la꞉me.

Dioni 6:26

Yesuma꞉ ika꞉ pi hombo peaaso alota꞉ Iki pa꞉ta꞉ ota꞉ pi alome. Hande wele pita꞉la꞉eki pua꞉eki handeme ekina꞉ I̱ weiya mea na epeke hande palaowa naa weleke haemeke ekina꞉ hone witolo hata꞉ I̱ weiya mea ipulimime.

1 Dioni 5:20

Nika꞉ hone uluma꞉ ekita꞉ mo Koda꞉na꞉ Eiyeketa꞉ niki hone lenkipa wita꞉la꞉eki kulu a꞉pa꞉la꞉me. Pa ekipeke nikana꞉ma꞉ mo ota꞉ Koda꞉ hone ulu poloma꞉ tupa꞉ pa꞉la꞉me. Ipiki ame̱le̱ hone homeke witolo hata꞉ pa ipika꞉ Eiyeke Yesu Ketiso kone hone homeke wia haloma꞉me. Ipikita꞉ mo ota꞉ Koda꞉e. Kutupa ipikita꞉ deto hala꞉ ekina꞉ tekee.

Dia꞉mesi 4:3

Kutupa Koda꞉ pa꞉ta꞉ ika꞉ honke alemeeki make ana꞉ na pa꞉la꞉me. Ika꞉ hone pa꞉la꞉ hau puluekema꞉ hone u hoeyaaso hata꞉ honke aleme ekina꞉ na minelememe.

1 Kotindi 2:14

Koto poloma꞉pate hande Sipitidi na ma꞉la꞉ some epita꞉ mo hande Koda꞉na꞉ Sipitidima꞉ pa kita꞉la꞉ alemanu na mia꞉peke ya꞉la꞉me. Kutupiki someta꞉ hande Koda꞉na꞉ Sipitidima꞉ pa kita꞉la꞉ alemanu na minolo hata꞉ yalo Pa ekie laa hone na u hala꞉me.

Dioni 4:16

Yesuma꞉ ipiki pa꞉ta꞉ alota꞉ Naka꞉ haliki amba꞉la wi lolo puaata꞉ do pa꞉ta꞉ paa a꞉pa꞉peke leekeme.

Dioni 6:35

Yesuma꞉ mo wanda꞉hali pa꞉ta꞉ alota꞉ Da꞉ta꞉la꞉ palaowata꞉ I̱ konee laata꞉ Hali epima꞉ I̱ pa꞉ta꞉ epea꞉ka꞉na꞉ta꞉ tea꞉ma꞉ paa na homilieke. Kutupa hali epima꞉ I̱ pa꞉ta꞉ hone tulaeya꞉ka꞉na꞉ta꞉ ikali na꞉na꞉ paa na pilieke leekeme.