Dioni 3:34 - Panake Pi La: Ula: Buka pita: Kine Pieke Buka

³⁴ Koda꞉ma꞉ tapaala꞉ halima꞉ta꞉ Koda꞉na꞉ pimanu lalieke. Koda꞉ma꞉ ipiki pa꞉ta꞉ Holi Sipitidi hala꞉la꞉ ekita꞉ tombo wia na hala꞉la꞉ ekina꞉ loa꞉me.

Dioni 3:34 Referans Kwoze

Aposolo 10:38

Hande Na꞉sa꞉tete da halita꞉ Yesue. Ipikita꞉ Koda꞉ma꞉ wele peaaso hata꞉ mo Holi Sipitidima꞉ make suta꞉pe wiaeyekeeki opimika꞉ta꞉me. Kutupa ipikana꞉ma꞉ Koda꞉ ame̱le̱ hata꞉ epeke hau pea꞉tiki pu hao Sadanima꞉ hoeyaeyeke wanda꞉hali mea tiatiki pu hao pomu hayekeme.

Dioni 15:26

Kutu pitelemepate mo Tamba꞉ Mu Hala꞉ Hali ipilieke. Ipikita꞉ Ateke yaapo hala꞉ hali kone I̱ma꞉ tapaalueke. Ipikita꞉ ota꞉ hau pu hala꞉ Temokoe. Ipikita꞉ Ateke pa꞉ta꞉ hao ipilieke. Kutupa yaka pi la꞉ mea halawaasa꞉ wekitisi hali halieke.

Ma꞉tiu 12:18

Do ya e pokaasa꞉ halita꞉ I̱ma꞉ ma̱leke lia do haena꞉ lolome. I̱ma꞉ ipikita꞉ pukima꞉ wopu homo hata꞉ ya pukima꞉ ta꞉na꞉ wopu pa꞉la꞉me. Ya temokota꞉ ipiki tukiki pa꞉ta꞉ pitina꞉ tapaalueke. Kutu poa꞉ka꞉na꞉ta꞉ ipikana꞉ma꞉ mo kenke paeyaona꞉ haleme tapake paeyao pa꞉ta꞉ ya tiki tiki peaasa꞉ pimanu la hawalieke.

Kolosi 2:9

Pa ekipeke Ketiso pa꞉ta꞉ta꞉ Koda꞉ ipika꞉ hala꞉eki paeya tapao kenke loke tupa꞉ hala꞉me.

Dioni 5:26

Hande Apa꞉ma꞉ ipiki kone da꞉ta꞉la꞉ teke hali hala꞉ tupa꞉ ipika꞉ Eiyeke make ipiki kone da꞉ta꞉la꞉ teke hali haena꞉ la꞉la꞉me.

Luku 4:18

I̱ma꞉ natehali wanda꞉hali pa꞉ta꞉manu mo Pi Seliapomanu laanoyeke mo I̱ mea haena꞉ la꞉la꞉ Tekehalima꞉ ipika꞉ Sipitidi I̱ yaapo hala꞉me. Ipikana꞉ma꞉ I̱ tapaala꞉ ekita꞉ mo dipula pila꞉ wanda꞉hali ikita꞉ ka꞉la꞉pa꞉ tapao halememe lono make mo leke holupiki wanda꞉hali ikita꞉ ika꞉ leke manuma꞉ paa handilimikie laa lonoyeke tapaala꞉me. Kutupa make mo ika꞉ ka꞉nda꞉ manuma꞉ kone tekepa꞉ta꞉ hoeyaapeke ya꞉la꞉ wanda꞉hali ka꞉la꞉pa꞉ tapawano make

Kolosi 1:19

Koda꞉ ipika꞉ hone pieke ekina꞉ kone mo Eiyeketa꞉ ota꞉ Koda꞉ ipikima꞉ kone handena꞉ leekeme.

Loma꞉ 8:2

Do ekina꞉yeke loa꞉me. Nikita꞉ Yesu Ketiso ame̱le̱ ta꞉ma꞉ni pea ota꞉ hamono la꞉la꞉ Sipitidita꞉ ipikana꞉ma꞉ kone I̱ handeteke hata꞉ walo hala꞉ ekima꞉ta꞉ mo hoke hau pita꞉ homa꞉la꞉eki yaapo pu tiaasa꞉ hauma꞉ tonka pelia hala꞉eki ka꞉la꞉pa꞉ tapaala꞉me.

Dioni 7:16

Yesuma꞉ ika꞉ pi hombo peaaso alota꞉ Do walolo ekita꞉ I̱ma꞉ hone wia yakaeki na walolome. I̱ tapaala꞉ hali Koda꞉ ipika꞉eki kone walolome.

Dioni 3:17

Koda꞉ma꞉ta꞉ ipika꞉ Weki kenke wanda꞉halina꞉ pi yokaalu peaalo pa꞉la꞉ hali haena꞉yeke na tapake ika꞉ mea da꞉taalo pa꞉la꞉ hali haena꞉yeke tapaeyekeme.

Dioni 1:16

Ipika꞉ pa a꞉ta꞉ma꞉ homa꞉la꞉eki tumba hala꞉eki mea niki kia꞉tiki kia꞉tiki peaata꞉ niki paeyao amba꞉ epeaala꞉me.

Epesese 3:8

Koda꞉na꞉ wanda꞉hali paeyao titina꞉ haena꞉ I̱ta꞉ ota꞉ wetepe nane halopate Koda꞉ma꞉ta꞉ mo Diendaili wanda꞉hali pa꞉ta꞉ hande Pi Seliapo I̱ma꞉ walo ponoyeke I̱ pa꞉ta꞉ kia꞉me. Hande Pi Seliapo pa꞉ta꞉ta꞉ Ketiso ipika꞉ paelo pua꞉peke na ya꞉la꞉ hamoko hala꞉eki pila꞉me.

Dioni 8:47

Koda꞉na꞉ wekiwandiki tonuma꞉ Koda꞉na꞉ pimanu opu halemepate ikita꞉ Koda꞉na꞉eki na haleme ekina꞉ta꞉ na opitelememe.

Peneme Yaeyekeeki 22:1

Mo enisoloma꞉ta꞉ ala꞉ta꞉ ma꞉nda꞉ na ta̱leke kalasima꞉ handeke da꞉ta꞉la꞉eki kita꞉la꞉ ikali yopulu hala꞉ I̱ pa꞉ta꞉ walea꞉me. Mo ikalita꞉ oli Koda꞉ pita꞉ Sipisipi Ma꞉na꞉ Ikiki yaapona꞉ kini sea pa꞉ta꞉ yama꞉ epea꞉me.

Dioni 16:7

Koto pa꞉la꞉pate I̱ma꞉ iki pa꞉ta꞉ do ota꞉ pi alome. I̱ma꞉ iki mina꞉pa꞉lao polue ekita꞉ ota꞉ epekeekie laa do ekina꞉yeke loa꞉me. I̱ na poa꞉ka꞉na꞉ta꞉ hande Tamba꞉ Mulu Pa꞉la꞉ Halita꞉ na ipilieke. Kutupa I̱ poa꞉ka꞉na꞉ta꞉ hande hali iki pa꞉ta꞉ I̱ma꞉ mea tapaalueke.

Peneme Yaeyekeeki 21:6

Kutupa ombu alota꞉ Ameta꞉ pu paela꞉me. I̱ta꞉ titina꞉ make sale nane makee. Kini pitolo make paeyaaso makee. Ma꞉nda꞉ epita꞉ ikali na꞉na꞉ma꞉ homea꞉ka꞉na꞉ta꞉ I̱ma꞉ mo opa꞉la꞉ da꞉taasa꞉ ikalita꞉ na hambeke pa nena꞉ waleke halueke.

Dioni 8:40

I̱ma꞉ta꞉ Koda꞉ pa꞉ta꞉ opua꞉eki homeke ota꞉ hau pita꞉la꞉eki iki pa꞉ta꞉ waloa꞉pate ikana꞉ma꞉ I̱ luekema꞉ pitelememe. Eipoloha꞉ma꞉ma꞉ kutupiki hau na piekeme.

Aposolo 1:2

Kutupa Holi Sipitidima꞉ walolo haena꞉ Yesuma꞉ ipika꞉ talopu mea haena꞉ leeke aposolo haliweki pa꞉ta꞉ pi lo paeyaota꞉ oli ya nane a꞉meiyeketa꞉ wape pu naowa꞉me.