Dioni 3:25 - Panake Pi La: Ula: Buka pita: Kine Pieke Buka

²⁵ Kutupa Dionina꞉ disaipolo mandane haliwekima꞉ mo Diu hali homeke ame̱le̱ mo pi ula꞉ ekina꞉ ikalima꞉ peiya꞉tiki pia꞉peke ekina꞉ pi yokaalu pimikime.

Dioni 3:25 Referans Kwoze

Dioni 2:6

Mo Diu wanda꞉halima꞉ ika꞉ hande ikalima꞉ tandepa꞉la꞉ hau pu haemeke ekina꞉ toopima꞉ wepia ikali kanake yunki mindiki hata꞉ mo pa꞉ta꞉ wiekeme. Kanake homeke pa꞉ta꞉ ikalita꞉ 80 lida o 90 lida tupa꞉ pitaapeke yeekeme.

Hibulu 6:2

bapitaisi pita꞉la꞉ hau manuna꞉ pi wala꞉la꞉eki make youna꞉ kiki wia yeni pita꞉la꞉ haumanu make homa paa tiaasa꞉ hau make Koda꞉na꞉ pi yokaalu pea mo honiki na paeke homo hala꞉ alena꞉ tapaalo pa꞉la꞉ ekina꞉ wala꞉la꞉ pimanu make koto amba꞉ hande titina꞉ waloma꞉ pimanu na ambula u hake

Ma꞉tiu 3:11

I̱ma꞉ta꞉ ika꞉ hoke haumanu mina꞉pa꞉laemekeeki peneme yaaluekema꞉ ikalima꞉ bapitaisi peaowalopate mo ya hoki nane ipilia꞉ halima꞉ta꞉ mo Holi Sipitidi pita꞉ ti tala꞉eki yaapoma꞉ iki bapitaisi pealieke. Mo someta꞉ I̱ ota꞉ lombeipiki some halekena꞉ ipika꞉ anke dake kone I̱ma꞉ mea tiaapeke ana꞉ na pa꞉la꞉me.

1 Pida 3:21

Koto ikalita꞉ mo hande wetepena꞉ bapitaisi hau epolo piekeeki manda mieke ikalie. Do ame pu haleme bapitaisi hauma꞉ta꞉ pa ika꞉ lokena꞉ ha̱i̱ tanda꞉ pelemeeki dia꞉ya꞉la꞉pate ika꞉ epeke hone tekema꞉ Koda꞉ pa꞉ta꞉ pi la꞉ witolo hamena꞉ mo ikalima꞉ iki petolo hala꞉me. Do bapitaisi hauta꞉ mo Yesu Ketisona꞉ paa tiaeyeke ekima꞉ iki petolo hala꞉me.

Hibulu 9:23

Mo hande palai da make mo yeni puluekema꞉ mu haleme alemanu paeyao make oli hepeni nane ula꞉ alemanu manda꞉na꞉ uleke handaa mo hande hoteke lia we kitaasa꞉ hauma꞉ta꞉ yako peaasa꞉pate pa mo hepeni nane ula꞉ ale manuta꞉ mo lia hala꞉la꞉ hau ota꞉ lombei piki ekima꞉ homeke peaapeke ya꞉la꞉me.

Hibulu 9:10

Koto ale manuta꞉ pa ne ikali napeke ale o manda loke homeke tanda꞉pa꞉peke alemanue. Dota꞉ pa manda lokena꞉ mana꞉ pimanue. Hau paeyaota꞉ wetepe tikitiki yaaluekema꞉ yeke Koda꞉ma꞉ do mana꞉ pi pa ta꞉ka꞉li la꞉ wiekeme.

Maka 7:8

Yesuma꞉ ombu alota꞉ Koda꞉na꞉ pi ula꞉ ekimanu na waleke ika꞉ ateke meiyekena꞉eki kone walo halememe leekeme.