Dioni 3:23 - Panake Pi La: Ula: Buka pita: Kine Pieke Buka

²³ Dionima꞉ make mo Seilimi da teke pa꞉ta꞉ Inoni da hata꞉ta꞉ ikali wotu pitieke handaa ipiki pa꞉ta꞉ a꞉pa꞉tiki pimiki wanda꞉halita꞉ ipikana꞉ma꞉ bapitaisi peatiki piekeme.

Dioni 3:23 Referans Kwoze

Luku 3:7

Koto dina꞉ta꞉ wanda꞉hali wotuma꞉ Dionima꞉ iki bapitaisi peaena꞉yeke paeyao epemekeme. Kutu pimiki handaa Dionima꞉ koto wanda꞉hali pa꞉ta꞉ alota꞉ Ikita꞉ ketomanue. Ikita꞉ Koda꞉ma꞉ teke pa꞉ta꞉ epena꞉ lolo pa꞉la꞉ mineke panka꞉la꞉ ekita꞉ wonduluekema꞉ hamena꞉ laa ma꞉nda꞉ epita꞉ pindipa pelimiki pita꞉ epima꞉ kinki pa꞉la꞉pe.

Kini Pieke 33:18

Dieikope mo Mesopoteimia haota꞉ mo Keinani kenke pa꞉ta꞉ Sekeme daoni pa꞉ta꞉ epeke tupa꞉ opolo epeekeme. Kutupa ipika꞉ palai da manuta꞉ mo daonina꞉ hama꞉ ma꞉nda꞉ pa꞉ta꞉ a꞉eyekeme.

Peneme Yaeyekeeki 19:6

Kutupa e̱ ala꞉eki ma꞉nda꞉ta꞉ mo wanda꞉hali hombuta꞉ hombeleke hata꞉ make ikali dou lopolo make tutu tieke litolo make leke nono pia꞉eki dupa opua꞉me. Haleluya. Mo Tekehali nika꞉ Aneke Koda꞉ta꞉ kini hala꞉me.

Peneme Yaeyekeeki 14:2

Kutupa oli ya nanema꞉ ikali do̱u̱ tiekema꞉ handa make tutu tieke liki nonopiki pi ho̱la̱꞉make opua꞉me. Mo pi ho̱la̱꞉maketa꞉ kidama꞉ handeke ale lita꞉la꞉ haliwekima꞉ liki nonopiki ala꞉ ekima꞉ handeke nono pia꞉me.

Peneme Yaeyekeeki 1:15

Ipika꞉ anketa꞉ mo epeke tupa꞉ wamo pea mulamula kitao wiki koloma꞉ handeke nono piki ale batasima꞉ handa leke yale yale peata꞉ ipika꞉ pi ho̱la̱꞉maketa꞉ mo u tieke laa lopa꞉la꞉ ikali do̱u̱ma꞉ handea꞉me.

Dioni 3:22

Koto hoki naneta꞉ Yesu ipika꞉ disaipolo haliweki ame̱le̱ mo Diudia nane pua koto pa꞉ta꞉ hata꞉ wanda꞉hali bapitaisi peatiki pimikime.

Dioni 3:24

Koto pita꞉ta꞉ Hetodima꞉ Dioni dipula a̱i̱ na pitaake haena꞉ piekeme.