Dioni 3:2 - Panake Pi La: Ula: Buka pita: Kine Pieke Buka

² nate ma꞉nda꞉na꞉ timba Yesu pa꞉ta꞉ pua alota꞉ Disao. Neketa꞉ Koda꞉ma꞉ tapaaleke walele hali hale ekita꞉ handoloma꞉me. Kutupa nakana꞉ma꞉ wele pitele tupa꞉ Koda꞉ yaapo na hake halima꞉ wele pea꞉peke na ya꞉la꞉me la leekeme.

Dioni 3:2 Referans Kwoze

Dioni 5:36

Kutu pia꞉pate yaka wekitisi hali ma꞉nda꞉ta꞉ Dionima꞉ I̱ pa꞉ta꞉ wekitisi hata꞉ la kia꞉ ekimanu wetepeaalo pa꞉la꞉eki kone hala꞉me. Yaka Apa꞉ma꞉ I̱ma꞉ pionoyeke walea꞉ e manuta꞉ pokolo hata꞉ pitoloeki manuma꞉ kone yaka Apa꞉ma꞉ I̱ tapaala꞉eki wanda꞉hali pa꞉ta꞉ peneme yao wala꞉la꞉me.

Aposolo 10:38

Hande Na꞉sa꞉tete da halita꞉ Yesue. Ipikita꞉ Koda꞉ma꞉ wele peaaso hata꞉ mo Holi Sipitidima꞉ make suta꞉pe wiaeyekeeki opimika꞉ta꞉me. Kutupa ipikana꞉ma꞉ Koda꞉ ame̱le̱ hata꞉ epeke hau pea꞉tiki pu hao Sadanima꞉ hoeyaeyeke wanda꞉hali mea tiatiki pu hao pomu hayekeme.

Aposolo 2:22

Isulai haliwekio. I̱ma꞉ do alo pi opua꞉pa꞉peke. Hande Na꞉sa꞉tete hali Yesuta꞉ iki ame̱le̱ a꞉pa hata꞉ta꞉ Koda꞉ma꞉ wele peaaso haena꞉ Yesuma꞉ na hando haloma꞉ ekimanu make wele pita꞉la꞉ ekimanu make ipikana꞉ma꞉ pitolo haena꞉ Koda꞉ma꞉ ipikita꞉ I̱ma꞉ tapaalo halie laa peneme yatiki pia꞉me. Kutupa do haumanu paeyao ika꞉ hone wilimime leekeme.

Dioni 9:16

Mandane Pa꞉tisi haliwekima꞉ alota꞉ Do hau pa꞉la꞉ halita꞉ mo Hoto Pila꞉ Natena꞉ pi ula꞉eki yamba꞉la꞉la꞉ ekina꞉ ipikita꞉ Koda꞉ma꞉ na tapaala꞉me lemekepate mandane haliwekima꞉ alota꞉ Dupiki wele pita꞉la꞉ ekita꞉ hoke hau pa꞉la꞉ halima꞉ ekipa piliepe la lemekeme. Koto ekina꞉ ika꞉ kone putupaalu pea pi ta꞉ta꞉ ta꞉ta꞉ lemekeme.

Dioni 12:37

Ipikana꞉ma꞉ta꞉ wanda꞉halina꞉ leke popelekena꞉ hata꞉ kone wele wotu pieke ekimanu mo wanda꞉halima꞉ handaa kone ipiki pa꞉ta꞉ hone na tulaemekeme.

Dioni 1:38

Yesuma꞉ la꞉ka꞉la꞉ mina ipiki telia꞉ mea epepekeeki handaa ipiliki lota꞉ pitolo alota꞉ Aleke weitelepepe leekeme. Ipilikana꞉ma꞉ ipika꞉ pi hombo peaaso alota꞉ La꞉baio. Neketa꞉ hando pa꞉ta꞉ hao halepe lepekeme. Do La꞉bai ala꞉ ekita꞉ Disa la kone ala꞉ekie.

Ma꞉tiu 22:16

Mo hone pambao wimiki lota꞉ pita꞉la꞉ pi manuma꞉ ipiki tamuluekema꞉ ika꞉ disaipolo haliweki make Hetodi ame̱le̱ ta꞉ma꞉ni pieke haliweki make Yesu pa꞉ta꞉ tapaemekeme. Koto haliweki a꞉pa ipiki pa꞉ta꞉ alota꞉ Wala꞉la꞉ Halio. Neketa꞉ ota꞉ pimanu lo hala꞉ halie. Kutaa nakana꞉ma꞉ wanda꞉hali pa꞉ta꞉ hone ma꞉nda꞉ ma꞉nda꞉ na u hake iki paeyao pa꞉ta꞉ mandake hau piki wanda꞉halie laaka꞉na꞉ Koda꞉na꞉ ota꞉ hau pita꞉la꞉ pi homeke walo haleme la alota꞉

Dioni 7:31

Hande Ketiso epea꞉ka꞉na꞉ta꞉ do halina꞉ wele pita꞉la꞉ ekimanu ankulaliepe lemekeme.

Dioni 20:16

Yesuma꞉ ipiki pa꞉ta꞉ alota꞉ Metio leekeme. Mo wanda꞉ma꞉ ipiki pa꞉ta꞉ la꞉ka꞉la mina hata꞉ Hibulu pi la alota꞉ Labonaie leekeme. Koto leeke ekita꞉ Wala꞉la꞉ Halio laa leekeme.

Dioni 15:24

Amba꞉ titina꞉ ma꞉nda꞉ma꞉ na pieke ekimanu I̱ma꞉ iki ame̱le̱ na pua꞉ka꞉na꞉ yoluta꞉ ika꞉ hoke hauta꞉ peneme na yaalo pia꞉me. Koto pa꞉la꞉pate I̱ma꞉ pua꞉eki handaa kone yaka Apa꞉ diki pa꞉ta꞉ honditi pu halememe.

Dioni 3:26

Koto ekina꞉ Dioni pa꞉ta꞉ pua alota꞉ Disao. Mo Diodani ikali mone tena꞉ neke yaapo mandakena꞉ haya꞉ halita꞉ hande nakana꞉ma꞉ niki pa꞉ta꞉ walea꞉ halima꞉ta꞉ kota꞉ ameta꞉ ipikana꞉ma꞉ bapitaisi peaaseke handaa wanda꞉hali wopu ipiki pa꞉ta꞉ pua꞉tiki pitelememe lemekeme.

Maka 12:14

Ikana꞉ma꞉ ipiki pa꞉ta꞉ a꞉pa alota꞉ Wala꞉la꞉ Halio. Nakana꞉ma꞉ ota꞉ pimanu lo hale halie. Nikana꞉ma꞉ opoloma꞉me lemekeme. Nakana꞉ma꞉ wanda꞉hali pa꞉ta꞉ hone ma꞉nda꞉ ma꞉nda꞉ na u haleme. Nakana꞉ma꞉ wanda꞉hali paeyao pa꞉ta꞉ mandake hau piki wanda꞉halie laaka꞉na꞉ Koda꞉na꞉ ota꞉ hau pita꞉la꞉ pi homeke walo haleme la alota꞉ Mo Kapomani tieke Sisa pa꞉ta꞉ dakisi mani hala꞉la꞉ ekita꞉ a꞉pa꞉la꞉pe o hoela꞉pe. Mani halomonope o na halomonope laa lemekeme.

Pilipai 1:14

Koto mo Ketiso yankeke tonu anekema꞉ta꞉ mo Tekehali hone wotu tulaena꞉ ya dipula pilu ekima꞉ta꞉ iki wele peaala꞉me. Koto ekima꞉ta꞉ ikana꞉ma꞉ hoto paeyao paala꞉ma꞉ na homeke pipita꞉ pa pua hata꞉ pi wala꞉tiki pu halememe.

Ma꞉tiu 23:7

Makedi hama mombili ale nina꞉ wanda꞉halima꞉ iki manda꞉hande pitolo ika꞉ bikimanu mea a꞉meiyaluekema꞉ Disao. Epeke da ka꞉la꞉paasoe la꞉tiki pina꞉ ta꞉na꞉ma꞉ wopu homelememe.

Ma꞉tiu 23:8

Mo haliwekima꞉ta꞉ kutu pu halemepate pa ikana꞉ma꞉ta꞉ wanda꞉halima꞉ iki pa꞉ta꞉ Disao pi na lena꞉ lapa꞉peke. Pa ekipeke. Ika꞉ Disata꞉ homeke haena꞉ iki paeyaota꞉ hama̱la̱꞉ hama̱la̱꞉ halememe loa꞉me.

Dioni 2:11

Yesuma꞉ta꞉ mo Ka꞉lili nane hayeke da Keina da pa꞉ta꞉ hata꞉ ipika꞉ wele piekeeki koto pa꞉ta꞉ amba꞉la piekeme. Koto pa꞉ta꞉ hata꞉ ipikana꞉ma꞉ ipika꞉ kapu tieke hala꞉eki peneme yao waleeke handaa ipika꞉ disaipolo haliwekima꞉ ipiki pa꞉ta꞉ hone tulaemekeme.

Dioni 4:31

Koto hau pitolo haena꞉ta꞉ hande disaipolo haliwekima꞉ Yesu honke alo alota꞉ Disao. Ne ma꞉nda꞉ nae lemekepate

Dioni 6:2

Wanda꞉hali paeyaoma꞉ta꞉ Yesuma꞉ mo yeni haemeke wanda꞉halina꞉ yeni tandeleaaso hata꞉ wele wopu pieke ekimanu handemeke ekina꞉ Yesu telia꞉ mea pemekeme.

Dioni 10:38

Kutu pua꞉peke ya꞉la꞉pate yaka Apa꞉na꞉ pita꞉la꞉ ekimanu pua꞉ka꞉na꞉ta꞉ I̱ pa꞉ta꞉ hone na tulaake hata꞉ kone yaka pitolo ekimanu pa꞉ta꞉ kone hone tulaapeke aleo. Kutu pimika꞉na꞉ta꞉ hande Apa꞉ta꞉ I̱ tukiki pa꞉ta꞉ hala꞉eki make I̱ta꞉ ipiki tukiki pa꞉ta꞉ haloeki make handa꞉ hone wilimikie leekeme.

Dioni 14:10

Yaka Apa꞉ma꞉ I̱ yaapo hala꞉eki make I̱ma꞉ make yaka Apa꞉ yaapo haloeki make hone na witelepe leekeme. Koto laa Yesuma꞉ mo disaipolo haliweki pa꞉ta꞉ alota꞉ Iki pa꞉ta꞉ loa꞉ pi manuta꞉ ya hone wia na loa꞉me laa hande I̱ yaapo hala꞉ Apa꞉ma꞉ ipikana꞉ma꞉ kone ipika꞉eki pita꞉la꞉me.