Dioni 3:19 - Panake Pi La: Ula: Buka pita: Kine Pieke Buka

¹⁹ Mo pi yokaalu pulu pa꞉la꞉ ekita꞉ dupae. Do kenkena꞉ pa̱a̱ pa꞉la꞉eki amba꞉ epa꞉la꞉pate haliwekima꞉ta꞉ ika꞉ hoke haumanu pu haleme ekina꞉ hande pa̱a̱ pa꞉la꞉ ekita꞉ kiao mo timba꞉la꞉ pamba꞉la꞉eki pa꞉ta꞉ haluekema꞉ hone witelememe.

Dioni 3:19 Referans Kwoze

Dioni 8:12

Yesuma꞉ iki pa꞉ta꞉ paa alota꞉ I̱ta꞉ do kenkena꞉ pa̱a̱e. Hali epima꞉ ya hoki nane telia꞉ mea epea꞉ka꞉na꞉ta꞉ timba꞉ lo pamba꞉la꞉eki pa꞉ta꞉ na pomiki pa̱a̱ pa꞉la꞉eki pa꞉ta꞉ hata꞉ da꞉ta halieke. Mo da꞉ta꞉la꞉ ekina꞉ pa̱a̱ pa꞉la꞉eki pa꞉ta꞉ halieke.

2 Desalonaika 2:12

Kota꞉ koto ekina꞉ yenkita꞉ ikana꞉ma꞉ mo ota꞉ pina꞉ hone na tulake hoke haumanu pa꞉ta꞉ ta꞉na꞉ma꞉ homa pu haleme ekina꞉ iki paeyaota꞉ Koda꞉ma꞉ pi yokaalu pea hoke yenki halieke.

Loma꞉ 2:8

Kutu piliepate mandane wanda꞉halima꞉ta꞉ ika꞉ hone pa꞉la꞉ ekimanu pu hao pa epeke hau pea꞉pa꞉pekeeki kiao hokeeki kone pu halememe. Kutu piki wanda꞉hali pa꞉ta꞉ Koda꞉ma꞉ mineke pankolo hata꞉ hoke yenki halieke.

Dioni 12:43

Koda꞉ma꞉ ika꞉ pi laena꞉ hone na wiki kenke haliwekima꞉ laena꞉ hone wopu wimikime.

Loma꞉ 1:32

Koda꞉na꞉ pi ula꞉ ekima꞉ alota꞉ Mo kutu piki haumanu pu haleme wanda꞉halita꞉ homa꞉la꞉eki mea꞉pa꞉peke ya꞉la꞉me laa la꞉la꞉me. Koto la꞉la꞉ pi mo wanda꞉halima꞉ opitelemepate ika꞉ hande hoke ekimanu paa pia꞉tiki pu hao kutupa make mandane wanda꞉halima꞉ koto hande hoke ekimanu pimika꞉na꞉ta꞉ a꞉pa꞉la꞉ma꞉ pa pipe laa lo halememe.

Dioni 5:44

Ikana꞉ma꞉ ika꞉ ika꞉ kone ika꞉ pi lao alualu piteleme ekita꞉ hone pa꞉la꞉pate hande homeke hala꞉ Koda꞉ma꞉ ika꞉ pi laasa꞉ ekita꞉ hone na witelememe. Kutu piteleme ekina꞉ ika꞉ honeta꞉ I̱ pa꞉ta꞉ ekipa tulaalimikipe.

2 Pida 3:3

Titina꞉ amba꞉la do hone wopu wia꞉peke. Mo hande paetolo nate manuna꞉ta꞉ mandane kitao hala꞉ wanda꞉hali ipilimikie. Koto wanda꞉hali ika꞉ hau manuta꞉ ika꞉ hone pa꞉la꞉ ekima꞉ handeteke haena꞉ lelimikie. Ikana꞉ma꞉ta꞉ iki kitaaso hata꞉ lota꞉ pitolo alota꞉

Dioni 1:4

Mo hande Pi pa꞉ta꞉ta꞉ da꞉ta꞉la꞉eki pitiekeme. Kutupa mo da꞉ta꞉la꞉ ekita꞉ kenke wanda꞉halina꞉ pa̱a̱ peaasa꞉eki pitiekeme.

Luku 12:47

Mo e pokaasa꞉ hali ma꞉nda꞉ epima꞉ ipika꞉ you halima꞉ pea꞉peke la꞉la꞉ haumanu hone wia ipikana꞉ma꞉ ipika꞉ kone ana꞉ lao na piki ipika꞉ you halima꞉ pea꞉peke la꞉la꞉ haumanu na pia꞉ka꞉na꞉ta꞉ kota꞉ koto halita꞉ mo you halima꞉ dopitama꞉ podela꞉ mia꞉ka꞉na꞉ta꞉ tanda tieke nelieke.

1 Pida 2:8

Baibolo ma꞉nda꞉ pa꞉ta꞉ la꞉la꞉ ekita꞉ Do toopima꞉ta꞉ wanda꞉hali hala꞉mba꞉ liaena꞉ lelieke la꞉la꞉me. Kutupa koto toopi tiekema꞉ kone wanda꞉hali lopena꞉ lelieke la꞉la꞉me. Iki hala꞉mba꞉ liaemeke ekita꞉ ikana꞉ma꞉ Koda꞉na꞉ pina꞉ hone na tulaemeke ekina꞉ piekeme. Kotota꞉ Koda꞉na꞉ hone piekeekie.

Dioni 7:7

Kenke wanda꞉hali paeyaoma꞉ iki pa꞉ta꞉ ota꞉ ki hone wia꞉peke na ya꞉la꞉pate I̱ma꞉ ika꞉ piteleme haumanu hoke ekie laa lo halo ekina꞉ I̱ pa꞉ta꞉ ki hone witelememe.

Dioni 7:17

Hali epima꞉ Koda꞉na꞉ hone pa꞉la꞉ hau puluekema꞉ hone pia꞉ka꞉na꞉ta꞉ kutu pita꞉la꞉ halima꞉ta꞉ I̱ma꞉ do waloloeki Koda꞉na꞉eki kone walaasoeki make o yaka hone wia waloloeki make handa꞉ wilieke.

Luku 16:14

Mo hande Pa꞉tisi haliwekima꞉ Yesuma꞉ leekeeki opuaata꞉ ipiki kitaemekeme. Pa ekipeke ikita꞉ mani pa꞉ta꞉ta꞉ puki wotu wimikima꞉ pimikime.

Dioni 1:5

Mo hande pa̱a̱ peaasa꞉ ekima꞉ta꞉ mo timba꞉ la꞉pa pula꞉ pa꞉ta꞉ pa̱a̱ peaasa꞉pate kone mo hande timba꞉ la꞉la꞉ ekima꞉ta꞉ pa̱a̱ pa꞉la꞉eki na honiao hala꞉me.

Dioni 9:5

I̱ kenkena꞉ a꞉pa halo dina꞉ta꞉ kenkena꞉ pa̱a̱ peaasoeki halome leekeme.

Dioni 12:31

Ameta꞉ do kenke wanda꞉halina꞉ pi yokaalu pulu pa꞉la꞉ di ipula꞉me. Ameta꞉ do kenkena꞉ tumiki hala꞉ halita꞉ yoka mea lopaalieke.

Dioni 12:46

I̱ta꞉ do kenkena꞉ pa̱a̱ pa꞉la꞉eki tupa꞉ a꞉pa halome. I̱ pa꞉ta꞉ hone tulaaseme wanda꞉halita꞉ timba꞉ la꞉ pamba꞉la꞉ pa꞉ta꞉ na haena꞉yeke epoa꞉me.