Dioni 21:23 - Panake Pi La: Ula: Buka pita: Kine Pieke Buka

²³ Koto leeke ekina꞉ Yesuna꞉ hoki nane telimiki haliwekima꞉ dupiki pi lo haemekeme. Mo hande disaipolo halita꞉ na homilieke laa lo haemekepate Yesuma꞉ mo hande hali na homilieke pi na leke ipikana꞉ma꞉ alota꞉ Do halita꞉ pa hatiki puoopu hao I̱ paa eponoyeke ya hone wia loa꞉ka꞉na꞉ta꞉ kota꞉ naka꞉eki dia꞉me leekeme.

Dioni 21:23 Referans Kwoze

Aposolo 1:15

Yeni pu pitaata꞉ pa hosiki hao hao peaata꞉ mo Ketisona꞉ pi mina꞉la꞉ wanda꞉halima꞉ pi hotuluekema꞉ mombelemekeme. Iki paeyaota꞉ 120 wanda꞉hali tupa꞉ momba꞉la pitina꞉ Pidama꞉ pi loluekema꞉ tiaeyekeme.

Ma꞉tiu 16:27

Wanda꞉halina꞉ Eiyeke ipika꞉ Atekena꞉ pa̱a̱ taapuna꞉ ipika꞉ enisolo hatuku a̱i̱ kutaa kone ipilieke. Kutaata꞉ wanda꞉hali homeke homekema꞉ ika꞉ pu haeme hau manuna꞉ ana꞉ piki yenki kone iki pa꞉ta꞉ hale hale pilieke.

Aposolo 6:3

Koto ekina꞉ kame titio. Hali paeyao watake hata꞉ hali Holi Sipitidima꞉ tumbula꞉ hali hone wopu u hala꞉ hali kutupa koto hali manuma꞉ do ne telipatiki pina꞉ mimika꞉na꞉ta꞉ nikana꞉ma꞉ mea haena꞉ lolumeke lemekeme.

Aposolo 28:14

Koto pa꞉ta꞉ mandane Ketiso tapake wanda꞉hali handa꞉ uma꞉pate pula homekena꞉ niki ame̱le̱ hamana꞉e laa honke lememe. Koto ekina꞉ puata꞉ Loma꞉ da pa꞉ta꞉ opolo poma꞉me.

1 Kotindi 4:5

Koto ekina꞉ mo Tekehalina꞉ pi yokaalu pulu pa꞉la꞉ Nate epena꞉yeke handeteke hata꞉ta꞉ ikana꞉ma꞉ ma꞉nda꞉na꞉eki amba꞉la pi yokaalu na peke pa handeteke hapa꞉peke. Tekehalima꞉ epena꞉ yu wia hapa꞉peke. Ipikana꞉ma꞉ mo timba꞉ lekeeki pa꞉ta꞉ a꞉mbao ula꞉eki paeyaota꞉ pa̱a̱na꞉ mea wilieke. Kutupa wanda꞉halima꞉ puki nane panka꞉ ula꞉ honemanu ipikana꞉ma꞉ peneme yaalieke. Koto dina꞉ta꞉ Koda꞉ma꞉ wanda꞉hali paeyaoma꞉ pimi ekina꞉ yenkita꞉ ana꞉na꞉ mea꞉peke ekimanu handolo hata꞉ ikina꞉ pi la wilieke.

1 Kotindi 11:26

Do palaowa make do kapona꞉ make nalo hata꞉ Tekehali epena꞉yeke ipika꞉ homeekeeki walo halimikie.

Dia꞉mesi 5:7

Ya kametitio. Tekehali epena꞉yeke handeteke hao hapa꞉peke. Mo e teke halima꞉ ipika꞉ ena꞉ hala꞉ alemanu napeke epeke tupa꞉ wina꞉yeke handeteke hala꞉eki handelememe. Lako panakeeki make wetepena꞉eki make handeteke hala꞉me.

Peneme Yaeyekeeki 2:25

Koto ekina꞉ ika꞉ wia halemeeki manuta꞉ I̱ epono honkopu hao miniki hapa꞉peke.