Dioni 21:22 - Panake Pi La: Ula: Buka pita: Kine Pieke Buka

²² Yesuma꞉ ipika꞉ pi hombo peaaso alota꞉ Do halita꞉ pa hatiki puoopu hao I̱ paa eponoyeke ya hone wia loa꞉ka꞉na꞉ta꞉ kota꞉ naka꞉eki dia꞉me. Neketa꞉ I̱ telia꞉ mea epoe leekeme.

Dioni 21:22 Referans Kwoze

Maka 9:1

Kutupa ipikana꞉ma꞉ iki pa꞉ta꞉ alota꞉ Iki pa꞉ta꞉ ota꞉ pi alome. Do haleme wanda꞉hali mandaneeki manuta꞉ a̱i̱ na homeke pa hata꞉ kone Koda꞉ ipika꞉ welema꞉ ipika꞉ Kilu Tombuao Hala꞉eki epolo pa꞉la꞉ ekita꞉ handilimikie leekeme.

Peneme Yaeyekeeki 2:25

Koto ekina꞉ ika꞉ wia halemeeki manuta꞉ I̱ epono honkopu hao miniki hapa꞉peke.

1 Kotindi 4:5

Koto ekina꞉ mo Tekehalina꞉ pi yokaalu pulu pa꞉la꞉ Nate epena꞉yeke handeteke hata꞉ta꞉ ikana꞉ma꞉ ma꞉nda꞉na꞉eki amba꞉la pi yokaalu na peke pa handeteke hapa꞉peke. Tekehalima꞉ epena꞉ yu wia hapa꞉peke. Ipikana꞉ma꞉ mo timba꞉ lekeeki pa꞉ta꞉ a꞉mbao ula꞉eki paeyaota꞉ pa̱a̱na꞉ mea wilieke. Kutupa wanda꞉halima꞉ puki nane panka꞉ ula꞉ honemanu ipikana꞉ma꞉ peneme yaalieke. Koto dina꞉ta꞉ Koda꞉ma꞉ wanda꞉hali paeyaoma꞉ pimi ekina꞉ yenkita꞉ ana꞉na꞉ mea꞉peke ekimanu handolo hata꞉ ikina꞉ pi la wilieke.

Peneme Yaeyekeeki 3:11

I̱ta꞉ teke pa꞉ta꞉ ipuluma꞉ ika꞉ wia haleme ekita꞉ amuma꞉ wia hapa꞉peke. Pa ekipeke ma꞉nda꞉ma꞉ ika꞉ hande a꞉nda꞉ pea bepolaaso hata꞉ mimi ekina꞉ yenkita꞉ pake naama꞉na꞉yeke loa꞉me.

Dia꞉mesi 5:7

Ya kametitio. Tekehali epena꞉yeke handeteke hao hapa꞉peke. Mo e teke halima꞉ ipika꞉ ena꞉ hala꞉ alemanu napeke epeke tupa꞉ wina꞉yeke handeteke hala꞉eki handelememe. Lako panakeeki make wetepena꞉eki make handeteke hala꞉me.

1 Kotindi 11:26

Do palaowa make do kapona꞉ make nalo hata꞉ Tekehali epena꞉yeke ipika꞉ homeekeeki walo halimikie.

Dioni 21:19

Yesuma꞉ do leeke ekima꞉ Pidama꞉ Koda꞉na꞉ biki mea a꞉meiyaluekema꞉ ipika꞉ homolo pieke ekina꞉ la hololo leekeme. Yesuma꞉ kotoeki laa Pida pa꞉ta꞉ alota꞉ I̱ telia꞉ mea epoe leekeme.

Ma꞉tiu 24:44

Ikana꞉ma꞉ make koto pieke tupa꞉ kone hoto paeyao tikitiki yao hapa꞉peke. Pa ekipeke. Mo Wanda꞉halina꞉ Eiyeketa꞉ ikana꞉ma꞉ dupita꞉ma꞉ ipilieke hone na wilimi natena꞉ opolo ipilieke.

Peneme Yaeyekeeki 22:20

Do wape pa꞉la꞉ pi manuta꞉ ota꞉ pie laa la꞉ wita꞉la꞉ somema꞉ alota꞉ Aowe. Ota꞉ a꞉pa꞉la꞉me. I̱ta꞉ teke pa꞉ta꞉ ipulume lea꞉me. Koto ekina꞉ta꞉ kutu pia꞉peke. Tekehali Yesuo. Epoe.

Peneme Yaeyekeeki 22:7

Yesuma꞉ alota꞉ Opie. I̱ta꞉ teke pa꞉ta꞉ ipulume. Do buka pa꞉ta꞉ ula꞉ wetepena꞉ pulu pa꞉la꞉ pimanu pa꞉ta꞉ opua pu haleme wanda꞉halita꞉ ta꞉na꞉ma꞉ homilimikie.

Peneme Yaeyekeeki 1:7

Ipikita꞉ ya hapi manda oli ipula꞉ handa꞉e. Paeyaoma꞉ handilimikie. Mo ipiki ikoko lia doloma꞉ awemeke haliwekina꞉ make loa꞉me. Kutupa do kenkena꞉ hala꞉ wanda꞉hali paeyaoma꞉ta꞉ ipiki handolo hata꞉ e̱ tieke lelimikie. Koto ekina꞉ta꞉ kutu pilieke.

Ma꞉tiu 25:31

Kutu piki onkoluma꞉ pi lo paeyaaso hata꞉ Yesuma꞉ alota꞉ Mo Kenke Wanda꞉halina꞉ Eiyeketa꞉ pa Kini Hali hata꞉ ipika꞉ enisolomanu tonka꞉na꞉ do kenkena꞉ epea꞉ka꞉na꞉ta꞉ kota꞉ ipikana꞉ma꞉ ipika꞉ pa̱a̱ tieke piki handeteke hala꞉ biki wiki sea tieke manda pitilieke.

Ma꞉tiu 24:27

Mo Wanda꞉halina꞉ Eiyekena꞉ epolo pa꞉la꞉ ekita꞉ mo hande ti tekele pita꞉la꞉ ekima꞉ mo ya paeyao olina꞉ onina꞉ pa̱a̱ tieke pita꞉la꞉ tupa꞉ opolo ipilieke.

Ma꞉tiu 24:3

Koto hoki naneta꞉ Yesuma꞉ mo Olipi pote manda pitina꞉ta꞉ ipika꞉ disaipolo haliwekima꞉ a꞉mbao lota꞉ pitolo alota꞉ Nakana꞉ma꞉ mo hande le pita꞉ handima꞉ opolo ipilia꞉pe. Kutaa mo naka꞉ paa la꞉ka꞉la epolo peleeki pita꞉ do yu ya paelo pa꞉la꞉eki yaapo telipina꞉ teke pa꞉ta꞉ ya꞉lia꞉ ekita꞉ eki patehau pilia꞉ ekima꞉ niki walia꞉pe lemekeme.

Ma꞉tiu 8:22

Pate Yesuma꞉ hombo peaaso alota꞉ Ika꞉ toko manuma꞉ ika꞉ kone hoina꞉ma꞉ neketa꞉ I̱ teli mea epoe leekeme.

Ma꞉tiu 16:24

Koto la paeyeketa꞉ Yesuma꞉ ipika꞉ disaipolo haliweki pa꞉ta꞉ alota꞉ Hali ma꞉nda꞉ epima꞉ ya hoki nane toluekema꞉ hone pia꞉ka꞉na꞉ta꞉ kota꞉ ipiki pa꞉ta꞉ kone hone ula꞉ ekimanu tunkulaata꞉ ipika꞉ a꞉ka꞉tei wape piki ti mea tia ya hoki nane telina꞉e leekeme.

Dioni 21:21

Pidama꞉ koto hali handaa Yesu pa꞉ta꞉ alota꞉ Tekehalio. Do hali pa꞉ta꞉ta꞉ eki hau ipiliepe leekeme.

1 Desalonaika 2:19

Wetepena꞉ nika꞉ Tekehali Yesu paa la꞉ka꞉la epea꞉ka꞉na꞉ta꞉ kota꞉ ipika꞉ leke popelekena꞉ mombela hata꞉ta꞉ nikana꞉ma꞉ aleke muluma꞉pe. Nika꞉ hone pualo poloma꞉ ekita꞉ alekepe. Eki yenki epeke muluekema꞉ ta꞉na꞉ma꞉ homuluma꞉pe. Koto yenkita꞉ iki homekee. Ikita꞉ nika꞉ ta꞉na꞉ma꞉ homaasa꞉eki make nika꞉ mulu poloma꞉eki make nika꞉ hone pualo poloma꞉eki makee.

Dia꞉mesi 5:8

Kutupa iki make handeteke hapa꞉peke. Tekehalina꞉ epolo pa꞉la꞉ nate koto kone ya꞉leke handa ika꞉ puki hana꞉ noka꞉pa hapa꞉peke.