Dioni 21:18 - Panake Pi La: Ula: Buka pita: Kine Pieke Buka

¹⁸ I̱ma꞉ neke pa꞉ta꞉ ota꞉ pi alome. Neke wekihali hae dina꞉ta꞉ nakana꞉ma꞉ ba꞉ta꞉ido hako yama naka꞉ hone pia꞉ nane pomu hayekeme. Kutupu hayekepate wetepena꞉ta꞉ neke koke yolo pa꞉la꞉ dina꞉ naka꞉ kiki yaapo tindipa moneaalo pelepate hali ma꞉nda꞉ma꞉ naka꞉ kiki mea tonkao naka꞉ hone na pa꞉la꞉ nane kone neke hatuku pelieke leekeme.

Dioni 21:18 Referans Kwoze

Dioni 13:36

Saimono Pidama꞉ Yesu pa꞉ta꞉ lota꞉ pitolo alota꞉ Tekehalio. Neketa꞉ hane poluekema꞉ alepe leeke handaa Yesuma꞉ alota꞉ I̱ polue naneta꞉ ame I̱ telia꞉ mea a꞉pa꞉peke na yolo pa꞉la꞉pate wetepena꞉ta꞉ telia꞉ mea ipilipikie leekeme.

Aposolo 21:11

Kutupa niki pa꞉ta꞉ a꞉pata꞉ Polona꞉ ba꞉ta꞉ido hako meaata꞉ anke kiki ipika꞉ kone tonkao alota꞉ Holi Sipitidima꞉ do ala꞉me lea꞉me. Mo Diutuseleme da nane Diu haliwekima꞉ do ba꞉ta꞉ido hako teke hali mea tonkao mo Diendaili haliweki pa꞉ta꞉ ipiki mea hatuku pelimikie ala꞉me lea꞉me.

2 Kotindi 5:4

Niki do kenkena꞉ palai da pa꞉ta꞉ hata꞉ta꞉ ka꞉nda꞉ma꞉ homolo hata꞉ wese lo haloma꞉me. Do ekita꞉ mo nika꞉ kenke loke mea baaluekema꞉ dia꞉ya꞉la꞉pate nika꞉ hone pa꞉la꞉ ekita꞉ mo hepenina꞉eki nikina꞉ pambaena꞉yeke loma꞉me. Pa ekipeke mo homo hala꞉ ekita꞉ da꞉ta꞉la꞉ ekima꞉ da panda꞉ meaka꞉na꞉ bepolalieke.

Luku 12:37

Kutupa mo you hali paa la꞉ka꞉la a꞉pa mo ipika꞉ e pokaaseme hali wekita꞉ u̱ na polu pitiki a꞉nda꞉ pa ipiki yu wia pilimieki a꞉pa handea꞉ka꞉na꞉ta꞉ kota꞉ ikita꞉ ta꞉na꞉ma꞉ homo halimikie. I̱ma꞉ iki pa꞉ta꞉ ota꞉ pi aloma꞉ Mo haliwekima꞉ koto hau pimiki yeke handaa ika꞉ you halima꞉ta꞉ ipika꞉ manda aka꞉ hola wiaata꞉ iki pa꞉ta꞉ Ne no hala꞉ alena꞉ a꞉pa pita꞉pe laa ne pana꞉ pu kilieke.

Dioni 21:17

Hoto tepo peao Yesuma꞉ ipiki pa꞉ta꞉ alota꞉ Dionina꞉ eiyeke Saimonoo. Nakana꞉ma꞉ I̱ pa꞉ta꞉ hone pa꞉la꞉pe leekeme. Pidama꞉ta꞉ Yesuma꞉ Nakana꞉ma꞉ I̱ pa꞉ta꞉ hone pa꞉la꞉pe pi ipiki pa꞉ta꞉ hoto tepo peao lota꞉ pieke ekina꞉ta꞉ ka꞉nda꞉ma꞉ homolo hata꞉ ipiki pa꞉ta꞉ alota꞉ Tekehalio. Ala꞉ta꞉ ala꞉ta꞉ paeyao nakana꞉ma꞉ handeleme. I̱ma꞉ neke pa꞉ta꞉ hone pa꞉la꞉ ekita꞉ nakana꞉ma꞉ handeleme leekeme. Yesuma꞉ ipiki pa꞉ta꞉ alota꞉ Ya sipisipi ma꞉na꞉ manuta꞉ nakana꞉ma꞉ punao hapeke.

Dioni 21:19

Yesuma꞉ do leeke ekima꞉ Pidama꞉ Koda꞉na꞉ biki mea a꞉meiyaluekema꞉ ipika꞉ homolo pieke ekina꞉ la hololo leekeme. Yesuma꞉ kotoeki laa Pida pa꞉ta꞉ alota꞉ I̱ telia꞉ mea epoe leekeme.