Dioni 20:21 - Panake Pi La: Ula: Buka pita: Kine Pieke Buka

²¹ Kutupa Yesuma꞉ iki pa꞉ta꞉ paa alota꞉ Ika꞉ puki lopa꞉niao hape laa Hande Apa꞉ma꞉ I̱ epono tapaala꞉ tupa꞉ iki make pomina꞉ koto tupa꞉ tapaasome leekeme.

Dioni 20:21 Referans Kwoze

Dioni 13:20

Iki pa꞉ta꞉ ota꞉ pi alome. Hali epima꞉ I̱ma꞉ tapaaso hali handa꞉ mia꞉ka꞉na꞉ta꞉ I̱ make handa꞉ minolo pita꞉la꞉me. Kutupata꞉ I̱ handa꞉ mina꞉la꞉ halima꞉ I̱ tapaeya꞉ hali kone handa꞉ mina꞉la꞉me leekeme.

Dioni 3:17

Koda꞉ma꞉ta꞉ ipika꞉ Weki kenke wanda꞉halina꞉ pi yokaalu peaalo pa꞉la꞉ hali haena꞉yeke na tapake ika꞉ mea da꞉taalo pa꞉la꞉ hali haena꞉yeke tapaeyekeme.

Aposolo 1:8

Koto pa꞉la꞉pate ikita꞉ wele pita꞉la꞉eki milimikie leekeme. Mo Holi Sipitidi epea꞉ka꞉na꞉ta꞉ ikita꞉ yaka wekitisi haliweki Diutuseleme pa꞉ta꞉ make Sametia pa꞉ta꞉ make Diudia paeyao pa꞉ta꞉ make hama hama pea kenke honiki honiki paeyao pa꞉ta꞉manu make la halimikie leekeme.

2 Timodi 2:2

I̱ma꞉ wanda꞉hali eleke elekena꞉ leke popelekena꞉ waloeke opi mana꞉ pi manuta꞉ kota꞉ nakana꞉ma꞉ meaata꞉ mo hone epeke tupa꞉ u paleke hata꞉ mandane da wanda꞉hali ana꞉na꞉ wala꞉peke ya꞉la꞉ wanda꞉halita꞉ nakana꞉ma꞉ moka꞉la hale hale pea꞉peke.

Ma꞉tiu 10:40

Wanda꞉hali epima꞉ ta꞉na꞉ma꞉ homolo hata꞉ iki ya disaipolo haliweki handa꞉ mimika꞉na꞉ta꞉ kota꞉ kotota꞉ I̱ kone handa꞉ minelememe. Koto tupa꞉ kone epima꞉ I̱ pa꞉ta꞉ ta꞉na꞉ma꞉ homolo hata꞉ handa꞉ mimika꞉na꞉ta꞉ kota꞉ kotota꞉ mo I̱ tapaala꞉ Apa꞉ pa꞉ta꞉ kone pitememe.

Ma꞉tiu 10:16

Opua꞉pe. Ikita꞉ mo honkopu wopu na hake sipisipimanu tupa꞉ ya꞉la꞉pate I̱ma꞉ iki mo tikene iyamanu tukiki pa꞉ta꞉ hamena꞉ tapaasome. Koto ekina꞉ mo hande ketoma꞉ kimelema꞉ pomua꞉la꞉ tupa꞉ iki make kimelema꞉ pomua꞉pa꞉peke. Kutaa make mo hande dokolo ba manuma꞉ epeke tupa꞉ momba꞉la pitu haleme tupa꞉ iki make sembepela hao hapa꞉peke.

Dioni 14:27

I̱ma꞉ iki mina꞉pa꞉lao pulupate puki lopa꞉niaasa꞉ ekita꞉ iki pa꞉ta꞉ pa wina꞉ laa pulume. Yaka puki lopa꞉niaasa꞉eki kone iki pa꞉ta꞉ kitolome. Kutupa mo kenke wanda꞉halima꞉ iki pa꞉ta꞉ kita꞉la꞉ tupa꞉ pa na kitolome. Koto ekina꞉ hone eleke eleke na wiki paala꞉ma꞉ na homa꞉pa꞉peke laa leekeme.

Hibulu 3:1

Koda꞉ma꞉ wi la꞉ mea haena꞉ la꞉la꞉ ya Ketiso kame tonuo nika꞉ hone tu lao haloma꞉ ekina꞉ yeni peao hala꞉ You hali pita꞉ Koda꞉ma꞉ tapaeyeke hali Yesu peneme yaaso hata꞉ta꞉ ipiki pa꞉ta꞉ hone wopu u hapa꞉peke.

Dioni 20:19

Koto Sande timbaata꞉ mo hande disaipolo ame̱le̱ pomu haemeke haliwekima꞉ mo Diu haliweki pa꞉ta꞉ paala꞉ma꞉ homolo hata꞉ da pota꞉manu poka loka꞉ hao da tukiki pa꞉ta꞉ momba꞉la pitimikipate Yesuma꞉ iki tukiki pa꞉ta꞉ a꞉pa hata꞉ alota꞉ Ika꞉ puki lopa꞉niaape leekeme.

Luku 24:36

Mo hande hali yaapoma꞉ moeki alo haena꞉ta꞉ koto kone mo Tekehali ipika꞉ kone iki ame̱le̱ mandakena꞉ peneme yao hata꞉ alota꞉ Puki lopaasa꞉eki iki pa꞉ta꞉ wina꞉e leekeme.

Dioni 20:22

Kotoeki laata꞉ iki pa꞉ta꞉ pomo puaaso alota꞉ Mo hande Holi Sipitidi iki pa꞉ta꞉ kitoloma꞉ mipe leekeme.

Dioni 20:26

Kutupa pula homeke paeyeketa꞉ hande disaipolo haliweki Tomasi ame̱le̱ mo da tukiki pa꞉ta꞉ pa momba꞉la haemekeme. Mo pota꞉manu loka꞉ hao haemekepate Yesu a꞉paata꞉ iki tukiki pa꞉ta꞉ a꞉pa hata꞉ alota꞉ Ika꞉ puki lopao pita꞉pe laata꞉

Aposolo 1:2

Kutupa Holi Sipitidima꞉ walolo haena꞉ Yesuma꞉ ipika꞉ talopu mea haena꞉ leeke aposolo haliweki pa꞉ta꞉ pi lo paeyaota꞉ oli ya nane a꞉meiyeketa꞉ wape pu naowa꞉me.

3 Dioni 1:14

Yaka honema꞉ta꞉ neke koto kone handolo ipulu hata꞉ pimanu lopana꞉e.